富國島

营业中

休息中

話說送完小朋友返學，咁耐以黎第一次入去食滿心期望咁樣嗌咗個雞絲香菇豬肉丸湯粉，點知嚟到個雞肉真係好臭，唔知係雪藏味定係唔夠新鮮成碗麵打咗四折，好啦，諗住食個豬肉丸算..點知個豬肉丸都係有浸酸酸地臭味😔重點係價錢都唔平...希望今次係我唔小心食到新鮮食材，希望平日都有好啲食材供應俾藍田街坊...平時好少打食評，衷心希望店主睇到呢一個評價後好好改善食材品質。呢個價錢我希望藍田街坊都比得值。但係服務員姨姨都好好態度！環境都唔錯

今日行過食下早餐，見餐牌好似幾正常，叫左個生牛肉熟爽腩米，點知一上枱係肥到癲生牛肉熟爽腩米粉，同侍應講得到一句回覆崩沙腩係咁，好似當人無食過一樣。下次都唔會再幫襯。

下午茶餐抵食👍🏻 撈面都大碗，配菜ok👍🏻奶茶都ok👍🏻👍🏻 初初諗住跟餐配嘅小食應該都普通味道 不過又估佢唔到，係有少少辣但係味道好食👍🏻 另外杯奶茶，茶味正常，有茶味👍🏻👍🏻配菜方面，蔥油同埋花生份量都多，好彩佢夠多乾蒜頭，食撈麵係好緊要有呢啲嘢，不過芽菜好似少得滯，我覺得可以再加多啲芽菜～ 至於主菜，我揀扎肉餅，都OK，初初都驚會好細塊，不過佢呢個上大塊，夠送一碗麵👍🏻整體來講，只係配料菜、芽菜或者乾蒜頭可以再多啲，其他都冇問題👍🏻 下午茶一個餐48跟熱飲，有呢個份量算不錯👍🏻

豬頸肉三文治- 豬頸肉幾好味 但係個醬用沙律醬 而唔係豬肝醬 難怪個名改叫做三文治唔係叫越南法包串燒拼盆 - 肉普通，個沙嗲醬就麻麻地生菜包 - 普通，偏油整體不過不失，唔算貴，但下次未必會再食

德田街市開咗之後多咗好多野食，新開嘅小食店同餐廳好多都試晒，就差呢間。早餐時間10點嚟到，見都幾多人食，幾滿座咁，就入去試吓。早餐有粉麵、三文治、粥、腸粉揀，仲有兩個類似all day breakfast嘅嘢。生牛肉熟爽腩湯河 $48配芝士蒜蓉牛油多士同飲品湯底話都係用新鮮牛肉湯，係幾濃味幾香的，河粉就唔係好多，唔係好夠飽。生牛肉幾嫩，爽腩幾彈，都唔會太靭。生牛肉牛丸湯河 $48牛丸爽口，好濃牛味。粉麵餐附送嘅芝士蒜蓉牛油多士好香，因為有齊芝士蒜蓉牛油去整，一定係好香，不過就好淋

此店午市套餐較抵食。店內位置不多。而且座位很窄,沒地方放包包。店員不算主動，格局是食完便要走。我至喜歡是香茅燒牛肉檬粉。燒牛肉像是一塊牛柳的份量，肉質軟腍嫩滑，配酸菜、生菜、芽菜，魚露醋汁及檬粉，開胃清爽。若能每次不需要求, 店員便奉上青檸檬,辣椒和九層塔便好了。檬粉沒有這些配料，便失去了靈魂! 花生亦可以多些，吃起來便香口得多，可以加分不少的。午市套餐送小食。相中的兩款是2選1. 這是兩人套餐的份量。附送熱飲。

今晚去藍田探個fd，見佢樓下個街市新裝修好一排，入佐去而間富國島食，叫佐個牛油雞翼，串燒拼盤， 同埋碟炒飯(唔記得咩名)都算有驚喜，幾好食～兩個人食，埋單二百零蚊，越南菜算正常價。

呢個藍田小區入面，係比較有質素嘅越南嘢食；食物種類雖然唔算叫做太多，但係對我嚟講就已經夠，因為我每次只係食撈檬啦、炒菜啦、湯河咁啦。每樣食物份量都好足夠，以呢個價錢嚟講，我個人覺得大件夾抵食，好值得推介。聽聞事頭婆係越南人，所以餐廳名都係越南嘅地方名，感覺上d嘢食都會好地道。越式瀨尿蝦春捲撈檬好好好好好好好好好好好好好好好好好好好好……………………味，每次都係必食嘅，檬粉份量都有好多，春卷有兩條好脆好正，食到有蝦係入面；炒時菜唔會好咸好味精，份量都值返呢個價錢。

食晚飯，Menu全散叫，但早午有套餐。叫咗撈檬粉，米子卷，雞肉串燒，青檬梳打。每樣食物都不過不失，但有啲食物做法（如粉和米子卷）有點重複，而且價錢不太平(兩人食咗差不多兩舊水）。餐廳坐落於新德田food court 尾。

新開張越南野，經過買黎試試，叫左個海南雞飯$57，搞唔掂。完全唔係海南雞飯，飯不是油飯，雞肉沒雞味，肉質較老，醬汁只有薑蔥，期望薑蔥有啲味，但應該沒有落鹽，亦沒海南雞醬…失望