影片
以上资料只供参考，请与餐厅确认详情
好少可去红磡，呢日难得去红磡上堂，梗系把握机会试吓红磡名物啦😎睇youtube见到不少人曾推介位于街坊商场红磡广场地库嘅港式快餐店－宝城美食店，必试嘅有招牌巨型生炸鸡髀🍗可配黑椒汁、咖喱汁、番茄汁、洋葱汁等，仲可以配饭、意粉或沙律。店内氛围好有怀旧感，落单时会俾个橙色number牌等上菜🟠🍗黑椒汁炸鸡肶饭 $49果然名不虚传！炸鸡髀size极级大，差啲大过我个头。切落去已经feel到鸡皮炸得好脆😋食落好似薯片咁薄脆不油腻，出色👍🏻👍🏻里面嘅鸡肉啖啖肉，唔算十分juicy不过够滑唔会嚡，调味亦刚好。黑椒汁好杰身，黑椒味好香，偏咸少少，捞多啲饭同鸡肉一齐食就啱啱好😽🧋冻奶茶 +$2冻奶茶就普通，茶味有少少涩，唔够滑。推介指数（10分为满分）：8分
继续阅读
#香港美食 #红磡 今日专登来试红磡炸鸡髀名物，加杯热奶茶，$50大元，奶茶有茶味是可以的，食物炸鸡髀炸得甘脆，里面亦有肉汁算是满意，正常茶餐厅曲面薯条也非常香口，唯独是这茶餐厅是需要先购票，就是这收银员，充满香港特色，超级冇礼貌，刚到餐牌附近望一望，就吹你叫嘢，表现出很不耐烦的样子，这样的服务态度，香港点会唔死？#Hong Kongfood #hung hom Today I came here specifically to try Hung Hom's famous fried chicken thighs. Add a cup of hot milk tea for $50. The milk tea has a tea flavor. The fried chicken thighs are crispy and there is gravy inside. This tea restaurant requires you to buy a ticket first, but this cashier is full of Hong Kong characteristics and super rude. As soon as he got to the menu and took a look, he yelled at you and showed a very impatient look. With such a service attitude, how can a Hong Kong restaurant not survive?
继续阅读
继续跟「夜粥组」《FING!》MV寻幽探秘！依站嚟到红磡广场，预先揾定间快餐店食下午茶，再跟MV场景逐一打打卡 😎🍗 下午茶餐 - 驰名炸大鸡肶 😋😋😋😋😋炸鸡髀要等大约10分钟，嚟到当然啱啱炸起热辣辣 ♨️ 有小编一只手掌✋🏻大嘅炸鸡髀，外面炸得干身脆口，切开鸡肉仍然锁住肉汁。本身已有腌过，有胡椒粉同咸味，最简单直接嘅味道，亦系香港🇭🇰风味～☕ 下午茶 - 热奶茶 😋😋😋😋餐饮随炸鸡髀一齐上，用咗仿琉璃胶杯，保留旧式快餐店特色 😉 够热之余，奶茶滑身，奶同茶融合得宜～下午茶 💵 约港币$40/人 💁🏻♀️ 好少见到写食个「肶」字，上网查一查，原来系俗写字 ✍🏻 虽然快餐店喺旧商场，但一啲都唔陈旧，而且好光猛，枱与枱之间都唔会好逼。旧式商场楼底较矮，由于用上暗红啡砖，即使有充足灯光💡都好似暗暗地咁。不过里面比想像中多店舖营业，并唔系冇人流，周不时有街坊、学生逗留，算系区内其中一个消遣嘅地方。由黄埔或红磡两个地铁站步行10-12分钟可到达，MV场景嘅打卡位置主要喺地下同地库。想去打卡嘅留意，唔好阻到人做生意呀～ 🤓🙆🏻♀️ 最后，喜欢嘅话，欢迎follow！
继续阅读
位于一个差唔多没落嘅商场入面，你完全唔会谂到有一间非常低调的茶餐厅，里面几乎所有人都系食紧一只炸鸡髀，明明餐牌上面有好多唔同嘅食物，但系大家都系净系嗌「炸鸡髀」！因为真系好好食！我去到嘅时候，都已经3:30！估唔到全场爆满，差唔多要开张枱俾我食，里面嗌嘢食要先付款，保留住7、80年代嘅茶餐厅风格，完全冇靓嘅装修，实而不划！你好似返咗去30年前，坐低之后，好快会有专人送上你的鸡髀！鸡髀热辣辣，好明显系即叫即炸，我今次要咗黑椒汁，呢个汁有啲辣，但系好惹味，配埋白饭一流！另外嗌咗个鸡髀沙律，沙律正常，但系两只鸡髀都系一绝！外面脆卜卜，里面仲好湿润，好明显系散炸鸡髀！而家真系买少见少！价钱亦都合理！难怪咁多人帮衬！
继续阅读
之前系影片分享平台见到红磡广场有间知名炸脾小店。撞正今日开会途经,见倒仲有少少时间。所以专登开会之前去叫个炸鸡脾外卖，鸡脾鲜嫩多汁，调味得宜。系夏天食完炸脾紧系要加杯冻奶茶，一杯奶茶化消炸脾油腻嘅感觉刚刚好，不会太甜又解渴，简简单单但幸福感满满。老板同员工都好好人，有礼貌又好亲切。因为知道我时间比较赶急所以专登帮忙到厨房跟进，服务和人情味满分，加油，支持你PS: 因为太急冇时间影低只鸡脾已经消化左LOL。
继续阅读