富臨漁港囍臨門酒家 (已結業)

繼續我的 2010年 3月篇是日相約了同事去黃大仙求簽但時間尚早.. 先去飲茶醫肚選擇了這間.. 不過搵位都搵到想死完全無人理的.. 由行入茶樓這刻開始到自己找到位.. 都無一個人理過....完全無服務可言!!直至坐底之後.. 我地終於被人發現了.. 唔該晒!!!!!

尋日去黃大仙搵我九十幾歲既姑媽飲茶，咪走去富臨試下．點知我第一次去呢間酒樓，相信我以後都唔會自已走去飲．佢地好有問題，係非常有問題，侍應、 以至部長可能至經理．就係因為一碗多出黎既粥就搞到我地掃興，好彩我地有修養，控制住情緒，否則不是破口大罵就是反枱走人．就因為多碗粥，比酒樓既員工問左成五次有多，應該話係查問先啱．係佢地自己搞錯左唔去處理, 反而去執問客人，今時今日咁既服務認真過份．好，就算真係客人寫錯，都唔應該就為左一碗十拎蚊既粥去不停咁打擾客人．今次仲要係佢地自己出錯，仲不停走黎煩住我地，話係咪我地寫錯..真係發佢地顛．好皮氣既我都搞到發晒敏．事件係咁，我地叫左一碗粥，已經黎左仲食晒添，過一陣又送黎一碗，仲要唔係我地叫果款粥，我地咪話佢知黎左啦，個送粥阿嬸就話，唔係喎呢個係咩豬骨粥喎，我地咪話無叫呢款，我地叫既係皮蛋瘦肉粥仲黎左食埋添啦，個碗仲係度未收走．阿嬸唔信仲問我地有無叫左兩碗，天呀！都話無呀，咁佢先走. 點知轉頭黎個寫單既，又問碗係我地喎，都話唔係囉，我地既黎左仲食左啦，有碗係度証明．點知佢又問我地係咪寫左兩碗呀或者寫左兩次，真係火都黎埋， 都話無囉，要點呀! 我地一定唔

今年端午節, 阿媽決定試試富臨d"傻"仔, 平時飲茶, 都對佢好有信心.阿媽買了兩份糭劵, 要起端午節之前換領晒.一張有5隻, 包括king size裹蒸糭, 兩隻咸肉糭仲有兩隻梘水糭.第一次換領, 大概起端午前一個星期,是日午餐:- 裹蒸糭果然king size, 係咸肉糭兩倍大糯米有d魚味, 到底用乜野整呢??餡料唔太記得, 好似有冬菇, 豬肉..... 咸肉糭本人還是喜歡咸肉糭冇乜送, 簡簡單單.用綠豆混埋糯米, 綠豆較多.咸肉糭沾sugar或者豉油, 由細食到大~餡料真係唔好, 有好大舊肥豬肉, 仲有蛋王! 梘水糭咁梘水糭又沾咩來食呢??答案係>> honey哈, 正常, 應該用sugar的, 其實好味咪得囉~~個人唔喜歡食梘水糭, 俾面食了一口.第二次換糭, 係端午節前兩天.當晚我同阿媽如常去到黃大仙富臨領糭,個姐姐話派晒??有冇攪錯!叫我地自己落新蒲崗分店拎喎~~咁如果去到又冇得拎呢?又點先??阿媽提出退錢, 但阿姐話唔得喎. 咁你又冇糭派, 又唔俾退錢, 即係奸商啦最後個阿姐唔知起邊度搵到5隻糭返黎, 但個膠袋係剪開0左既~(正常係一大包5隻糭入埋俾客)係

今日為慶祝母親大人的生日，衆兄弟一起到此吃晚飯，以往光顧過，食物和服務也不錯........但今晚就非常差的一席菜，鮮鮑魚仔竟要求返煮，仍是未熟，最後，要換過第二度菜........碟菜老都不得了............叫待應跟吓我的order，佢地竟可當面直行，當看不到......最後，叫上甜品，都要叫左3次後，仲話要等多10分鐘 (離晒譜)..........個自稱經理的竟可與隣枱食客駡戰從今我地唔會再此吃晚飯，吃一席2仟幾近3仟的菜，服務咁差，要如此受氣及不好吃

因為有魚劵(31/3 頭條日報)剪的,3 個人所以去食下,得喎,魚好滑喎.蒜蓉元貝 有些粉絲墊底 好鮮味好香 點埋豉油仲正生炒骨 幾好味豬爽肉芥蘭煲 油左d味道普通有生果盤(細)

D野都幾好食,不過D生炒骨就普通左少少喇..個度D服務幾好,所以都值得推薦!!

今日算係你同我既大日子, 祝你成功!是日午餐:- 蝦腸>> 好大隻蝦, 抵我成日食你~ 蒸牛肉>> 淋左d, 但鬼叫佢平咩. 鮑汁雞腳>> 阿媽必叫, 一個人可以食晒成碗呢 咸水角>> 好想食炸野, 叫了個最平既. 一碟4個, 外皮好脆, 用蒸蛋糕杯仔裝住, 幾cutie. 叉燒包>> 吃了半個, 飽到食唔落喇.. 煎薄餐>> 阿媽突然見到隔離枱食, 自己又好想食. 餡唔夠多, 仲要一半焦一半好似未熟. 素菜餃>> 入面有粟米同菜心粒, 都可以啦. 燒賣>> 大大粒, 如果唔係叫了蝦腸, 我一定點蝦餃呢~以前都唔洗排隊既, 而加要排成個鐘先有位呀, 幾誇張

一星期食一次, 感覺好似越來越受歡迎呢?!等位時間變得越來越長, 仲要同人孖枱坐, 真係第一次兩個人, 叫來叫去都果幾樣....是日午餐:- 牛肉腸粉一係就叉燒腸+蒸牛肉...粉皮好滑, 牛肉多. 每次都叫阿姐整多d豉油, 好味道~ 奶皇包雖然唔係流沙包...奶皇又係好滑呀, 而加好少地方整到熱辣辣, d餡又咁滑架喇. 蝦餃冇蝦腸就整個蝦餃囉~一定要沾辣醬, 蝦肉又爽又彈牙! 鮮蝦腐皮卷又係蝦...冇計鍾意食~唔算油, 不過就炸得唔夠透. 可以接受啦眼見員工已經好多好多, 基本上都冇乜人偷懶.(當然有見到師奶們扮做野傾計啦!)服務態度唔可以話好好, 但係唔會扮見唔到已經好開心~

呢排黃大仙有慶典,連續兩個星期日食午飯時間富臨都勁多人等位,今個星期又係咁!我張飛仔129號,位小姐先叫緊109..........仲差20個.可能呢間酒樓地方大,唔洗30mins已經入得場喇★起初我地一家人勁愛去海龍嘆茶.貪佢快靚正!之後我地又試過新光,八喜.....再黎到富臨.食過一次之後又去番海龍...嘩~~~都係富臨食過番尋味.而加逢sunday我都一家都會起富臨出現!講到service,最近新黎左個四眼哥哥,態度一流,做野又快手又有禮貌!唔好以為我讚緊後生仔,查實佢年紀應該同我daddy有得揮.連續兩次都係由佢service,希望部長見到,快d升佢就好咯~是日午餐:- 燒腩仔>> 唔知乜事今日特別多人叫呢味,我地都唔執輸!我一個人都食了10件,脂肪超標! 蒸鳳爪>> mummy終於放棄佢至愛的鮑汁雞腳 蒜蓉蒸鮮魷>> 雖然"大點"都真係唔抵,忽然想吃~阿姨拎左鮮竹卷過來,話廚房落錯單.不過好快就換番鮮魷喇~ 雞包仔>> 一籠三個不過mummy太餓未映得切已經食咁一個..雞包仔唔太欣賞,我mummy就超級喜歡! 煎

唔好以為有魚送就會咁着數,點知食到一肚氣,我和屋企人食晚飯，來了個"法式龍蝦球"，我地同聲食得出那個肉球都是似"蝦"多過似"龍蝦"，咁咪call個女部長問個明白，佢話呢個係"龍蝦"肉，就算我們肯定呢個十足似"蝦餃"的味道，她竟沒有理就走佐! 跟住我地再找個經理投訴，最後他試食後與我們解釋廚房說這真是"龍蝦"肉，幸好他肯取消這個餸，咁條氣都順D!原來未完，第二單事件接種而來，之後我們點了一個"XX泡菜苗"，前後吹了兩次，最後我們又試出它竟是一個值$48的浸薯苗，而我們係叫$58的菜苗，叫佐女部長，佢好唔負責咁話"薯苗"咪即係"菜苗"的其中一種，話我地冇講要邊種"菜苗"，我真係好鬼嬲，呢個係甚麼服務態度呀，我同佢講你有冇睇劉華廣告，知唔知今時今日的服務態度，唔係咁樣架，最後因為爸爸叫息事寧人，我地才罷休，但真係好憤氣，一定要讓大家知道呢件事!

重以為有魚送咁着數,點知食到一肚氣,我和兩位朋友六點多去到,起初服務都好好地,點完菜叫了渣西瓜汁,等了一會都未來,以為個服務員沒有落單,再吹個服務員他話以經落了單,又等了十分鍾都未來,又再吹那位服務員,他又話水吧位師父剛剛返到,好我們又等了十分鐘,又再吹那位服務員,他又話渣近渣近,....足足等了三十多分鐘都重未來,連所有菜都吃完,最後再找高級D經理話西瓜汁都未到,她的態度好似不相信我們要等三十多分鐘,重話邊位幇你地落單,我立刻指注那服務員. 這位經理才幇我們去睇睇,原來跟本沒有落單,我立刻話不要,最庆是他們好像當什麼事都沒有發生過咁,以後都不會再去D咁差服務地方.......

是晚揀左去呢度Dinner,因為朋友話呢間幾好.所以一行五人去.而且地點都適中,大家放工都<就腳>燒鵝:半隻,都幾好味,又唔係太肥,個皮又脆脆地.海斑:由於而家做緊優惠,條魚係用優惠卷換既,所以係免費既...但都好新鮮,又唔係細細條,絕對冇將價就貨.蒜蓉蒸元貝:6隻,隻隻都大大隻ok,個汁又幾好味.芝士焗龍蝦(伊麵底):雖然係例牌,但份量都幾多,略嫌個汁太<流>砂窩雞煲翅:即刻係你面前煮每最少有一大塊翅.個雞湯既味道都幾好...又唔覺得太重味精,所以飲多碗.金銀蛋莧菜:普普通通.

平日早茶 ------------- 鱆魚肉餅餅, 鳳爪排骨飯 ($5.8 @) --餸ok, 但飯好硬 鮮竹牛肉球 ($7.8)--朋友仔一咬落口就話"苦架", 真係帶少少苦澀, 想取消此款點心, 但店員鍥而不捨再攞過第二碟出來, 朋友仔都話一樣帶苦味, 但店員話: "我地好難取消單, 因經理食過話無問題". 結果換過同價的 柴魚花生粥 柴魚花生粥--柴魚切得好碎, 不過算足料, 成碗粥都好香 潮洲蒸粉果 ($7.8)--皮薄, 餡料豐富, 可惜沙葛係稔的, 一d都唔爽 香煎蘿蔔糕 ($8.8)--做法比較求其, 蘿蔔只是切成幾條粗條, 並沒有將蘿蔔絲均勻混和於糕內, 只是把幾條粗條加入糕內便算 菇粒雞包仔 ($8.8)--個包好實, 蒸得未夠時間 (以上價錢再加一, 茶錢 $6 @)已打消了再來飲早茶的念頭

今晚係男友爺爺生日,他們叫了一席的海斑宴頭盤係乳豬拼盤, 义燒,海蜇,乳豬都好味呀西芹炒象蚌x, 味道都幾好,食物都好大碟,但配了油炸鬼做配菜就好怪及油炸鬼d味好似變咗咁沙律卷, 有15件, 份量好多呀...抵呀(我食了一件, 好味呀,但好多油炸呀, 好肥呀)翅... d 花膠有點腥, 唔好食, 第一次食翅係"腥"架...差差差.....鮑片鴨掌配蠔油生菜, ok 啦 (普通嘢無特別呀)炸子雞,無雞味.. 一般海斑好大條, 味道好好呀(面珠既肉比我食晒呀) haha....瑤柱菜脯, 好味呀~糯米飯, 人吔話好味, 我太飽無食到壽包, 一般者, 好甜呀....

富臨d 服務真係差到極!先前我同我家人係個到罷結婚囍酒。佢地由頭到尾的服務真係差到死。令到我D 家人個個好唔開心!食物方面:- 紅脆皮雞個隻雞煮到十分老, D肉硬到好似鐵咁。-翡翠玉環柱甫只係得十件瓜加瑤柱, 下面係一大堆牙菜, 真係唔知佢地係未拜山用! 見到都眼火爆!-甜蜜黃金巻只係好普通既炸蝦球, 仲要有D 係炸到黑焦咁...完全冇賣相!另外係入席時間, 叫D 負責沖茶水同汽水既啊姐沖野飲, 又個個好似失聰咁!當人冇到!真係火到黎! 親身行去叫佢地沖野飲! 仲話頭先個區域已經沖左! 個D 啊姐係未見唔到岩岩有新一批客人入席? 個個又瞎又聾? 仲要繼續行開去, 當你死咁!新娘房方面係完全冇腦!BOOK酒席個時話明會有一間房畀我地, 點知去到一間房都冇!只係得D好似小學既學校入面個D 流動式報告板既板, 圍住一個角落, 就當係新娘房俾我地!D板又矮!下方又要係堵蓋唔到! 整到個新娘房好似開放式咁! 想俾人參觀咩?!當日對新人都很不高興咁講。講真, 人地擺結婚囍酒係一生一次! 遇到呢D 咁既服務質數, 你都冇話唔驚!有諗過去富臨擺酒既人真係要三思喇!