家外家 (已結業)

大概每星期都會食1次尼間既早餐，佢既羅白榚同栥飯都唔錯，可惜既係其他食物都麻麻，好油，無味道，好似去camp圍飯早餐啲質素但重點係佢地出貨真係有問題每次都執錯貨，講真9點買完早餐已經要仆番去，當你番到office坐低想食早餐既時候，發現個栥飯變左個蒽油餅，你話係咩感覺，所以奉獻大家，係度買完早餐要check貨。

今朝早左番公司於是就去買個早餐食下~呢間家外家平時見好多人買D蒸飯，經過見到早餐都好抵~一於試下佢~今次叫左栥飯套餐，有一個栥飯仲可以揀兩個點心，我就揀左蘿蔔糕同蔥油餅。套餐包一杯飲品~呢排有D水腫所以就就加錢揀左檸檬薏米水~因為買番公司食所以叫左外賣，佢用錫紙裝住食物，既環保又保溫，抵讚!番到公司都冇凍哂!👍首先講個栥飯，首先SIZE係比我想像中大既，因為諗住跟餐應該係迷你size，點知尺寸都大過我掌心~味道方面食得出有D麻油味好香~包住油炸鬼、榨菜等等既餡料，都幾豐富!✨點心方面蘿蔔糕都夠實唔會林哂一夾就散果d~不過就偏油，同埋如果可以再煎脆d就好!蔥油餅就較失色，真係成口油，食左半個已經放棄~😔檸檬薏米水有D太甜，但檸檬味好fresh，朝早飲感覺好似好健康咁~不過整體黎講30幾蚊有呢個份量同質數都係值得俾好評既!

家外家開業大概一年係一條人來人往的天橋其中一個出口人流非常多係到開業選址無得輸開業初期都試過買外賣返公司食速度確實好慢等左差唔多 15 分鐘先有得拎雖然味道質素係唔錯但對於時間就係金錢既中環人黎講可以再提高一 d 效率會更好今次隔左幾個月之後再買外賣速度明顯有提升等左大概 8 分鐘就有得拎抵讚家外家既自選早餐確實好方便客人想食咩就點咩我今日就點左蘿蔔糕、春卷同腸粉各款味道都好好可惜既份量少左 DD如果份量多返少少就 perfect順便一提家外家既家鄉陳村粉都好好食

由上環去ifc途中路過家外家。見到可以外賣，$58有飯，又汤，有小吃和一个蒸蛋，吾算好貴，就試下。叫咗鯖魚燕麥飯配人參烏雞湯。返到上環公司，湯仲好熱！食咗個蒸飯同木耳小吃已經好飽，所以個湯就留返下晝時候飲。點知下晝飲完個湯，食埋啲渣又好飽，食唔到個蒸蛋。蛋就變咗夜晚放工拎返屋企食了。味道也不錯，会再买！

如果你喜歡飲湯，這裡可以滿足到你。這天路過，見到餐牌有喜愛的靚湯及點心，店舖內又有位，決定試試。幫襯了蒸飯，燉湯，龍眼肉桂花榚。飯味道ok，沒特別驚喜，但燉湯及榚點很好味，值得推介。在非繁忙時間優閒品嚐也十分寫意！

又是一個沉悶的星期一今天天氣比之前清涼了很多所以很想喝啖暖湯 走下走下便想來到了這裡這個黑毛豬粽之前吃了幾次但今次不夠熱 稍為失望😞糯米飯有點兒硬這個湯是我今天來的目的師傅立即蒸熱牛肉球春卷也不錯 但帶子雲吞一般

- 味道ok 但份量太少，女士食都吾夠！-個餐一定要跟湯否則吾可以叫做「優惠價」$18 加點心，但只得個三粒! 若果只得湯和飯跟本吾夠飽！套餐+點心成70 蚊真係吾洗幫襯呢道！- 員工態度極差，好似問個問題都覺得你好煩阻住佢！然後個様極衰咁回應你囉！吾該比D training PLSSSSS!!!!!仲有呢間嘢主打sell 湯但難飲到爆！😤😤又咸又多油!!!!!!👎👎👎搞到我飲了一半倒咗！呢D咁嘅質係中環區，仲係一個人流不多的地點，睇怕好快摺得😤😤😤

同事介紹這間新開的中環區家外家點心舖，今天終於去試試。點了五款點心、一款蒸飯燉湯套餐和兩杯飲品。點心水準一般，沒有驚喜！餐牌上寫了四件腊味蘿蔔糕，開頭還擔心吃不下四件之多，但原來份量只是這樣子（如圖）。海綿义燒包個包底濕濕的，口感不好。其他的點心（醬汁蒸鳳爪、混醬豬腸粉和京川汁滑餃子）和飲品（檸檬薏米水和海南金桔蜜抽茶）都可以！至於套餐，金針云耳滑雞藜麥蒸飯細細盒，准山杞子燉响螺湯清甜，下次也會再嘗試其他蒸飯和燉湯。

放假去換護照，完成後在中環搵食，路過一間似新開食店，而餐牌幾吸引，多配搭，價錢平，食西式早餐多，轉食點心都不錯吖😅！同老公在門外下單選擇所喜愛食物，之後入食店等候，等待時不停聽到服務員在傾計，聲浪很大，內容當然亦全部聽到晒，圍起來約4-5人，你一句我一句，很擾人！😖最嚇人是竟然有個男人沒有穿上衣!?食物味道一般，但不夠熱是食肆大忌！完餐後急急離去，今餐真是選擇錯誤，好後悔！!!☹️☹️☹️個人評分食物：C服務：D環境：C抵食：C環境：C

見之前間super sandwich執左，話4月尾開間新店，最後等到5月終於開，返工喺附近咪近近地試下一次門外都見唔少人，好光猛餐牌，我對套餐嘅湯冇大興趣，睇佢有個淨係蒸飯32蚊都幾抵，帶點期望於是叫個黎試下點知返到公司一打開盒飯細到呢然後只見幾件細嘅雞，幾條蟲草花食落味道尚可接受，都熱熱地我唔係話要求好多餸好大盒但都冇理由細到咁，仲以為32蚊好鬼抵我諗去間茶樓嗌個蒸飯都肯定好過佢啦唔好話男仔一定唔夠食，女仔都可能未必夠可一不可再，唔會有下次

最近新開既家外家 主打廣東點心！早餐價錢以中環區黎講算係實惠，$28就有3款點心連飲品我揀左早餐D，望落都幾豐富，有：蒜蓉排骨蒸陳村粉、蠔皇鮮竹卷(1條)、粉果(1個)同埋豆漿點心勝在夠熱辣辣，有即叫即整既風味早餐D-蒜蓉排骨蒸陳村粉食陳村粉之前可以淋上隨附既甜豉油，陳村粉口感較紮實，個人覺得唔錯，但同事試味後認為硬身左啲排骨略帶蒜香，肉質同口感都唔錯，一份入面有四粒蠔皇鮮竹卷蠔皇鮮竹卷外層腐竹層數卷得多～啱曬我口味餡料多蔬菜、少肥豬肉，椰菜咬落爽口，幾清新潮洲粉果餡料以韮菜為主，韮菜翠嫩鮮甜，食材品質唔錯豆漿略嫌無咩豆香，屬一般般整體黎講佢既早餐幾好食，定價適中，下次會再試埋其他野食早餐餐牌