影片
电话号码
26658280
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
$198晚市套餐可以选两个𩠌，再包两碗白饭，再加埋两杯热餐饮，d野食嘅份量比较大碟，够三至四个人食，而且味道唔错。我哋拣咗咸柠檬蒸乌头，条乌头都几大条，肉都算厚，无乜泥味。另一个𩠌就要咗西柠鸡拌涉沙律菜，佢呢度嘅西柠鸡系用鸡扒去整，所以好厚肉，大大件，个柠檬酸汁另上，唔会搞到啲鸡淋晒，唯一缺点系啲鸡扒肥咗少少。
继续阅读
呢间茶餐厅啲出品唔错，份量又多又大碟，性价比高真系好抵食，196蚊晚市套餐有两个𩠌两碗白饭再加泥汤或者饮品。黑松露带子炒蛋整得畀想像之中好食，黑松露酱冇乜电油味，个蛋都炒得滑，带子就细粒少少，不过数量都算合理，唔会只系得几粒。虫草花笼仔蒸鸡相对就麻麻地，因为好多骨位，鸡肉部分比较少，不过性在入味。南瓜海鲜盅个卖相都几震撼，成个南瓜或空中间再放啲带子、虾、蟹柳同鱿鱼入去，再加埋西芹，南瓜汁加咗忌廉，用嚟捞饭好正。条仓鱼超抵食，因为超大条，有得拣煎封或者豉汁蒸，我哋拣咗煎封，不过原来系炸嘅，都炸得几脆几香口。
继续阅读
星期日晚行过好多人排队，就跟着排下试试有咩咁好食啦！羊腩煲-$148一至两人份量，但冇跟炉上又冇生菜。最终冇叫到，转左食二人餐$196🔸例汤系西洋菜汤好足料-好少饮到咁高质嘅例汤，饮完想再叫多碗，可惜果阵已经卖晒。🔸冰梅榄角骨-好惹味，而且肉质都好juicy，份量都唔少，唔错！🔸富国一品煲-呢个反而一般，好似好名贵嘅材料，但罐头鲍鱼仔、沙爆鱼肚、罐头螺片⋯冬菇唔系好入味，味道好一般，唔推荐。我见呢度咕噜肉都好似系招牌菜，但要$158又好似有啲贵，冇试到。下次可以再嚟试试嘅。
继续阅读
寻晚同朋友去食，啲𩠌菜都唔错嘅，不过普通茶餐厅嘢，所以无特别影相 😬 一嚟就叫咗两𩠌套餐，加多一个𩠌、大油菜同鱼片头河，两𩠌餐同河粉有饮品，冻饮加钱，呢到全部都正常，无问题。后嚟屋企人想食三文治外卖，咁就 order，都明白呢啲时段系无餐嘅，不过店员话饮品有半价优惠，咁就叫咗一件三文治 + 2 杯冻饮，1 杯优惠咗 $10，另一杯正价，去到呢个位都系无问题 .....后来，朋友话不如叫多件三文治比佢屋企人，因为照计条数应该加多十多蚊就有喇，咁问一问店员后加有无优惠，佢话电脑会自己计，咁照落啦，张单嚟到系无计到优惠嘅，咁咪去问下收银，佢应该最清楚㗎啦，埋到去佢话三文治系无任何优惠，系正价，佢话杯饮品应该系加落个河粉到，我都比佢搞到混乱，以为自己先前只系叫咗 2 杯饮品，返到枱谂谂下，唔系㖞，之前已经加咗 3 杯冻饮钱 .... 即系迟入单嘅三文治系做唔返饮品优惠，电脑嘅设定真系 ..... 原本谂住再问，不过朋友已经比咗钱，佢话算，如果会去食嘅，记得谂清楚先落单，时间先后，价钱都会唔同 🤷🏻♀️不过其实最重要系收银话无优惠，但张单其实又有 😡 唔知究竟系佢唔想比返我哋定系点啦 ☹️ 一间都算唔错嘅餐厅，绝对会比小事影响，员工系餐厅嘅代表，有啲嘢系要清楚，唔可以求其 😒
继续阅读
依到野食好食又唔贵，但收银个啊婆每次问佢野都好似杀左佢全家咁，不断呼喝d客。新开个阵食已经系咁差既态度，所以无食到依家，但过咁耐仲系咁既死人态度，完全无改善过，可能个啊婆老板黎所以唔休做。不过佢咁既态度都预左佢唔在乎客人意见祝你生意兴隆
继续阅读