宜家家居餐廳及咖啡室

营业中

休息中

行開九龍灣Mega Box嘅宜家傢俬，順便去埋佢餐廳食野。Mega Box呢間ikea cafe都算大。每次黎都必點佢嘅瑞典肉丸，$23蚊有10粒，仲有埋薯蓉伴食，低食又好味。香草三文魚沙律，點埋醬汁一齊食感覺好fresh。今日仲有聖誕期間限定香草燒雞配蕃薯，蕃薯炸成一條條，薯條食法，好鐘意。朱古力蛋糕就略為太甜。8蚊柸汽水，咖啡或茶可以無限添飲，低食👍👍

概覽：IKEA Cafe 有齊頭盤、主食/正餐、小食、甜品和飲品，任君選擇，且冇最低消費，方便客人靈活咁安排餐膳。價錢相宜，自助形式。無限制用餐時間。疫情下餐廳按情況實施人潮管制，客人可能要喺餐廳外輪候等入餐廳搵位點餐。酥炸咸豬手拌酸菜（$66）（另有薯仔拌碟，大概5舊/粒）賣相新鮮吸引。肉唔硬，容易切。皮脆。脆皮（連住豬手）VS 唔脆皮（刀子上）筋腱位香，好食！薯仔有大舊同細舊，全部原粒上菜。薯仔軟硬度適中，唔會太乾。有一兩舊薯仔特別重薯仔味。當刀叉幫唔到我食晒啲肉時，出手拎住成支骨食肉，好爽！嘩！係骨膠原呀！收據：價錢相宜！食飽人！P.S. 咬筋腱位肉或容易攝入牙縫，需要牙線/牙縫刷解救。

蔬菜薯餅❤️每次去ikea必食既😍入面有粒粒薯仔及蔬菜，好味😋瑞典肉丸❤️又係必食之選，佢係由牛肉碎及豬肉碎混合而成，每一粒都滿滿既肉汁，再加埋佢個醬，好正！🤤🤤

因為要去ikea買嘢，順便就去埋佢間餐廳食晚飯。食完才慢慢行慢慢睇，幫助消化今期精選有酥炸醎豬手，仲配埋酸菜同薯仔，肉質嫩滑，外皮係有少少韌，但以價錢＄66來説真的冇投訴小龍蝦磨菇茴香芝士意粉，買相不錯，但味道一般，小龍蝦冇味，意粉不彈牙香草三文魚沙律，菜都好fresh瑞典🇸🇪肉丸，必食之選，＄13有5粒肉丸配香滑薯蓉蔬菜薯餅，＄16 2件，外脆內軟，咬落薯仔係一粒粒的，口感不錯。這裡全部加埋都不過＄200，真係好抵食最後經過宜家的美食廊，仲買了急凍的蔬菜薯餅及香草三文魚回家。

本身我都預咗食ikea唔會特別好食🥹但今次真係接受唔到，要專登打個食評呢個大蝦白汁焗螺絲粉係難食到咁🤢啲螺絲粉好冧，好乾，好凍🤮咬落去係完全一pat野，如果唔望住食唔會知係螺絲粉🤣上面啲白汁杰到一個點，最癲係今日得呢個飽肚選擇，好難食但人人都要食個白汁魚又係好乾，面頭一堆麵包糠就算，食落就係short short聲😂無汁俾你點，配啲好乾嘅豆+好乾嘅薯仔仲要啲小朋友餐具勁dirty🤢唔知想點一個字：嘔！

🔹九龍灣//宜家家居餐廳及咖啡室 IKEA 🔹人均約$16🔹▫️抹茶紅豆鯛魚燒 $16鯛魚燒有驚喜，入面係吉士，食落去好好味😝😝抹茶雪糕正😋▪️萬聖節雪糕 $16(好似)乳酪雪糕係灰色，我以為係芝麻味，但係原來係原味🤣🤣好食！抵食😝😝但手指唔好食勁乾🥲🥲▫️抹茶雪糕 $6抵食😋幾重抹茶味喔！不過有啲太甜🤣🔹好飽評語平靚正😋經過試下😝🧠回頭指數：9️⃣🧏🏻‍♀️打卡港女：6️⃣🌬冷氣溫度：7️⃣🚽廁所評價：6️⃣🧾性價比呢：9️⃣

.今日無聊行下IKEA 見到佢出左一個特濃柯華田雪糕As一個柯華田忠粉咁我就梗係要試下啦而且價錢唔價又有啲柯華田脆脆🤤唉☹️ 不過都係有嘅失望佢唔算係「伏」嘅😂 但真心唔會再食佢.點知….一啖食落去….柯華田嘅味道係有嘅不過覺得我真係feel唔到佢「特濃」柯華田味真心 整體感覺就麻麻地啦呢個雪糕甜到傻了真係一啖下去心諗： 糖尿病啦🙈🙈佢個特濃係去左個甜味嗰到？？？☹懷疑係因為啲朱古力醬有影響🙈.成杯野嘅敗筆就係佢pat朱古力🍫真心有少少畫蛇添足嘅感覺😂唔知要黎咩用 又唔係會好食啲太甜了太甜了 我食得幾甜嘅野都覺得佢好甜呀….啲脆脆係成杯野唯一好食嘅部分 脆脆係我真心會推薦嘅但可唔可以唔要啲朱古力醬…

黎ikea，最重要當然係去ikea餐廳，傢俬容後再議。大部分menu有既都想嗌，但得兩丁友，只能夠擇肥而食兒童餐有素魚柳粟米伴紅汁，包一個汽水杯。素魚柳比較硬身，實的的燒豬手，表皮炸過，脆而偏硬，但70蚊有找，有酸菜，有炸春薯同gravy，好抵食必點既肉丸跟薯蓉，果子醬自己落，減少浪費，味道一如既往，只係凍左少少。小食拼盤，有炸雞翼，脆皮波波腸，炸薯角同粟米。雞翼仍然係又乾又硬，但點都係會叫一份。蝦串拼意粉，蝦比較腥，非常需要胡椒粉，忌廉汁偏稠身，下次會叫返三文魚柳自助暖爐既菠菜薯餅仍然咁正，外脆內軟，牛油定芝士既奶香好夾薯仔！仲有黑松露炸餃子，松露味道以$13/4隻黎講好足夠，如果撞正新鮮炸起應該好好味overall係好抵食既

成日同同事講我要食，終於比我買到佢啦😆本身今日諗住去食xo 老樹榴連雪糕only. 但！比我見到佢之後心心念念想將佢帶比媽咪試吓，因為佢都好中意呢啲得意野，所以就將佢地一家三口帶左返屋企啦😍happy 呢個鯊鯊包係蕃薯餡，諗住聽朝早餐既時候整返熱佢黎食😁係美食站見到個小朋友食到😋咁既樣，應該都好食既😆等我聽朝試下先，期待期待😉🥂特別多謝男朋友陪我排隊，宜家既售賣機好易hand, 人又多，辛苦晒😘

IKEA meatball 我個都覺得IKEA既meatball好出名佢最出名應該係點埋佢個紅苺醬同埋佢個醬汁👍🏻其實冇食好耐 再食返個肉丸係好味嘅再加埋啲紅苺醬汁 甜甜地 好味今次個薯蓉都整得幾好食 唔算差係有個服務態度唔好 希望佢可以改善下

🌟 鯊鯊包（蕃薯餡）鯊鯊包係獨立用一個細細紙托盤裝住，比我預期細隻好多，只有掌心咁上下大。QQ 版嘅鯊魚造型，可能因為熱潮已過，已經冇咁多人搶住要試，瑕疵比較多，同埋好多位都已經焗燶咗，不過都可以仲搵到啲角度，影出黎都係好可愛嘅。 包身嘅口感覺得比較硬，鯊魚旗仲焗到好似炸過咁脆口，都係可能放得太耐，入面比較乾。味道方面，蕃薯餡好彩唔太甜，正常水平，量適中。🌟 蛋撻新地其實入面並未冇雞蛋類嘅餡，只係用曲奇蛋撻皮直接唧咗啲新地雪糕。都可以算係唔用甜筒嘅時候嘅創新。味道方面，唔太大期望，新地同蛋撻正常發揮。🌟蜜汁烤腸配蔬菜薯餅應該唔會得我一個人覺得烤腸嘅外皮硬得黎超脆，非常之有咬口。配埋個薯餅食，希望可以好似食得健康啲😆。 薯餅配埋大大粒脆皮腸，兩樣都加勁多茄汁芥末，呢個都係ikea必食之一。🌟汽水無他嘅，因為可以無限添飲呀👍🏻👍🏻下次都係食返熱狗配汽水，性價比高啲😬

Ikea咁岩同屋企人去買家私行完有啲肚餓就去左食ikea小食見到呢個Instagram好紅既包！成個沙魚仔咁既樣 好可愛！個包勁打卡able食落去覺得就係正常發揮味道不過不失但又咁平咁可愛就夠仲叫左個肉丸食 都係又平又抵食下次可能會買埋啲包比朋友食咁可愛

榴槤控嘅我，一知道IKEA出左榴槤雪糕即刻要仆過去試吓，真係，真係，的確冇得彈，好甜好香，好好味😋榴槤肉都算多😍再叫一杯乳酪，亦都好好味，加埋肉醬熱狗就飽晒啦好滿足，又平又抵又好味嘅下午茶

🔥最緊好火熱既榴連雪糕，鐘意食雪糕既緊係要潮聖下😆未行到入去已經聞到榴連香🍨特濃D197貓山皇榴槤燕麥奶新地雪糕係用左燕麥奶，所以比起普通牛奶雪糕仲要滑，齋食雪糕已經食到好香既榴槤味，唔會太甜入口即溶，加埋果肉一齊食，簡直係味蕾既衝擊🤤

選擇左堂食，肉丸就真係唔錯要推薦。個薯都幾好，但係個意粉…唔怪得知冇咩人嗌。個意係又甜但又酸，個口味真係唔多適合本地人。至於個沙律係幾fresh。坐位方面就普普通通，但價錢真係抵既。