富堡茶餐廳

营业中

休息中

上星期四經過華園，仍在裝修，就來了這裡。樓下無位，好爆，連樓上都係。但上到樓上，竟見到以前的同事，好開心。一齊坐。我叫了魚蛋檬，好好味，暖豬又係叫甚麼雜扒，同事的老公叫了個豬扒沙律，好巨型，好大碟。呢度d野真係好大堆頭。繼華園而家裝修後走high路線，呢間係抵食d。多謝舊同事請。原來她都是住附近。但我地來這麼多次，都是第一次相遇。

因暖暖的關係，也吃過這裡不少次了。暖暖係飯痴，我來這裡就一定是叫泰式粉麵。唔講得話好平，但份量係一定飽。最鍾意加冬蔭公底，加$3，同埋蘿蔔好好味。這裡做的都是熟客多，侍應是好熱情的，會比較多野講，來多了便會習慣，見怪不怪。

漏了提及富堡好好食的早餐早上若想食西式早餐,必定會去富堡,除非無位麵是出前一丁不加錢,五香肉丁麵有好多肉丁若想清清地,火腿通粉亦煮得好味最難得的是煎蛋,午餐肉,腸仔,煙肉都是熱辣辣上桌,煎得好香,並非一早煎定鳳凰新村好多茶餐廳的早餐都食過,覺得味道最好便是這間,選料又好唯一缺點是假期時好爆棚,上桌亦無其他茶餐廳咁快無法啦,有咁多熟客幫襯,又要認真製作食物,當然要花長些時間落足工夫去煮啦熟客個個都知要等,亦唔介意去等,只有D生客成日嘈成日催(即使加了$1,由$18加到$19,都覺得值)伯伯好nice,有時唔夠人手,他會語帶歉意地講幾次”唔好意思,要你們等咁耐”,唉,熟客嘛,會明白既

我最鍾意富堡的西式早餐及泰式湯檬,經常食雞絲湯檬,好抵食,手絲雞絲的水準都算穩定,有雞味,夠嫩滑(只試過一兩次比較硬,煮過火),湯清清地,有冬菜,幾好味, 亦可隨意加魚露,好惹味;而好多人都鍾情於碗裏面的白蘿蔔(一件),夠稔,又大件炸蝦餅亦很有水準,即叫即炸,可媲美九龍城泰式食肆呢晚飯小菜便比較少食,雖然較鳯凰新村其他茶餐廳平,但細碟咗D,以前試過叫魚套餐,真的好細條魚啊

如常外買了一個外買加兩元的泰式粉餐，有泰式牛丸米、spring roll、蝦餅、凍0茶。每次外買都要等好久，at least 20mins。又不想在店堂食，烟味勁，客人也不太斯文，有點兒驚。平時食物味道挺不錯的，炸物更是即炸的，但今次的牛丸越吃越怪，酸的！不想回店子換，唯有給垃圾桶吃。無奈！夏天食物的處理一定要小心一點，發生食物中毒的話它就弊喇！

有日去左呢間野度食,諗住食泰粉,個粉一黎,發覺個湯好好味,原來佢地係用好多鮮雞同白蘿蔔黎煲!仲係日日新鮮添!唔怪得咁好味~

呢間茶餐廳門面普通，典型茶餐廳格局，點知入到去先知係主打泰國食物，真係失覺晒。泰式食物包括各式炒飯、金邊粉、o架哩、串燒、豬頸肉、海南雞飯、蝦餅、香芧豬扒等等，款式絕不比正統泰式餐廳少。今日唔係好肚餓，剩係食o左個粉麵餐，可以揀一款料，包括魚蛋、魚餃、雞翼、雞絲、扎肉、豬扒、雙併或四寶，配生麵、河粉、米線、公仔麵、烏冬、金邊粉、粉絲，選擇夠晒多，緊有一款o岩你，配埋o野飲都係20蚊。價錢平，粉量足，糧尾去食就最o岩。

呢間鋪雖然唔係大，但係有好多款唔同的食物，中西式、鐵板、甚至泰式都有，味道都唔錯，值得一試!!