富臨粵之味 (已結業)

$268歎砂鍋雞煲翅, 初時不敢期望過高, 不竟富臨不是以翅來招客. 但上枱一試, 果然令人沒有失望, 反而讚歎無叫錯這個雞煲翅, 內有大大塊魚翅, 雖然我並不太懂食翅, 但應該不是"粉絲"吧! 還有配角滑雞半隻, 份量頗足, 足有六碗, 每口熱湯中, 滿是清甜, 好有牛奶忌廉的感覺, 或者是雪白的顏色影響味覺, 還有啖啖魚翅, 吃兩碗已飽飽了! 足以令大家encore.

除夕~~送走2008~~迎接2009放工唔想出去同人逼,又唔想留係屋企倒數咁悶所以決定出去旺角搵野食,點知都係咁多人本來諗住去譚x頭,點知又多人,又貴!所以最後決定去呢度食,貪佢~平~靚~正!!不過,都好多人,仲要等位添,好彩唔係等好耐.好快就叫野食啦,因為都好肚餓.唔知點解,有款湯底賣完,都仲比客人叫(鴛鴦鍋)個主任話,比住一半先,後補另一半(去其他分店貨)開始揀配料,發現有D想食既野,原來係冇既~~失望例如:金菇菜,特別少少既丸都係冇既~~算啦!叫碟肥牛:都好新鮮,唔似放好耐水餃vs雲吞:都Ok,仲好似係包起,但2隻餃D餡好似冇乜分別. 都唔知有乜唔同.除包既方法之外墨丸vs蝦丸:個賣相好靚仔,都幾好味,可惜細粒少少.豬潤vs粉腸:好似唔多新鮮,食落肚既感覺,好似怪怪地.P.S.見到個場,係有人吸煙既,但都冇員工去理 係扮望唔到,還是...係熟客呢??12點啦!~~Happy New Year

聖誕去左呢樹食宵夜初頭兩張單寫十碟黎9碟,寫6碟又黎4碟之前全部miss左個d都係後補個日去到都冇哂蠔食叫左好多ｄ丸食,仲有試左佢個極品肥牛不過不失啦百零蚊算係咁啦續碟計錢既點都好食過任食個d

星期日同皇子起身時已經係吃下午茶時間喇~~佢話想飲茶，米去左這裡開飯啦~~我地叫左10樣野:最怪既係金翅灌湯包；竟然係冬瓜蟹柳湯~~頭都痕埋!!完全唔相干既野，點命名既呢?蒜茸魷魚好難食，又硬又鞋、最恐怖係擺底既竟然係包雲吞既皮~~帶子餃無帶子，不過就有好大粒蝦好彈牙~~鳳爪好入味，排骨好爽口好甜，燒鵝瀨既瀨粉好正；燒鵝一般。牛肉球超多馬蹄，無肉味咬落好散~~不過服務員好勤力，地方都好乾淨。下次都係去返"潮"或"客家好棧"(不過最近都要去尖沙咀)

昨晚十時半許來吃火鍋,平時排餐死,但這時候已經可以直接進座了.之前來吃過小菜很不俗,這夜吃火鍋和點小菜的台數相若,我們坐到裡面較多人吃火鍋的地方,侍應推介$28花膠雞筒骨湯底,超值!因已過了九時半,大部份火鍋料都只是$26,$12和$10,我倆點了八款料,怎料湯底的雞是分碟上的,足有一碟份量!鄰台的火鍋料也好像很大碟,所以連忙取消其中一個柯打.是夜火鍋料包括:- 鮮肥牛$26 比$12美國肥牛貴,牛肉片頗厚,要多"火合"一會,味道ok- 羊肉片$12 ok- 珊瑚蚝$12 爽口鮮味!- 鮮蝦雲吞$12 8粒,咬下去啖啖肉,彈牙香口,簡直好像吃燒賣一樣!- 豬下青$12 也是十分大碟,極之爽口,齒頰留香.- 秀珍菇$10 難得地帶有新鮮香味!- 冬瓜$10另點了一渣西瓜汁$2x 和一罐可樂- 滑雞<--分開上的湯料,$28還有那麼大碟雞算是超值!肉質談不上嫰滑,卻雞味十足,值得一讚!要注意的是,雖然火鍋料很便宜,但調味配料卻要十塊錢左右,只有豉油和豆瓣醬免費,都叫頂得下.總體來說質素頗高,難怪平時排長龍,到晚上十二點半依然有新客進場.我倆吃光火鍋料,卻仍留下半碟本來是湯料的雞吃不

之前食過新蒲崗富臨，覺得不錯，故同友人一同來此食飯﹗來到時已是晚上十時左右，人頗多，要拿飛仔等位﹗一眼望過去，已見全場煙霧迷漫，心感不妙﹗於是問亞姐有沒有非吸座位，豈料亞姐竟說全場吸煙﹗心中當然十分不滿，一個大集團竟然莫視政府法例﹗over 200個座位的食店，一定要有非吸area﹗但亦不好意思要幾個人"就"我一個，所以沒有轉地點﹗說回食物，其實味道ok，不過這間富臨已被black list﹗離開後，成身煙臭﹗回家後要立即洗澡，連袋都要洗洗以清煙臭﹗星期一即打電話去控煙辦公室投訴，雖知作用不大，但總算做了自己覺得應做的事﹗順帶一提，不知是否人多，服務一般，侍應態度差﹗

又與銀行界靚女午聚,地點在雅蘭隔離的富臨,同稻香比,兩個世界,果邊排餐死,呢邊直行直入.午市無特價,蝦餃皇$18.5,外皮潺潺地,想甩皮似的.不過尚算實淨,理得是否要十幾摺的"標準"做法.餡內的蝦肉很爽口.燒乳鴿皮脆肉嫩,出奇地佳.其他點心,大多中點,大點貨色.鮮蝦春卷夠香脆,餡內原隻蝦球上,絕不欺場.點心意外地有水準,相對價錢,亦不算便宜.兩個人午茶$130埋單,在旺角已經係中上消費.我倆皆是吃得之人,這個消費指數,或不能作準.很多人在午飯時段上酒家,也是兩籠點心止.難怪大多朋友,並不喜歡與我飲茶...

同同事宵夜, 10:30落到唻, 因為得2個人, 所以叫小菜唔打邊爐.點左最鍾意食ge頭抽煎海蝦, 仲有牛仔骨同埋炒豆苗. 個煎蝦真係無得頂, 又夠大碟.最無敵ge係嘉士伯$10四罐, 真係抵到爛!!

天寒地凍，捉埋朋友一齊食宵夜，大家恰下恰下。坐低叫左個鴐鴦鍋：48蚊火鍋料特價10.9一碟，叫左的菜呀，肥牛呀，蝦呀咁。另外無特價的生蠔同貴花蚌都各叫了一碟試下。總括而言呢餐都食得幾開心，的料以呢個價錢來講食得過，待應的服務亦算係咁。不過有兩樣野值得一彈，一是好多特價料沽清，所以選擇唔夠多，二是的阿姐(不是待應)，明明隻碟的野都未食完，唔聲唔聲就收走隻碟，好似想等你唔夠野食，再叫多兩碟咁，阿姐呀阿姐，任食時段已經過左喇，我地的食物是逐碟計錢架！所以本來想比笑臉，家陣要降一級比OK

星期六，又同屋企人去富臨...杏仁炸餅﹣好有芋頭香，加埋共他配料（馬蹄，冬菇），同面頭既杏仁，好有新意。山竹牛肉﹣睇色水，就知道由牛肉到配料都係新鮮，食落果然彈牙，有牛肉味。春卷﹣超脆，擺明岩岩炸起，餡料豐富...鮮蝦腸粉﹣未落豉油，見到Ｄ腸粉皮包住原隻蝦，睇到紅彤彤.既蝦肉...一食∼無0野講∼好似食緊生蝦咁鮮加爽脆！楊枝甘露﹣唔係咁好食，一般∼加埋大大細細共10幾碟點心，都只係$149，無論價錢質素都勝隔離稻香一籌！

下晝有Ｄ事做，搞掂後落左旺角富臨飲茶，等左一陣就有位，但係...係酒樓盡頭最後一張檯，熱到爆∼就算開0左大牛角線都唔係好掂。3個人，都叫0左幾多0野，蔔白糕，煎腸粉，蔔白酥，叉燒酥，蝦餃，鳳爪，灌湯餃，糯米包，西米合桃露等等...呀∼仲有鵝瀨∼ 魚雲....值得講下0既係鵝瀨同蝦餃，前者鵝肉嫩滑，皮脆、肉嫩，只係略嫌瘦左Ｄ，瀨粉夠爽，唔會話淥到淋晒先拎黎，同埋Ｄ湯好夠熱好好味；後者蝦肉新鮮兼彈牙，色澤透明，我亞媽話好味過稻香0既蝦餃。仲有西米合桃露，香滑幼佢都做到∼正！！Ｄ侍應都幾差，俾張點心紙佢，佢每行過一張檯就停低傾一陣計...講真，佢似知客多過似侍應...

兩個大食人去左食富臨, 因為我想試下佢d燒鵝係咪真係咁正, 去到發現呢間酒樓同其他個d唔同, 因為佢無咩特價野食, 所以叫左半隻富臨燒鵝$98, 田園素包$48, 沙律明蝦球$58同素鵝$28素鵝認真麻麻, 個腐皮唔脆又唔熱, 個賣相又好扁, 入面d料又唔多, 只係冬菇為主, 唔抵食! 半隻燒鵝比佢呃左好多, 除左隻脾好肉之外,(但其實d肉有d鞋同un) 其他背位個d都勁肥, 肥膏同肉的比例有3:1, 好誇張!! 鵝胸位肉又唔夠厚, 個味係就係調得唔錯, 唔太咸又唔太味精, 但係無肉食都係唔好啦, 食膏咩??田園素包個賣相同張相有九成九相似, 好靚, 其實係一大片黃芽蔔包住入面係南瓜, 白蘿蔔, 菜絲, 冬菇等, 係旁邊重淋滿青色的蔬菜汁, 不但賣相吸引, 食落個味都好正, 值得推介. 沙律明蝦球比想像之中大碟好多, 用一個炸左的雲吞皮盛住, 蝦好大隻同埋好新鮮, 沙律醬超多啊, 所以食落有d漏, 2個人食好似太過大碟啦!!不過認真唔錯!!無叫飯都食唔晒d餸, 埋單$250, 都算抵!