影片
营业时间
今日营业
11:30 - 20:30
星期一至日
11:30 - 20:30
公众假期
11:30 - 20:30
以上资料只供参考，请与餐厅确认详情
相关文章
今日（17-5-2025 Sat）未病完，冇心机周围去，老公search软棉棉嘅美食时，search到Ikea美食站有开心果雪糕新地，于是走嚟啦。不过我哋先上嚟食个晏，嚟到时都已多人，我哋见到有开心果慕丝蛋糕同开心果巴斯克蛋糕，于是两样都要，而今日有汉堡，不过我唔食得，见到有酥皮汤，就指定老公买呢样，佢就先买呢3样再加个士多啤梨流心水牛芝士沙律同$9.00嘅任饮汽水食住先。1. $29.00嘅开心果巴斯克蛋糕呢个开心果味道浓郁，属全熟芝士蛋糕，同时食开心果慕丝蛋糕就食得出佢嘅分别，就系带有芝士嘅咸味，口感固然系厚实。5分2. $29.00嘅开心果慕丝蛋糕呢个感觉就系轻盈好多，味道亦冇咁浓，都唔错。5分3. $49.00嘅士多啤梨流心水牛芝士沙律配黑醋我一食落咗黑醋嘅蔬菜就觉得难食，蔬菜系新鲜但份量系极少同冻咗啲，你以为流心水牛芝士下面重有菜？咁就大错特错喇，其实只系围住佢咁大把。流心水牛芝士系好食嘅，不过要留心，佢唔系流心。4.5分4. $36.00嘅酥皮龙虾汤呢个热腾腾就一定，酥皮系脆但唔系好厚，牛油味亦唔浓，龙虾汤就浓，唔错，亦有鲜虾。5分5. 食完后我哋至买主食，我就睇中$73.00嘅酥炸咸猪手伴酸菜，拎到嚟我哋就分好佢啦，肉系有好多，咸系正常，肉质juicy唔柴皮，皮脆，我觉得唔算好腻，但老公就要食酸菜解腻，我就觉得酸菜唔系好酸，但唔啱我食。5分6. $9.00嘅葡挞唔大个，但一食就死喇，好甜同腻，挞皮都松脆嘅，但可能太饱，已经觉得佢一般。3分卫生：我哋揾到位坐，等老公买嘢食时，张枱都几汚糟，而且见到有蠓，但攞回收餐盘嘅职员，来来回回经过几次，一直都冇谂过帮客人抹枱。价钱：连两杯$9.00嘅任饮汽水系$243.00，当你觉得佢比较平而嚟食，食完后你至知唔系，因为呢喥系全自助，重要帮佢抹枱，好彩佢有餐纸提供，唯一可取嘅系任坐冇限时。上次食评系2024年12月25日刊登嘅呢篇：https://www.openrice.com/zh/hongkong/review/b-%E5%A5%BD%E9%B9%B9-e5834389
继续阅读
今日第一次帮衬荃湾呢间IKEA餐厅，拣咗以下：1. 瑞典肉丸（8粒/客）：系咪每次嚟都必选IKEA肉丸？😁味道冇变，啲酱汁同样美味2. 鸡肉丸串（4粒/串）：啱啱出炉，热辣辣，所以特别好味，建议可以点埋肉丸𠮶2只酱，一样咁夹咁好味（我觉得好食过肉丸𠻹）👍3. 蜜糖肠仔（3粒/客）好普通，可嗌可不嗌4. 冻虾：一贯新鲜好味，有虾籽𠻹👍5. 冻三文鱼味道比以前差咗啲，大家可以考虑下6. 蘑菇汤：冇乜蘑菇喺汤度，而且味道麻麻，罐头汤比佢仲好饮7. 酥皮龙虾汤配虾：味道都系麻麻哋，汤同虾肉都带啲苦，加埋酥皮都帮助调味不大8. 鲜橙汁好饮，真系鲜榨
继续阅读
喺荃湾返工一排，间唔中都会去ikea，但平时冇留意，有日喺open rice揾食，先知原来荃湾𠮶间都有餐厅，今日就同同事lunch 去试吓😂上到去，都好full，要揾位。见到menu 样样都唔算贵，咩都想试🤣拣咗1. 酸菜脆猪手2. 瑞典肉丸3. 炸鸡翼4. 酥皮龙虾汤5. Coffee猪手其实几正宗欧式，好脆😚Ikea瑞典肉丸就一向都唔太差😂炸鸡翼个人觉得细只左少少，同埋唔算好脆。酥皮汤都一般，个feel 比较standard，龙虾肉似虾肉，同埋唔好expect好creamy。咖啡就真系冇option，自己落奶个D🙈Overall，依个价钱叫倒咁多嘢食其实okay，猪手一定会encore🤓如果咖啡机upgrade下会更好🙈
继续阅读
好耐冇上宜家餐厅食饭，今日叫个肉丸，个薯蓉完全冇味，外观一坨烂泥咁水汪汪，点解质素差左咁多？慢煮牛腩未试过试下，肉系林但系好多筋咬好耐。真系唔敢再返上嚟食，系咪大厨换左人？
继续阅读
基本上呢只要IKEA一出新嘅口味雪糕，我就一定会去试一试，今期IKEA就出咗抹茶味嘅雪糕。我去咗自助售卖机度拣，原来抹茶雪糕有分2%嘅同埋8%嘅浓度，而我作为抹茶控，咁梗系拣8%浓度㗎啦。拎到雪糕上手，闻一闻都闻到好浓烈嘅抹茶味，一啖食落去，佢仲浓过我平时喺超市买嘅𠮶支抹茶，奶味系有嘅，但系相对冇咁浓。如果你钟意抹茶味重嘅，我相信呢个8%嘅应该都几啱你口味。配合埋佢𠮶个雪糕筒，成个感觉好夹，钟意抹茶嘅快啲去试吓！
继续阅读