宴薈海鮮酒家 (已結業)

呢間食生日飯不得了。原班某家紅磡酒樓班底打理。本身諗住寫食評讚佢，但好可惜紅磡那家結業了。估唔到仲可以有機會再寫食評，雖然唔同左地點。呢個菜單係部長寫俾我哋嘅。$4,180(14位)全包仲有2圍麻雀，卡拉OK任唱。冷盤 - 三文魚刺身拼滷水鮑魚。三文魚肥美，鮑魚係南非包，好爽口，又入味。估唔到凍食嘅鮑魚都好好味。豉油王煎大蝦碌 - 呢度塞一上嘅時候已經好香，假若蝦可以再大隻一點就好喇炸蠔拼蘿蔔絲卷 - 蠔又大隻又juicy 唔會炸到好乾。龍躉兩味 - 又大碟又多肉龍躉兩味 - 呢個炸得好香口蒸羔蟹糯米飯 - 呢個不得了，軟熟嘅糯米飯融入左蟹羔超香，超級好食，我食左兩碗！上湯浸莧菜芝麻雞，好香口都juicy 蛋白炒飯 - 乾身炒得好靚乾燒伊面 - 生日嘅要食多啲長長壽壽

呢間飲茶實在太方便我地，所以都會幫襯呢間。不過如果多人都係最好book定先，都易full。食物正常，炒飯麵類略油左小小。其他類算不錯，有蝦嘅都唔錯，同事喜歡點雪山叉燒包，炸雲吞，咸水角，菜類。一般位位5至60元，價錢觀塘食lunch已經算平，而且飽嘅。係易漏單，我見除左我地個枱，都有啲大枱有漏單情況，不過職員好快去廚房了解。

昨晚與友人點了168的任食火鍋，7點半開始，但8點半已冇以下食物如蝦，雲吞，水餃。象拔蚝先前話冇，死纏下部長先比。此外，人手不足，服務勁差及上菜時間慢。對消費者來說，入黎叫任食已假設菜單上的菜已有供應比客人任剔，如冇應該落單前提示，唔係話剔完去廚房執菜先話冇，正常此已違反商品說明條例及向消委會投訴。食物質素亦參差，象拔蚝唔錯，肉類較一般。

Boxing Day一家十口出動食晚飯，拾下拾下最好不過！今次選擇咗同家人去我工作區域開張無耐嘅酒家，貪佢晚市三百蚊左右有海鮮加火鍋放題，仲要包埋飲品及糕點，一於去試下得唔得。去到酒樓，樓面都算大，座位算寛敞。套餐有兩款蒸氣鍋選擇，原來蒸氣鍋嘅海鮮配料係每人有特定份量，唔係任食，我哋揀咗龍蝦鮑魚，食完蒸海鮮再嚟火鍋放題，火鍋配料就有70款任食，今次仲唔捧住個肚走？！唔喜歡蒸氣鍋嘅朋友可以只選火鍋放題！點知唔洗等好耐，就捧咗幾盤海鮮俾我哋，份量真係嚇死人每人有一半大隻龍蝦加蝦鉗、一隻鮑魚(d鮑魚仲郁緊)、一隻扇貝、一大隻蟶子，仲有青口、生蝦、蜆！估唔到樣樣海鮮都好新鮮，就算唔點鼓油都已經好鮮味食完海鮮都已經飽咗大半，食完海鮮蒸氣鍋，侍應叫我哋揀火鍋湯底，仲以為有鍋底粥食添，原來要轉個鍋打邊爐，浪費晒咁鮮味嘅海鮮精華。火鍋湯底有鴛鴦底同其他選擇，而火鍋配料總共有3張紙仼叫，食完海鮮已半飽嘅我哋真係試唔晒咁多嘢，有d可惜！但總括嚟講，火鍋配料係ok嘅，個人嚟講我最鍾意個炸魚皮！全場飲品仼飲，仲有飯後甜品(糕點)任食，真係夠晒飽，埋單都係每人$288加一，我哋一家人過咗一晩好愉快嘅boxing