寶泰車仔麵 (隆亨市集) (已結業)

最近初初搬嚟大围附近居住，听网上好多人讲话呢间车仔面好好味，所以就买咗外卖试下。我哋叫咗两碗，一碗酸辣汤底，一碗清汤底，汤底非常好味，够浓。其实最欣赏嘅系啲𩠌，两碗共叫咗六个𩠌，每个𩠌都好高水准。先讲咖哩鱼蛋有鱼味，咖哩够入味，猪皮够爽口够入味，水鱿分量多够晒爽口，韭菜够新鲜，卤水鸡翼够入味 ，唔会太硬又唔会太淋，刚刚好。当中我最欣赏嘅系白萝卜，真系超级好味，完全冇渣，非常清甜，质感好好软绵绵，又唔会淋到冇咬口。最后佢仲畀好多葱同芫茜，成碗好大碗，好够味，好丰富！我哋仲叫咗十粒烧卖，好食呀，入货有质素！ 整体来说非常满意，感觉每样食物都有诚意，可以encore无限次！