宜家家居美食站

营业中

休息中

講起ikea嘅小食店咁大家諗起嘅肯定係熱狗同埋汽水，又或者係肉丸。返工返到悶悶哋，食完晏晝飯嚟ikea行下，經過小食店聞到一陣甜甜地嘅香味，咁啱有新鮮出爐嘅爆谷。自從戲院冇得食爆谷之後，好耐都冇食過，所以就忍唔住買咗份嚟食，又甜又脆

咁岩行過九龍灣 IKEA， 見到萬聖節限定既珍寶熱狗又返黎拉， 緊係買返個黎食拉🤣⭐ 珍寶芝士雞肉醬竹炭熱狗《$16》一拎到就影張相先，完全無賣相既超長熱狗🌭️ 味道一般 無特別

身為榴槤控知道宜家家俬小食站新出左一系統既榴槤甜品緊係要去試下喇。今次新出左三樣甜品，雖然話係三樣食物，但對我黎講實際只係芝士撻同榴槤雪糕既分別。榴槤流心芝士撻～超勁芝士，食落去😵，起碼我屋企鐘意食芝士同榴槤既人仕都咁既樣，或者就好似原材料料咁，鐘意既好鐘意，唔鐘意就接受唔到，我就覺得唔多夾喇😅特濃D24榴槤燕麥奶新地同新地筒既分別就係上面有榴槤蓉同冇，價錢差十幾蚊食到D24喎，緊係買新地食喇

好耐都冇嚟過宜家傢俬啦。行完宜家傢俬當然少不免係食佢啲小食啦，啱啱食完個燒肉放題。非常之飽。就想搵啲酸酸地嘅嘢嚟食，見到佢有個乳酪配迷你布甸粒及焦糖醬。咁就決定食佢啦。成為$10。好快就拎到我手啦。眼見乳酪上面嘅布甸粒份量非常之多。焦糖醬亦都一啲都唔孤寒。先食佢個布甸粒。布甸粒非常滑溜。而且唔會話太甜。乳酪加上焦糖醬，一酸一甜。味道意外異常地夾。如果唔係因為太飽嘅關係。我諗我都會再encore多一次。$10真係非常之抵食😆

IKEA在6月份推出了3款榴槤甜品D24 榴槤新地筒, 特濃 D24 榴槤新地, 榴槤流心芝士撻D24 榴槤新地筒和特濃 D24 榴槤新地有什麼分別?D24 榴槤新地筒賣$9, 特濃 D24 榴槤新地賣$19貴了$10其實就是特濃 D24 榴槤新地多了榴槤蓉特濃 D24 榴槤新地 ($19)未食已經聞到榴槤味, 雪糕表面有些榴槤蓉雪糕的顏色是米白色, 份量其實不是很多, 比新地筒多少少先試試雪糕, 雪糕本身已經有榴槤味, 不過味道不算太濃然後試一下榴槤蓉, 榴槤蓉聞落非常香, 入口有榴槤甘味, 榴槤甜味, 非常好食, 榴槤雪糕再加榴槤蓉一起吃, 味道一流雪糕質地並不是很滑那種, 它是用了燕麥奶製造, 熱量比傳統奶類更低, 素食者也可以吃, 非常好榴槤流心芝士撻 ($13)比想像中大個, 賣相很美, 焗得很好, 有榴槤和芝士香味外皮似是曲奇蛋撻的曲奇皮, 入面有些白色有些米色, 我估計白色是芝士, 米色是榴槤芝士味很重, 一入口就是芝士味, 然後才到榴槤味, 榴槤味比芝士味淡不過整體都很好吃最後提提大家榴槤流心芝士撻供應日期由6月1日起至6月30日而D24榴槤新地筒及特濃 D24 榴槤新

次次行完Ikea都會喺出口處度買小食，幾好味，又唔貴。今次食咗肉丸同埋蜜糖腸，肉丸熱辣辣，肉味都OK，細細粒，啱晒做小食。蜜糖腸係脆皮嘅，有成三大條，蜜糖味都幾出。係唔錯嘅選擇～

成日都會去九龍灣餐廳IKea 食lunch今期蒜蓉蝦烏冬，隻大蝦其實都新鮮好味爽口，出事位係啲烏冬同埋個汁。鳥冬唔夠煙韌，醬汁方面味道太甜，而配合個大蝦和烏冬10分古怪。希望快啲改咗呢個菜單。

今日去九龍灣個邊上office training一早已經諗定好食乜野因為Megabox 就正正係對面 緊係食最親民價既ikea啦食完野仲可以慢慢周圍行下 好中意去ikea因為得我一個人食既關係 叫唔到其他拼盤食我必叫既至愛 十粒肉丸加薯蓉🤣我就唔會加紅色個個醬對我黎講十粒就岩岩好其二我至愛係菜餅 又有小小芝士味唔知點形容但真係好正🤣不過好似轉左個價格之後叫左小食拼盤入面既主角炸雞翼同麥當勞雞翼有得揮架 小小辣

今日去咗九龍灣ikea小食店，大約八點排咗好耐，最後買咗隻雞髀🍗$15同蔬菜薯餅🥦🥔$8。有我至愛嘅薯餅，充滿西蘭花同芝士味，一如既往咁好食，又抵食，真係超值之選！

IKEA 食堂 瑞典肉丸 必食 好味 香口 1啖1口食唔停 略嫌醬汁偏甜5粒牛肉丸 + 1球薯球 $13 10粒牛肉丸+ 1球薯球 $22 15粒牛肉丸 +1球薯球 $33鐘意食薯蓉就要點 $22嗰款 抵食啲蘋果批 $12 蔬菜薯餅~$8 冇菜味 質似薯球 唔推介不如畀多5元 買5粒肉丸薯球香草烤雞扒~ $7 香草味濃 烤香味但雞肉質過淋 肉尚餘雪味蒜香欖油和牛粒意粉 $43 和牛粒淡口似冇調味 過熟肉嚡冇肉汁意粉份量少 油膩 當午餐就唔夠餐湯$13 奶茶$7 要另費 奶茶咖啡 可免費添加自助型式 冇招呼可言 但…… 收銀 & 早段出餐員 傾計都幾煩擾出餐員態度很一般 分配食物 配料份量時多時少希望有改善

Ikea嘅小食站成日都出唔同嘅新嘢🧐而甜品站嘅雪糕每隔一排就會轉，今次又去試下新嘅雪糕陣味伏唔伏先🤪今次係出鹽味焦糖新地，本身聽個名覺得會好伏，覺得陣味應該唔咸唔甜咁。但本住一個又唔貴，試下無妨嘅心就去左食。一食落口唔好識形容陣味，又唔叫咸嘅，但就無咩焦糖味，但一焦糖色，個雪糕嘅色係黃黃地咁。佢又未算去到好伏叼就唔咸唔甜，但就食落有種少少嘅咸味，甜味就無乜啦。總括而言，陣味就幾特別嘅👽😂但我就覺得試一次就夠，等下次出新再試下伏啦😂😂

今日為咗要去呢個婚展，我冇主要食催淚彈放題危險終於去到九龍灣呢一個荒蕪之地，再搭一家唔知乜鬼巴士去到MegaBox嗰邊先簽咗張結婚按金只之後再去到宜家傢俬呢一度試吓佢最出名嘅榴槤雪糕，再加埋佢嘅肉丸而來嘅本來以為宜家傢俬因為催淚彈放題一是令到大家都唔敢過嚟，但我卻發現呢度真係好多人啊！我係呢個美食區嗰度發現有成過百人喺度等緊，本來我都唔係好想食，但咁遠水路嚟到呢一度我都唔可以放棄佢只不過呢一間可以食嘅榴槤雪糕等左差唔多20分鐘左右我哋終於叫咗熱狗套餐、肉丸、榴槤雪糕。叫完之後我發現原來呢一度係冇得坐㗎，只係得立式， 但冇所謂啦，都照係咁食㗎啦首先呢一個熱狗套餐都幾抵食下，成為十蚊多，汽水仲可以添飲，正！而呢一個雪糕只不過係幾蚊雞就可以滿足到我呢一個榴槤腔，味道好濃郁，而且好冰好綿好軟熟，真係蔗渣價錢燒鵝嘅質素！

今日係九龍灣行行吓聽到前面個個人講話IKEA有竹炭雪糕，好奇心驅使下就去咗，試吓依個竹炭雪糕究竟係咩味道，呢款雪糕好似係期間限定去到美食店嗰陣已經係九點幾，人唔算多，好快就買到竹炭雪糕啦。雪糕上手，即刻影返張相先，雪糕的賣相幾好算有gimmick，唔似某啲快餐店嘅雪糕，整到東歪西倒。呢個竹炭雪糕配搭得幾好，荔枝嘅香味亦不失竹炭嘅清新。不過，雪糕嘅甜筒質地偏硬，喜歡唔喜歡就見仁見智了，但個人認為好食

宜家傢俬真係一個好行嘅地方，地方又大，貨物種類很多，行完之後仲可以順便食啲嘢，非常方便。其實頭先睇完戲先食咗嘢，根本就唔係好肚餓，不過為食嘅我哋見到有美食站又忍唔住，點都要買返少少嘢食，就求其揀個熱狗仔啦！相信呢度幾度既熱狗已經好出名，因為實在係好平，幾蚊一隻，雖然唔大，但係啱晒純粹為咗醫口痕嘅我哋！買完自己加醬汁，多少隨你自己決定，都係一個唔錯嘅地方！

八月因爲身體唔舒服，差不多一個月無出街食飯，直至今日，所以話身體好重要，多多錢都買唔到！八月最後一日，我到mega box 行十行，欣賞溜冰，為左節省金錢，我去ikea 食飯。Ikea 一向人流眾多，幸好唔算排隊排極耐，不過搵位就要時間。我點了薯格拼盤，雞腿，蔬菜餅。估唔到蔬菜餅咁好食，雖然細件左，淺嘗都係一件好事，加上身體未百分百康復。薯格拼盤睇見好多，實際份量中等以下啦，係，價錢成正比雞腿d皮連埋雞腿肉好食，大家要食皮呀！