客館

营业中

休息中

已經食過三次覺得都唔錯，但之後睇返openrice，原來好多負評，相信係而家已改善不少。讚：服務算唔錯，有禮貌的，係晚飯時滿客就顯得有點人手不足，但都可接受。餸菜標價算正常，其實最貴係收茶錢，好似11元/位？仲要加一，限時1.5小時。好好味的項目：波士頓龍蝦伊麵底、客家鹽焗雞、乳鴿，食過兩次，兩次都好食，份量足。爽爽肉炒菜花：味道都唔錯，係微辣的。客家豆腐：係用盒裝豆腐，有點失真，味道OK。之前有食過蒸筍殼，魚的size不欺場，夠份量，火喉OK，魚夠滑。最唔好食係梅菜扣肉，上枱唔夠熱，已大大扣分，點菜時店員説有6片肉，但肉切得太薄，份量好少，下次唔會點。呢度用砵仔蒸飯，但個面硬曬，唔知放出嚟幾耐，如果咁樣出，不如用返電飯煲煲飯，有order才裝上碗仲好。希望店家睇到會改善下。

今次去咗一間食客家嘢叫客館，環境都算OK落咗單一陣就上菜脆皮咕嚕肉呢個脆皮咕嚕肉外脆內嫩，味道唔錯，酸甜嘅醬汁，但份量頗為少。爽爽爽豬爆炒菜花爽爽爽豬爆炒菜花好清淡，豬肉同菜花搭配得幾好，適合鍾意清爽口味嘅人。老菜圃肉沫蒸黃花老菜圃肉沫蒸黃花味道一般，肉沫同黃花菜嘅組合都算唔錯，食落去都可以。乾煸蟹籽粉絲煲乾煸蟹籽粉絲煲嘅蟹籽味道都幾好，粉絲口感唔錯，整體味道中規中矩。紅燒乳鴿紅燒乳鴿肉質都算嫩，醬汁雖然唔特別，但配飯食都幾好，總體嚟講都係個唔錯嘅選擇。

接待態度差劣、限時個半鐘、二人不可坐卡位。要預咗可以受氣至入去啊。我同職員講三人食晚飯。一入去接待就話由取枱開始計，個半鐘頭交枱。要我回答得才俾張卡位我。坐低之後有一位來電因為收工晏。考慮得個半鐘就不來。我同職員講替我改二位。她就要我搬去其他枱要我交出坐低落嚟嘅卡位。說二人不能坐。我頓覺得使唔使咁盡呀？乜嘢食飯嘅心情都無哂。我回應佢咁我唔哂e處食了。她大條道理咁講佢e度嘅原則。反而大我要走前付茶錢！茶我一啖都未飲過，受了不尊重客人真係一肚氣。甚麼待客態度？我堅絕一定唔會俾。妳報警喇就離開去了翠園。經過這次不開心的食飯經歷。真係明白為乜港人遠啲都北上搵食。不是單一為平，而是服務侍應、限時間、有枱都唔會俾你好好坐。好多時都攪到客人勞氣。態度好差！有啲咁嘅舖頭同員工，如果唔作改變，香港飲食業向下走，港人向北上。唉，為乜出來食飯咁受氣！

其實個標題已經寫到好明 呃到一次冇下次《超級差劣 要限時 落單亂 出菜慢 食物求其》開店咁耐經過多次，每次都好多人排隊試過埋去問諗住book 位，又要6-8人以上才可book今次中秋補假諗住早啲17:30去唔洗等位去到即有位，店員千叮萬囑1.5小時 要交檯之後問要咩茶俾個茶包你，自己拎住個茶包埋位沖水檯上自動注水個上水器壞嘅，所以只可以煲不可加水檯上餐具係唔清潔的， 匙羹明顯有醬汁未洗淨污漬由於限時關係就立即叫菜，點咗個優惠68元嘅咩鷄煲之後店員就話已賣晒… 就回佢「嘩…咁好生意？」店員回因為每日只出幾個，所以好快冇晒 (聽到咁樣真係知講咩好...“有啊…不過得幾個咋嘛”)之後改了其他菜式(其實個餐牌都冇乜嘢好揀)落完單，派返張點菜電腦單，菜式都落錯，要再改單乳鴿、伊麵、海味什菜煲、咕嚕肉●紅燒乳鴿$58/隻連頭一開5，皮唔脆，多油到可以倒出嚟●海味什菜煲$98有菜、粉絲、冬菇片、幾粒魷魚，勁味精湯●脆皮咕嚕肉$98 (有相睇)皮唔係脆，完全求其到，就咁倒落碟就算●蝦子山珍炆伊麵$118超級油，食完晒所有嘢，直頭叫埋單取消先至拎嚟以上完全屬實 (其實見隔離左右啲客人，他們見到間店食物及

我地3個人一入座就比張6人枱我地，心諗唔想坐咁大張枱，一陣搭枱就麻煩。當日假日，但人流出奇地少，睇番手機記錄12點21分先上齊啲菜，我地3個人叫12碟，坐張大枱都絕對對得住良心（雖然其實我地唔係想坐6人枱，太大都唔就位加水，但餐廳當時細枱都有人坐，我地係被安排坐6人枱）首先係好貴，3個人比一包茶葉每個人茶錢收11蚊，3個人33蚊仲要收加一，收加一都算啦，服務差到爆，特別係有個有肉地既短髮員工，係咁將啲野食亂咁放，彈哂啲汁周圍都係，仲要勁冇禮貌度，就咁撥開我屋企人部電話寫紙仔，我屋企人用手機壓住張單係因為驚啲侍應亂咁畫，你上左幾多樣菜咪禮貌地叫客人拎開部電話囉，自己又粗魯咁對待人地既物件品真係超冇禮貌！！！著哂火。個侍應既待客之道，串串貢，令隔離兩枱客上菜時都話左佢兩句。好心就檢討下啦，成日話港人上內地消費，你啲態度咁差，比雙倍錢買難受，點幫襯呀！問題係啲野食唔係好食，個牛肉腸啲牛肉梅既，啲飯又咸，係個薄餅同糯米卷叫好食少少。。但個雞腳啲皮又好硬。。不過味道家野又真係睇個人口味。。可能有人覺得口感好好。但仲有叫12樣野食，只係食左一個鐘，睇番錶係13：24，就比啲侍應［趕］，又係咁收走你

普普通通一間茶樓，味道普通偏濃味同油膩，但服務態度勁差。上菜既阿姐倒瀉咗豉油，佢話要叫個樓面黎抹，遞手叫個樓面阿姐過黎仲要好似係高級d既，講完叫我地等等然後轉頭就去左做其他野。等左一陣叫第二次又係好似講完當我地無到咁，同一個樓面叫左第3次跟住黑住面過黎話"係la係la黎la黎la"然後仲要連一d要既野都收走埋。雖然飲茶不嬲都要收加一，而加已經轉晒做手機落單，然後d服務咁樣係唔係應該反省下服務質素。

農曆新年梗係食中餐😂呢間喺黃大仙中心南館嘅餐廳主打中式小菜，夜晚有唔少一家大細嚟食飯。餐廳唔係好似中式酒樓咁，比較似中菜館，大枱唔多，多數係啲2-5人枱。枱面有部自動煲水機，自己可以沖滾水，唔洗叫人加水。我哋4個人食咗4樣小菜：✅客家煎釀豆腐（$98）有個煲同蠟燭一直keep住熱，幾好。✅海味花膠雜菜煲（$98）有西蘭花、白菜、菜心、菇、粉絲，不過海味同花膠就真係唔多見😅清清地都ok嘅✅脆皮咕嚕肉（$98）有配唔少菠蘿，炸粉唔太厚可以接受✅爽爽豬爆菜花（$98）呢樣比較油，我就麻麻地。不過豬頸肉都淋，椰菜花炒得ok.呢度要收茶錢，$13/1位，同普通茶樓差唔多價錢。4位加埋一$488埋單，我覺得比較貴（我哋飯/麵都冇叫），其實食完我都唔係飽😅冇下次🙄

這家聽聞是某集團的新餐廳，看裝修裝潢還是挺不錯。午餐的價格選一菜的話也才$52左右，屬於中等價格水平。怪不得那麼多客人排隊。這天終於排上隊，有位置了。進去看到整體菜式也不錯。烏乎乎的茶粿，吃起來里面的花生糖很香口；可惜是粉果皮太厚，吃不到里面乜情況；而樱花薄餅，則感到半香脆，半軟綿的感覺。我喜歡紫菜醬炒飯，雖然紫菜在底部，被醬油飯弄成濕了，沒有脆口的香味，但整體味道還算可以。而紅油炒手則辣甜味平均，味道可以。看來是每種很還可以，但特色未確認。

我今早去飲早茶，近近地就去左黃大仙中心南館的客館，環境舒適，坐得舒服。我點左荷香珍珠雞及烏卒卒甜茶棵，好得意的烏卒卒甜茶棵，食起來也不是好甜的，加個珍珠雞，好有飽意啦。這個時刻，飲杯茗茶，食個飽，人生真寫意！

見呢間中菜新開張不久，即管一試，2人淺嚐，叫2味菜，點知炒一碟素菜，等左20分鐘，出來d 豆半生熟，蓮藕有生命力，百合細過我d牙，理解年底廚房忙，無問題，我接受。第二碟係獅子頭，等咗大半個鐘，好彩味道唔差，size 合理。至於價錢方面，值唔值得食，大家自行決定了🤡

昨日星期日幫襯我2位 佢話搭唔搭枱 搭枱即有我話唔搭 過2分鐘佢話有位 比我入入到去 隔離都係有人🥺只不過係拉開一條罅即係搭枱就拍埋 唔搭就拉開其實都係同一張枱😂😂😂注意 係大把位 另外 重點服務態度 差 試一次都嫌多門口四眼姐 黑面 不瞅不睬推介買年糕個位長頭髮阿姐仲堅 呼喝 粗聲粗氣大叫佢推銷隔離枱買年糕蘿蔔糕 人哋要芝麻冇呀！賣晒轉頭再去同人講 我哋蘿蔔糕好足料架！你唔買就笨咁款 嘈左一輪好似欠左佢咁隔離枱想新年訂枱 佢話喂 你想訂星期幾？人哋話初幾 佢企係度大叫店長 幾尺遠 星期幾呀🗣😂佢嘅大叫 我食緊隻鳳爪都嚇到飛走左叫左鳳爪 叉燒腸 蝦餃 奶黃糕 共$167貴 唔緊要 難食 好似買公仔點心返去叮咁黎碟叉燒腸 佢居然問我要唔要豉油 要 最後係乾淨爭爭咁硬食蝦餃最正常食物貴都不特止 服務差都可以接受但服務奇差真係接受唔到🤣🤣🤣一個兩個。。。3456個都咁極品 好難受🫣咁唔鍾意可以轉工 留係度抬咩！新開冇幾耐都咁 點留客呀！成間店 最有禮貌店長 但最冇權威就係店長

黃大仙真係諗唔到食咩😞見佢較為新開張 又未試過平時又見佢好多人排隊見今日冇乜人 就梗係要試吓啦原來呢間係稻香集團其實我好耐冇去稻香飲茶😂見到佢個煲水壺 唔使自己斟覺得好神奇星期一至星期日有指定三款菜式套餐$198都算大碟 味道都唔錯下次可以再嚟試過

朋友推薦的客館，我今早持意7點許來飲早茶，不用等位，可以入座。環境舒適，好特別的農家裝飾！我點了2位早晨孖寶（每份$30），是荷香珍珠雞配功夫小籠包，鹽香雞飯配蠔皇鮮竹卷。熱辣辣的飯和點心，質素不錯，好食！

可能太好生意，或者想人客逼係門口等位，做到好好生意狀況！本來想訂位與家人食飯，但要求8位以上，只可以有5點半和8點可以選擇（不是特別日子），如果係咁，我使乜訂枱！