影片
好耐无写食评，吸引我再写呢篇食评，系因为太失望。前排去广州食过广州几间既布拉肠，觉得好好食，响香港心思思想食，就周围揾下有无，比我揾到呢间。中午入去 得闲位女士坐左系度等外卖。我叫左个 布拉生菜肠粉 同 布拉叉烧肠粉，外卖盛惠total 40蚊。个女士想嗌碗碎牛粥，个店主/店员粗声粗气咁话 "碎牛咩野? 咩野碎牛?" 女士话 "我想要碗碎牛粥呀唔该"， 跟住个店主/员又用同样语气话 "我地无碎牛粥呢样野!"... 个女士后尾心急，走去问下碗粟米粥得未，仲有3分钟要冲返office，佢已经系惊惊青青咁，劲唔好意思地问.... 之不过换黎既系同样语气。。。食物方面。。。# 叉烧肠 # ***** * 6/10叉烧好干柴，好厚又大旧，同啲肠粉好似夹唔埋咁。肠粉好软....只可以讲好软... 无烟un弹牙既感觉。# 生菜肠 # ***** * 6/10生菜熟得滞，做唔到爽脆既效果，肠粉好软，好似亦系过熟咁。总括黎讲，同广州街边求其一档都无得比。
继续阅读
第一次openrice写食评，但不吐不快。叫左个皮旦瘦肉粥，义烧肠。个粥来到习惯撩一撩个粥，稀到无得再稀，大概有7-8片手指尾甲咁大既既肉加4-5粒皮旦，由此可见猪肉真系贵左好多好多，我宁愿你标贵少少比返d正常份量我。 个义烧肠味道系不错既，只嫌个豉油加左不少油。 至于服务方面，本来小店也不会期望什么服务，只系一个四眼后生仔唔知系老板定店员，收碟收到噼里爬啦，掟落个桶到，如果心情唔好，大可请假一天，到埋单时，佢某低左喺厨房玩电话，要我重覆自己食左咩先话到比我知几钱
继续阅读
咁啱揸车去土瓜湾果头，于是就顺便试试「富粥」。即拉叉烧肠粉由于比较夜去所以当时客人唔多，落咗单后见到老板即时入厨房开炉整肠粉，所以真喺新鲜滚热辣咁整好。肠粉厚度适中，无偷工减料整到薄切切咁，所以食落好有口感。唯一可惜嘅喺叉烧比较小，比较钟意食多料嘅肠粉，因为食落口会更丰富。由于今次喺外卖拎走，所以外卖盒内嘅水蒸汽或多或少会影响到肠粉嘅味道。所以建议大家都喺堂食好过。即炒豉油皇炒面虽然喺外卖拎走，不过喺一路行一路食，所以无俾水蒸汽影响到。呢道嘅炒面镬气差d，炒面唔够干身。不过调味好好唔会太咸。地点唔太好揾，如果唔喺经过附近都唔会专登过嚟食。
继续阅读
在今晚之前已来过富粥几次，感觉粥和肠粉都很好吃，但经过今晚的遭遇后，不会再考虑帮衬。今晚外卖自取，叫了皮蛋肉碎粥和鸡蛋虾米肠，粥吃到最后阶段却给我看到有两只蚁在胶碗底，而肠份一整盒都有沙石，已不敢想像刚才吃下的东西会有甚么后果
继续阅读
朋友在红磡区返工 经常叫佢外卖速递 今日终于过嚟现场食 除左士应哥哥打乞嗤唔遮口 我地叫嘢食唔行埋嚟要我地大叫之外，嘢食都系无令我地失望嘅！出面街好少食到呢种皱皮肠粉，加蛋一流！
继续阅读