富山居 (裝修中)

最近大元村街市3樓平台開左間門面唔錯既日式餐廳 有棵大櫻花🌸勉強都算打卡位😂因為佢要左2間舖位打通左 所以坐位比較多而且坐得都舒服 唔會坐得好埋今次揀左係早餐時段去試 只係早餐 選擇已經有2頁 比其他餐廳多好多早餐唔想食太多 但有碗熱辣辣既麵再配太陽蛋係最理想M20 $33有牧場烤多士 2塊煙肉 一碗辣肉醬米粉 仲可以揀多一種配料首先多士 揀左用楓糖多士 再搽左層薄薄既牛油拎去烘 食落脆卜卜 唔似得其他轉左用餐包 再攝一大舊牛油係中間咁求其煙肉就略嫌多油左少少 所以我選擇浸湯食碗辣肉醬米粉 可以比客人揀要唔同既麵辣味適中 通心粉既份量都算多 食完真係暖笠笠題外話 店員服務好 見到碗麵索哂湯凍哂 會主動提出加熱湯☺️試業成功

呢一間係大元邨最新開嘅餐廳，有日式都有普通茶餐廳會食到嘅嘢，中間仲夾雜着幾款意粉，第一次食有驚喜嗰塊豬扒大個成塊面，而且煎得好香，香得來唔會燶好好食，絕對推介！另外食嗰個烏冬口感都唔錯，係讚岐烏冬

平日午市找食，見開新店，店員熱切招客，餐牌款式也多，一於試吓。$49厚切豬扒飯可拼韓式午餐肉/炸雞/瑞士汁雞翼，我就揀了拼炸雞。一送來，賣相很不錯，豬扒厚而大，炸雞有兩件。細看豬扒，感覺認真香煎的，整塊都煎過，不過唔知是特色還是部位，我果塊就嫌肥咗啲，有兩件炸雞，所以都夠餸。豬扒肉質不會實實硬硬，亦不如巴西豬扒的「鞋」，只是肥了點。炸雞不知是因在豬扒底，還是久放，不脆。特別讚的就是「秘製葱油」的醬汁，香而味佳，點肉和撈飯一流。另加$8叫了杯凍啡，味道沒什麼，但讚是碎冰，配啡佳。這店裏裏外外的員工都感不缺，店員態度也好。下次試下日式壽司果類先。