富寶餐室

营业中

休息中

係觀塘做野十年，食過唔少茶記，呢間既沙嗲牛麵我認為係no.1.湯底濃香，有花生味，飲完湯唔口渴😂 已多次回頭光顧，員工都好有禮貌.必食！想有更好體驗建議加錢轉一丁/其他麵😂

觀塘区新開的茶餐廳，地方小，客人亦不多，原因是地方仍未有太多宣傳，沒有太多人留意吧！反正可以找到家人少的地方不容易，所以決定進去試試。他的海南雞飯算是主打吧！套餐送的例湯不是雞湯而是紅蘿蔔豬骨湯，味道還不錯，主菜的海南雞肉嫩且有雞味，處理冰凍的雪味不錯，醬油不是東南亞風味的黃橙黑三種醬，而是中式的蔥油和甜豉油，味道可以。如果連雞骨都去掉，那就更完美。至於飲品奶茶的茶味濃厚，感覺蠻茶餐廳，下次還可以再來。

臨近8點閂門，燒味賣淨燒鵝，腩仔，切雞，油雞，嗌左個燒鵝切雞飯。因為燒鵝比其他燒味貴啲，所以雙拼67蚊。完全唔抵食，燒鵝比得啲骨我，5、6舊得1、2舊真係有肉嘅，雞又鞋嘅，真心快餐店啲燒味飯好食又平過你。咁嘅質素，睇下幾時執

午餐時段經過見到呢間餐廳就去試下。叫了魚香茄子飯加熱奶茶，感覺上呢個餐的味道會係最正常的。多茄子同肉碎，味道唔會過鹹。可惜飯太過硬，好似未完全煮熟。希望下次再叫呢間餐廳啲飯會做返好少少。

今晚想食煲仔飯，不過工廠區唔係太多地方有，行過經過見到廣告牌有得食，於是入去試吓。選擇係幾多，叫了個北菇滑雞同滑蛋牛肉，仲有個魚皮。先講魚皮，有啲咬口，都幾爽，同埋唔算太辣，都ok。但至於煲仔飯，兩個都超唔得。首先啲雞唔滑，又韌，同埋超重雪味。而滑蛋牛肉，隻蛋係預先打咗落煲飯入面，蛋黃都熟埋。不過最唔得嘅係啲飯，一來面層啲飯太淋，但煲底啲飯又好似未煲熟咁，啲米仲好硬，而且又無飯焦，所以整體嚟講超唔得，亦唔會有下次。