富臨酒家

营业中

休息中

富臨有多間分店，都試過好幾間，收工返屋企, 近近哋, 慢慢步行約10分鐘, 屯門中央廣場 呢間地方大大，有空間感, 冷氣有 d 凍平常日子, 6 點幾, 甚少人, 餐牌：例必睇睇孖寶, 選中 白灼海生蝦 配 豉椒炒大蜆 （$228)大大隻蝦, 脆脆彈牙,豉椒蜆，材料當然有 青、紅椒， 蜆 …穀 好大 肉似乎好細粒 兩個餵食鬼 清蒸原條沙巴仔，平宜價 $48 , 相當吸引條魚算是大, 肉嫩滑 都幾 好味再來 海味銀絲煲 $68 , 海味在那裡, 幾隻蝦乾 , 椰菜, 粉絲勁多, 調味清淡, 不錯二人世界, 四味餸菜, 一碗白飯, 豐富啊 ! 埋單 連加一, 共$422

今日同屋企人黎食晚飯，聽人講大盤雞好抵食做緊特價，就決定來試下。最近秋飛起，呀媽成日話豬肺好但自己整麻煩，所以見到金銀菜豬肺就即刻叫左,連埋湯渣都食埋！佢放左雞骨煲，又唔油，好有屋企味！之後老豆想食鱔，經典煮法緊係豆豉蒸！魚夠哂肥美又送飯 。依到既部長都服務好好，叫左飯好耐未到都會即刻幫我地跟，怪唔知得老豆咁中意自己一個黎飲茶啦！最後隻雞唔算話好滑，但勝在大大件，二十幾蚊出面一個kfc都食唔到啦！正呀

是晚約左同屋企人做節食飯，中菜當然係首選啦！我地揀左屋企附近既富臨食晚飯遇啱酒樓做緊優惠，有$28一隻頭抽走地雞唔係唔叫呀？隻雞比想像中大隻，雞肉肥美嫰滑醬汁亦好入味大澳香蝦骨呢個配搭好新鮮呀！有好香既蝦醬味，炸得好香口泰皇蝦球炒通菜又幾有皇國特色喎！有點似泰國餐廳成日食到既飛天通菜惹味我地另外仲叫左個孖寶套餐冬瓜盅夏日炎炎，消暑真係一流清甜可口你睇你睇，入面既料真係多到呢！豉汁蒸白鱔蒸得剛剛好魚肉嫰滑，肥美生煎包$38有6個，大大個，勁多肉汁白飯都唔駛叫啦喂4位食飯，埋單5百幾蚊，仲有半隻雞食唔晒要打包走抵食

呢間係平時同爸爸飲茶的酒樓其中之一，剛剛爸爸話見到酒樓近排有優惠，$28一隻大大隻肥雞一家人決定去試下頭抽走地雞($28)今晚黎既目的之一，當然要叫豉油雞原本諗住隻雞應該唔會好大隻，特價嘛！唔會抱好大期望但係點知！！！隻雞勁大隻呀！雞肉好嫰滑豉油好入味，又唔會太咸大澳香蝦骨($78)經理推介我地食既，有好香蝦醬味咸香味泰皇蝦球炒通菜($78)炒得幾惹味，不過就略嫌油左少少豉汁蒸白鱔($108)正呀喂媽媽最鐘意食白鱔佢地蒸得剛剛好魚肉嫰滑肥美十分新鮮生煎包($38)又係另一特價之選有6件，大大件，煎得好香口，內餡肉汁豐富海皇冬瓜盅($98)瓜肉厚，入面既料仲超多！十分足料湯味道清甜消暑一流

今日入咗屯門探舊同學，順便打下麻雀，打到夜晚見肚餓，於是就落樓去到附近依間富臨皇宮醫肚喇！老友話平時間中都有食開，好味又抵食，上到黎見到依度裝修得都唔錯，樓底高空間寬闊燈火通明，環境又乾淨衛生，而且侍應又會主動幫我地沖茶換碟。再望一望餐牌，發現原來依家酒樓食飯仲抵食過去大排檔。蠔皇八頭鮑魚扣金錢：依個鮑魚煲真係抵食到不得了！每人份只係收你$9.8！你無睇錯，係$9.8！收你咁嘅價錢就可以享用到八頭鮑魚扣花菇，淨係咁已經值回票價！雖然係鮮鮑魚，但食落都煙靭有嚼口，而且都好入味！而隻花菇真係夠晒大隻厚身，又夠香，最後煲底有西蘭花，索埋啲鮑油味道一流！菠蘿咕嚕肉：黎得酒樓食飯，又點可以唔叫咕嚕肉呢？依到嘅咕嚕肉嘅醬汁調製得岩岩好，食落唔會嗆喉，酸酸甜甜開胃到不得了，大人細路都岩食！而且件肉仲係好脆身，即點即炒唔會放到軟淋淋。而佢份量亦好足夠。泰皇蝦球炒通菜：出街成日都食椒絲腐乳通菜，好食但食到悶！依味泰皇蝦球炒通菜，用咗大量蝦乾及鮮蝦球去炒，個汁有少少辣辣地，食落好惹味又有特色！生煎菜肉包：依個生煎包雖然係等得比較耐，但因為佢係即點即煎，所以上檯個時係熱辣辣！個生煎包底面都煎得好香口，而裡面

今日嚟到屯門探朋友，都費事煮飯啦，朋友就同我落咗去樓下，遍布全港嘅富臨酒家度食飯，呢間分店都幾大，而且個廳四四方方，用嚟擺酒真係一流呀！炎炎夏日梗係叫反個冬瓜湯嘆下先啦，今日我哋叫咗呢個冬瓜盅，消暑一流呀，唔好睇小佢係一個普通嘅冬瓜盅啊，入面嘅材料十分之豐富，有蝦，有冬菇，仲有蟹柳，最重要最重要嘅係入邊仲會有乾瑤柱架，而且冬瓜不停出水份量都好多架，差唔多可以不到成10碗，而且味精唔多消暑解渴真係一流。嘩嘩嘩，呢個蒸鱔真係不得了，鼓汁夠晒味，而且鱔身好爽口又彈牙，最重要嘅係佢嘅份量10分之多，食到我哋有少少流流地。好大隻鮑魚啊，仲要份量10分之多，有成四隻，鮑魚唔細㗎， size仲大過一隻匙羹，炆得好入味，下邊仲會有啲大冬菇薦底，冬菇好厚身夠晒火候，配上西蘭花可以中和返，個汁打得十分之出色，用黎送飯一流。不得不讚嘅係佢哋嘅服務十分之好，依家啲酒樓都好少可以搵到人斟茶遞水㗎啦，但係呢度嘅服務員可以好充足咁幫我地斟茶遞水，而且一搵人就已經有人到，總好過一啲嘅酒樓叫極都無人應你。

朝早同朋友去飲茶，坐底叫左半小時都未執枱，D職員好似瞎咁，揮極手都吾理，最後我地自己推架車來執。跟住終於好辛苦揾人開左茶，叫左點心但又漏單，最後火都來埋即刻起身走!

富臨有好多間分店，我都試過好幾間😎呢間係我暫時試過最好嘅一間特別係服務最好 😊屯門呢間富臨地方大，仲有房。空間感足夠。今次一家人食個 lunch 😋 呢個好似炸両咁，其實裡面係蘿蔔絲，仲有腸粉包住，蘿蔔甜甜地，好好味😍又係蘿蔔製品，蘿蔔千絲酥。其他酒樓都有呢個點心，但係呢間個蘿蔔同炸粉配合得好好😊薄撐唔夠脆，粉漿多過餡料。呢個就。。。遜色咗啲。十幾蚊乳鴿，細細隻，但都好好肉地。平時啲乳鴿一開四，呢間富臨就係一開二。但你叫侍應幫你剪開佢，佢地都好樂意☺其實我仲叫咗好多嘢食，蝦餃同菜苗餃啲皮好薄架😍

每周例牌飲茶，其實我好懷念以前推車仔拎野食，見到咩靚就拎咩，真係會胃口大增。冇呢枝歌仔唱，但富臨係我飲過抵食、好食既酒家。下午茶，長期多人，勝在地方夠大，容納到好多枱客，等十零分鐘就入得。服務員好親切，都係姨姨級。每周見到，已經會同你打招呼。下午茶點心 好抵食。著手係咁寫。呢款真係每次必點，唔多地方有大大隻煎堆食喇！熱乎乎炸起，入面好煙un,濃濃南瓜味。好好好味熱辣辣既乳甲呀$18隻咋，去大排擋食都$38啦 真係抵食到飛起！最緊要係好味，燒到岩岩好，好香脆。平時飲開茶既蝦餃，閒閒地都34十，但$18籠，已經滿載鮮蝦肉，皮薄餡靚大推點多幾籠都唔肉赤！另外值得一讚係佢既咸水角呀！唔係炸定架，即叫即整，睇顏色就知冇反炸！食到飽實既咸水角真係好滿足。廉價價錢，但食到滿滿誠意我會每周都黎架！

一早訂左張大枱同家人做冬，點知酒樓到我食飯果日既3點先打比我話比人包場，未能安排位置給我。我: 今日先知有人包場?職員: 佢地臨時加左幾圍，所以安排唔到我: 佢今日先通知你加枱?職員: 我唔知前幾日有無職員打比你我: 咁即係之前已經加左啦職員: er.....我: 咁係咪我無落訂所以無枱? 職員: er......唔好意思咁即係點? 要落訂或無枱就一早出聲，食飯當日既3點先話無枱，仲要做冬周圍都full! 唔會再幫襯!

食物味道一般，價格可以接受，但衛生很差，經常看到餐具上沒洗淨的食物殘渣。工作人員的服務態度是我所見過的餐廳裡最差的！尤其櫃檯服務人員，脾氣很壞，態度惡劣，經常對客人發脾氣。

服務態度差 話比我地聽10:00冇優惠09:45比張點心紙職員 啲職員10:02先幫我地落單等成個鐘一樣野食都冇，仲要話3個字之嘛！水又唔沖，枱又唔執，態度又差，真係收得皮。一係炒人，一係執左佢啦！

原本滿心期待想點奶皇流沙包做依餐茶結尾。外表已經唔靚。蒸到有水印。點知一夾起一開為二。點解黑色嫁❨流沙芝麻包❩。。。。原來我點錯野。。。當試新野啦點知超難食再望吓張點心紙。咁大間酒樓居然無奶皇包。。炒腸粉。鳳爪。。。好睇唔好食。兩樣都好粉

先唔覺食物，叫人落單夠膽話要我寫曬全名，唔係連單都唔落，唔做生意就不如汁左佢啦反而所謂低級既仲會做下野，落張單都玩左半個鐘，仲要又返轉頭乜都話冇，又話經濟差，個個都唔想做咁！

今晚阿輝哥生日，一大班人出去慶祝生日，成班屯門人去富臨開餐啦喂！呢間富臨出名無乜人，唔使book位都可以入得！因為我地有BB車，侍應比左個方便出入既位我地！菠蘿生炒骨: 生炒骨數量多，味重，酸酸甜甜咁，但炸粉多，食到既肉相對少。木桶鼓油雞: 明明之前食過，$1一隻，宜家要$18一隻，18倍！但不得不讚，每件雞相當有豉油味，咸度適中，豉油唔會偏咸，而每件雞都啖啖肉，肉質好滑，食落味道同走地雞好相似！蟲草花浸翡翠苗: 個湯比較寡，無乜味，蟲草花浸得唔夠林，都係有少少硬身，又唔爽口。翡翠苗份量多，不過不失。豉汁蒸白鱔: 白鱔太細舊，無乜肉，咬兩啖就無了，Sad...但鱔肉尚算幾脆，肉味鮮，唔知係咪新鮮鱔魚呢？伴碟豉汁味算幾重，加返兩分咁啦！大良雙皮奶: 呢度既糖水真係真心好味同抵食！出色過好多糖水舖。我叫左大良雙皮奶，熱呼呼蒸起，貼心地外面仲有層保鮮紙包住！拆開保鮮紙，就聞到香濃奶味，雙皮奶做得幾企身，唔會一食就散開晒，甜度亦岩岩好。最重要係奶味夠重！好香好滑！唔係要收茶錢，加一，我實成日黎食糖水！不過提一提，呢度無free parking的，不過隔離都有停車場，$10一個鐘算合理吧！