富園海鮮飯店 (已結業)

本來只是想找家不算太貴的起士龍蝦來吃吃在網路上遍尋不著之後終於給我發現了這家店其實以前就聽家人說過也頗受好評但始終沒親身去試過食材新鮮料理有水準唯一美中不足的是環境普通跟吃大排檔差不多可是這個價位也不能要求太多囉~

無叫set,散叫左:蟶子皇-全晚最正.好juicy,好fresh,好有口感芝士焗龍蝦伊麵-個汁太勁,但係無咩芝士味,不過隻龍蝦煮得啱啱好,唔會好'un'椒鹽賴尿蝦-d肉好易'liu"到出泥,不過唔夠味炸子雞-好唔得,個皮唔脆,d肉還算滑,但係淡的個菜,紅青蘿蔔湯,橙汁同生果都係送的.不過quality都唔差ga...p.s.叫set同散叫,end up個total cost都係一樣

5個人經朋友介紹去左食海鮮,我地食左:1)芝士焗龍蝦:個龍蝦本來好有鮮味,但係比d芝士蓋過左..2)聖子: 正!!!! 蒸得剛剛好.3)雞:好滑, 但小左dd4)賴尿蝦:正正正!!!好入味~!5)芥膽(免費):好食, 又唔洗$$6)青紅蘿白豬骨湯(免費):還可以...仲有免費橙汁/啤酒任飲&生果同thailand 甜品(但唔好食)d野食真係幾好食(esp. 海鮮), 但係d服務同個環境就唔係太好..

第一次去竹園食飯，由家人帶團，去到只係6點半都已經有很多人準備食飯，九龍城其實有咁多間食店，有咁多人選擇這一間都令我有一些surprise~ 我們叫左個六人海鮮餐，伙記送多兩碟菜(芥蘭& 白菜仔)，橙汁、白飯任叫，海鮮好快便煮好，而且份量十足，包括有瀨尿蝦、豉油煎蝦、蒸魚、蒸扇貝、炒蟹、鮑魚仔、芝士龍蝦e麵、乳鴒，total有十個! 味道都算不錯，可以食得出是新鮮的用料，而且即叫即整，我都幾鍾意個乳鴒同埋瀨尿蝦~ 因為客人比較多，我地要上一樓到食，行樓梯時要小心，因為都似幾滑，伙記服務都過得去，粗魯但不算無禮貌!一共$1100埋單，這個價錢都算經濟，而且都很滿足~

食品差, 服務超差, 海鮮不特別, 杯碗又崩口原來海鮮飯店真係得海鮮賣, 一般小菜欠奉

只可以用標題嘅形容詞去形容D餸嘅件頭....差唔多你諗得到嘅海鮮種類都有--- 鮑魚仔、象拔蚌、魚、肉蟹、蝦(瀨尿蝦、中蝦及龍蝦仔加伊麵底)、扇貝...全部份量屬king size...再加埋炸子雞、兩碟菜、炒飯...啤酒橙汁任飲...計落每人只係接近二百大元，食到七個一皮...仲想有乜要求?烹調水準? 不值一晒....芥菜膽苦過DD，炒飯同食白飯冇分別...可幸海鮮水準唔太差，勝在件頭夠巨，有D料如肉蟹夠肉地之餘羔亦夠足添....又係呢句: "仲想點" ?

本人在星期六晚, 因為有朋友生日所以預先book了位去這間竹園海鮮飯店, 但去到根本無預留一張五人枱給我們,給我們一張十幾人枱,我們要求細一張,佢第一次話."係得呢一張,無架啦",到一回兒,他們叫我們到三樓.張枱是細一點.但係都不是五人枱,這樣都算吧啦,到點菜時我們點了四人餐包括鮑魚, 龍蝦, 扇貝, 蒜茸蒸開邊蝦, 菜,倉魚, 芝士龍蝦加伊麵底, 炒菜,乳鴿, 再另加一碟炒蟶子.鮑魚及聖子都好不潔淨,顯然沒有洗過.倉魚十分"霉",我們一行五人一致認為這條魚十分霉.扇貝,每一粒都細過五毫子龍蝦煮得太過火,但汁就煮得ok其餘食物都尚可接受.但係講到衞生環.就超差,點可能張膠枱布是滿布汁.都不換一張比新既客人.碗蝶筷全部都"黏立立".我食完後到凌晨時份.開始覺得個肚好痛.痛到起身時暈+標冷汗,痛到最後嘔加肚瀉.到第二朝再嘔.今次真係我十幾年耐第一次嘔.本人驚這間店舖會令更多人中招.所以已報食環署.希望各位在選擇海鮮時.小心些.因為可能很多海產已經死了很久.客人不知道.就算幾抵食.幾好味都無用,我一次睇醫生已經係番樹,再加上呢樹除左個龍蝦汁我係覺得ok外.其餘好多地方都煮得好味過佢.

兩位好朋友生日，剛巧有遇上中秋節，於是趁機出來聚會一番，過往的聚會，不是火鍋，便是燒烤，今次決定來一次海鮮晚飯聚會，由於約好於餐聚後到朋友九龍城的新家參觀，順理成章，晚飯的地點便選擇了九龍城區。看到先前不少網友留言讚竹園的水準不錯，而且看到價錢也合乎大家的預算，於是，一行十人便於中秋節晚上到竹園吃飯去了。其實一早有預算竹園是一家大排檔式姐的飯店，環境一定不會太舒適，再加上是中秋節正日，人多自然又迫又嘈雜，可能是人太多的關係，招呼實在差得要命，十個人安排入座八個人的桌子也罷，還要再三「請」侍應加位，但最後始終要自己動手找椅子和碗筷，真令身為搞手的我大感慚愧！十個人點了一個十人海鮮餐，餐牌價錢是1488，但要自行到店門外的海鮮位點菜，點菜時，負責落單的姐姐十分落力要推銷我們將餐內的菜式加錢改為另一菜式，也罷，最緊要是好味和吃得開心，於是加錢更改了部份菜式。當晚菜式如下：炸乳鴿白灼蝦芝士焗龍蝦加伊麵底清蒸鮮鮑魚仔蒜蓉蒸扇貝蒜蓉蒸蟶子薑蔥炒蟹清蒸不知名的魚（兩條）清炒時蔬生果盤甜品在這裡吃飯，鮮橙汁、生啤及竹蔗水任飲，算是一項不錯的優惠，但這晚的食物水準卻令人感到失望，乳鴒尚算可以，灼蝦之中，

有清蒸海上鮮,清蒸鮑魚仔,干燒豉油王生蝦,芝士牛油焗龍蝦,金銀蒜蒸扇貝.清蒸海上鮮: 雖然條魚唔係貴價魚(紅由)，但蒸得o岩o岩好，好嫩滑.清蒸鮑魚仔: 一人兩隻，有薑蔥舖面蒸，火候又係o岩o岩好，唔會un，干燒豉油王生蝦: 份量很多, 幾入味,但偏油.金銀蒜蒸扇貝: 一人兩隻,好香.芝士牛油焗龍蝦: 兩隻龍蝦開邊, 好多芝士牛油舖面，個汁好夠味.芥膽: 特別D,幾好味,免費送既.青紅蘿白豬骨湯: 免費送既, 味道一般,但應是沒有加味精的白飯任食(好夠熱) ，啤酒, 橙汁同蔗汁任飲，仲送生果(菠蘿)同甜品(泰式西米糕), 不收加一,沒有雜費.好食又抵食, 非常滿意, 一定會再去! (比80 - 90年代平了很多)

heard of this seafood rest for long... famous of its value for $$$ and cash only style. We went there last night with a total of 8 ppl. Ordered a set menu of 2188 and have the shark fin taken out (- $300) and exhanged the pigeon for crab.Overall quantity is good and average taste. BUt all the free of charge stuff (e.g. veg., drinks, fried rice, friuts...) are of good quality, kinda weird....

好耐冇食海鮮喇，呢度交通方便，雖然舖面極度不吸引，但食物質素真的很好，我們一行六男三女叫了八人餐，都吃不完！白灼蝦的醬油十分美味，夠濃！薑蟹的膏甘香味美，我一向不吃的也吃了一點．芝士焗龍蝦芝士牛油味很重，龍蝦肉也多，只是略為油一點，減肥的朋友要留意喇！另加的椒鹽瀨尿蝦亦很惹味！其餘扇貝，帶子，鮑魚仔，蒸魚都有一定水準，而且橙汁，啤酒，竹蔗芧根水任飲，仲有甜品生果，大家都非常滿足！

一行9人,叫左個8人餐,菜單如下:龍蝦+noodle白灼蝦魚帶子鮑魚仔扇貝蟹菜橙汁任飲每人都係$170... 好好味...環境雖然一般, 但係好有水準,實力派...

兩個人入座,乜都未order就已經有竹蔗水同一盒2Lit橙汁。叫左個兩人餐,真係有好多野食,例湯、蝦、龍蝦仔、鮑魚仔、魚、扇貝、甜品、橙，嘩...雖然環境麻麻，但$300真係抵! 最正係個芝士牛油龍蝦仔,睇落好細隻,但食落都好多肉，而且好入味!!我地仲叫左個飯撈汁添! 勁肥! 張枱就細d,但侍應都頻頻清理枱面,服務幾好!

今日行過九龍城d間海鮮飯店,門口個阿姐係咁嗌"食飯埋面,幾多位呀?"咁我地一行8人就行左入去食野啦~一入到去就坐低就有免費橙汁任飲,又幾好喎之後就行左出去叫野食,都係個靚姐介紹,之後叫左芝士牛油焗龍蝦(伊面低),象拔蚌剌身,清蒸鮑魚仔,薑蔥炒蟹,是油皇蝦,椒鹽尿蝦,2隻乳鴿,一條唔知咩魚,仲送左2碟菜,一個炒飯比我地,一個人都係比170蚊度,d野都幾好食,尢其係個龍蝦既汁真係好正,拎黎撈飯就冇得頂雖然環境比較舊,但係食物同服務都唔錯,下次有機會都一定會再去食過

為了3-4年前的黃油蟹重遊舊地,老板竟然話:黃油蟹太貴la...食膏蟹la同樣清蒸,味道差天共地,因為唔係原隻蒸,d膏實晒...椒鹽瀨尿蝦...油得滯乳鴿.....皮唔夠脆鼓汁蒸聖子.....佢的鼓汁好好味,佢有3個size揀,但中型的較好食蒜泥蒸扇貝....一般唔知今非惜比,會知唔會同識人有關,以前男友家人係親戚,所以揀的海鮮都好似靚d,有黃油蟹,瀨尿蝦隻隻都有膏,唔似今次款款食物都好似是但咁,深水埗的大排檔仲有風味...有d失望