家常靚餸 (已結業)

Felt like some stir fried instant noodles, so this was the only place in the food court that had it.I asked for the black beans and spareribs one (chinese: gone chow see jiu pai gwut gung jai mean)which means it is the dry noodles.After waiting for a while, the lady waved me over to tell me, they don't do dry style, which is weird, since it did say "gone chow".They said it will only be cooked with black peppar, anyway I chose a different noodle, the Satay flavour.It was ok, but way too Salty.

今天等師傅到來修理已壞了3天的電視機，修理完已沒有時間買餸，晚上同老公行到將軍澳中心的food court。看了一輪才決定吃這裡的食品。$30的三餸套餐（蒸肉餅、蒸水蛋、清菜加一杯凍豆漿），$48的鮑魚海鮮木桶飯加豆漿。蒸肉餅是豉油碟的size，牌上寫的是油麥菜，給我的是菜芯，後來發覺所有人都是給菜芯，蒸水蛋很滑，這個餐雖成本$10不到，味道郤不錯，不油，那碗飯很大碗。木桶飯用一塊荷葉薦底，鮑魚其實是螺片，有6片加數粒蝦仔，入口味似福建炒飯，細食的加碟油菜可供2人吃。這裡地方算清潔，枱很長，有大電視看，偷懶不煮飯的日子，到這個food court吃飯是不錯的選擇。

星期日同阿哥去食飯,美心太多人又唔想食燒味,諗住試下呢間啦!我既係鹽焗雞套餐有一碟腐乳通菜,一大碗湯一大碗飯同一大碟鹽焗雞通菜幾好味,葉唔會太老但莖部又夠淋,碟雞D汁多到瀉出黎,有一隻雞肶同兩隻雞翼既份量,胃口唔大既話可以兩個人分都得但咸左D囉!!!!唔鍾意食太咸既話就真係食唔到囉!!我阿哥既係梅菜扣肉,都幾好味,甜甜地,幾好味,D汁又係好多,可以用黎撈飯!!

總共有10款小菜選擇﹐最終叫左3‘食送’-梅菜扣肉﹐蒸水蛋&橙花豬扒。梅菜扣肉老婆話好味﹐但本人就覺得甜左少少。蒸水蛋蒸得好滑﹐裡面仲有d肉碎。橙花豬扒亦幾好味﹐酸酸地﹐幾開胃﹐但有一兩舊有d肥。唯一唔係咁好就係碗白飯有d硬同唔係咁熱。但以呢個價錢有呢個份量以經算底。

尋晚同老公仔幫襯food count既家常靚餸，發覺差左好多咁..我地叫左兩個小菜套餐 ($35@),一個梅菜扣肉,這個可以接受;另一個叫左西蘭花魚柳,個魚柳只有雪味,只是用水"拾"過，仲要唔多熟..我地要求佢地炒過碟,好在佢地都肯..不過,真係唔多好食,我地都冇食晒...從此又少了一個選擇了。

昨晚由於屋企無飯開，放工到了將軍澳中心搵飯食，food court 比較多人幫襯就係家常靚餸同燒味皇，見到家常三餸飯只係$28，看似相當豐富，於是決定一試。點了粉絲蝦米蒸蛋、咕嚕肉及薯仔炆雞，跟豆漿...餸的份量是相當足夠的，湊在一起感覺相當豐富滿足，但卻是預先煮好的，只是微熱而已，大失所望。三味餸以薯仔炆雞最出色，粉絲蝦米蒸蛋其實入面無蝦米，咕嚕肉外層不脆口，水準只是平平而已!將價比貨，$28 係可以接受的水平，如果可以改進食物的質素，相信無人會願意幫襯名牌快餐店，始終香港人都是較喜歡家常便飯吧!

三食送晚餐都只係賣$27, 所以係將中美食廣場來講呢間算旺場蕃茄炒蛋- 多洋蔥唔鍾意, 食味普通蒜茸炒青瓜- 青瓜炒得太腍, 唔係太夠有蒜茸香味, 同味道太淡土魷蒸肉餅- 豬肉蒸得幾滑, 鬆軟有肉汁

咕嚕肉- 炸粉唔厚, 咬開肉質仲幾腍肉碎蒸蛋- 蛋都幾滑, 但略嫌唔太夠味梅菜扣肉- 扣肉中既肥膏好滑, 入口有即溶感, 算唔錯

美食廣場好少有外賣, 唔知係咪呢頭生意難撈所以做埋, 不過放工經開都係順手買埋算, 原來自取平D兼送埋白飯例湯, 所以計落呢餐好抵食枝竹羊腩煲- 羊腩同羊肉各半, 帶少羶, 炆得幾腍幾入味. 冬菇同枝竹吸晒汁味, 唔錯, 而馬蹄都好爽口粉絲雜菜煲- 份量大, 但菜煲得太腍