寶泰車仔麵 (隆亨市集) (已結業)

朋友介紹寶泰車仔麵內的生炸雞髀超正🍗仲有佢個秘製豬手🐷簡直冇得頂😋所以今日的起心肝😂千里迢迢由屯門出發乘座屯馬綫大圍站步行到街市大概15~20分鐘到.到達隆亨街市入面間寶泰車仔麵😋買了四隻生炸大雞髀🍗一盒秘製豬手🐷煎釀三寶超大件勁抵食🍢店舖內還有很多很多食物供應,悉隨專便,最基本有腸粉燒賣炒麵,有車仔麵同埋秘製辣醬,款式有好多選擇,仔仔最喜愛的是生炸雞脾及豬手😂我本人喜愛他的炸茄子及豆腐,物有所值🎉外賣最好趁熱拎返屋企食,好在父母住在沙田附近,外買回家還熱辣辣😋😋😋簡簡單單又一餐下午茶😂😂😂大家住係大圍嘅得閒過去試下🥳🥳🥳

最近初初搬嚟大圍附近居住，聽網上好多人講話呢間車仔麵好好味，所以就買咗外賣試下。我哋叫咗兩碗，一碗酸辣湯底，一碗清湯底，湯底非常好味，夠濃。其實最欣賞嘅係啲餸，兩碗共叫咗六個餸，每個餸都好高水準。先講咖哩魚蛋有魚味，咖哩夠入味，豬皮夠爽口夠入味，水魷分量多夠晒爽口，韭菜夠新鮮，鹵水雞翼夠入味 ，唔會太硬又唔會太淋，剛剛好。當中我最欣賞嘅係白蘿蔔，真係超級好味，完全冇渣，非常清甜，質感好好軟綿綿，又唔會淋到冇咬口。最後佢仲畀好多蔥同芫茜，成碗好大碗，好夠味，好豐富！我哋仲叫咗十粒燒賣，好食呀，入貨有質素！ 整體來說非常滿意，感覺每樣食物都有誠意，可以encore無限次！

早餐成日幫襯d連鎖大集團都食到悶，所以今日就入左街市買寶泰車仔麵嘅早餐，都幾多人買緊$32有粥有炒麵有野飲，都幾抵食佢粥款會每日轉，今日係菜乾豬骨粥，好足料好好味炒麵又勁大盒，好飽！佢仲會即刻幫你炒翻熱，服務唔錯野飲我揀左雀巢咖啡

舖頭係街市入面，眼睇都算幾乾淨！食物會用圍板隔住/放食物盒放好👍🏻叫左$37蠔仔粥，勁抵食，大大碗蠔仔雖然唔大，但勝在有好多粒蠔仔食食下咬到粒蠔殼 好彩無界到咀

今日係大圍既隆亨邨街市內發現左一間飲食男女介紹過既車仔麵，身為為食貓一定即刻去試下，食左個滷水雞翼、燒賣、炒米粉。覺得唔錯，今晚再去試下最撚手既車仔麵。先講吓滷水雞翼佢滷水老得入味，啲雞翼唔會鞋又唔會生啱啱好好滑。再講下個燒賣食得出唔係平價貨，蒸既火候啱啱好唔會整到啲燒賣爛晒。最後係嗰個炒米粉，個炒米粉軟硬適中，入邊有紅蘿蔔絲，椰菜，芽菜，佢嗰度有一啲自製嘅辣椒油，嗰種辣椒油好香撈埋落去個米粉嗰度個味道啱啱好唔會太辣又唔會唔辣。

隆亨街市自從翻新後，相當好行，不少食店更經營得不錯，此小食店乾淨，品種多，有心機，值得推薦。今天只想食炸脾。炸脾一般兩種，一種上麵包糠，一種上炸漿，此店的是後者。基於小店其他炸物都上漿，所以是正常的。某些炸脾專門店，則上粉包糠炸。此店是生炸的，雖然已放涼，仍見脆口。炸漿略厚，面灑上准鹽提味，鹹香。生炸，有肉汁，可惜醃料味道淡。整體而言，附近小食店不多，此店是做得不錯的，值得推薦。可惜基於街市所限，晚上不營業。

飯團君簡評：今天又到大圍探親，肚餓小食!山菜魚肉! (4分)：不會太濃太淡，恰當的味道，小店美味之選。而且份量比較多，$16尚算抵食，所以經常看見人來人往。實屬不錯，職員態度也相當友善，街坊生意維持不易，最講心意!以味道和質素相比，飯團君認為可值一試，美味小食店。--------------( 5★最佳)用餐日期 ：2019/02/23(六)地點位置：★★ (從大圍站步行10分鐘內）環境氣氛：★★★ 店員態度：★★★ 食物外貌：★★      味道質素：★★★  價錢合理：★★★   最推薦食物：山菜魚肉/車仔麵 (｡ì _ í｡)  從不借相/偷相，食過先敢講！