富記美食堂 (已結業)

平時食開，繼續支持！錫紙蜆肉粉絲鍋係首選推介蜆肉夠多不再講，湯底先正，夠辣夠味，勁好飲，配上粉絲吸哂湯既精華再用錫紙焗住香味。。。正丫！諗起都留哂口水第二推介係富記酸辣粉每次有朋友講起酸辣粉我都淨係諗到依一間夠酸夠辣，配料又夠足個薯粉唔係街邊個隻鼻涕粉第三推介係手抓餅係香港要食到好食既手抓餅真係好難又少地方有得食呢到就有，仲有三隻款當中我最中意係紫菜肉鬆手抓餅入面有蛋有茄汁個餅唔係平時食果啲咁細塊係大塊啲，但都係賣$25總括價錢平食物味道超乎預期值得keep住幫襯

上次外賣試過錫紙肥牛湯飯（小辣），覺得唔錯，今次就試堂食錫紙肥牛粉絲煱，一樣叫（小辣），一樣都唔錯，粉絲比湯飯入味，所以辣味好出，無留意金菇係要另外比錢加，所以美中不足嗰粉絲煱。以做街坊食店來說，錫紙煱係賣點，份量剛剛好（以女生來說），價錢係合理嘅。

今天和室友一来这里吃了一顿。点的是最基础的酸辣粉。室友点的BB辣基本等于不辣，我点的是大辣最后发现是倒数第二档，最辣那档叫劲辣。点三份加菜送饮料，我选了巨峰，味道很奇特的饮料。加了肥牛，墨鱼丸和金针菇，都很新鲜好吃。本来以为香港这里饮食清淡不会做很辣，吃的时候发现还是辣得比较带劲的，我还另外加了醋，真的又酸又辣，非常好吃。坐的位置不太好，店面不大，食客很多。还和老板见了一面打了个招呼。还会再来，下回想尝尝这里的招牌。

近排聽到朋友話竹園有間好食既錫紙粉絲鍋，咁咪同朋友去試過究竟，去到見到已經排緊長龍，可能係dinner time 既關係，排隊果陣已經見到好多人叫招牌錫紙粉絲鍋，其次係富記酸辣粉，而且啲人拎外賣已經聞到果陣強烈既蒜辣香味。雖然頭先話好多人排晒隊，但都好快到我叫野食，我同朋友叫左個招牌錫紙肥牛粉絲鍋、涼拌牛拍葉、炸物拼盤、富記酸辣粉、涼拌冷麵，互相分享。以上咁多野食都好好食，但最正係錫紙肥牛粉絲鍋，個湯底真係冇得彈，我同啲朋友係爭住搶黎飲😂最後一滴都冇得剩。

樓下呢間辣野幾好食，之前去過紅磡食過一間都係錫紙鍋形式，但個價錢比較貴，而樓下依家呢一間，又近又平又好食！同埋佢哋岀單好快出到，大約2-5分鐘就有得拎，相比紅磡嗰間可能要三四個字先有得食。依間我比較推介就係錫紙蜆肉粉絲，另外有個錫紙湯飯都好特別同好食，最重要係個湯底，我自己覺得食咩湯麵都好，湯底一定係成個靈魂所在，而佢既湯底係好正，會飲上隱果種。基本上埋單都係$30-$50。住喺附近嘅朋友不妨一試，外賣apps都有依間野。

去到唔知食乜叫老闆娘幫我決定😍粉絲肥牛海鮮都係40幾蚊抵食性價比一流還會分開湯上!感覺這家店好像不用賺錢一樣還點了一個巨峰提子梳打都係$8已經幫襯過好幾次☺️

夜晚飲啤酒肚餓最岩就係食辣野，所以想推介下我平時樓下街市食開既<富記美食堂>，今日同朋友叫左個涼拌粉皮小辣，依個唔係成日都買到，夜晚經常賣哂，想食依個既朋友通常要早啲去到買定拎反屋企，因為係涼拌唔係熱食，所以可以放入雪櫃晏啲食。另我朋友仲叫左個錫紙鮮蝦粉絲鍋，我拎左一隻蝦黎食，啲蝦係好甜好鮮味，老闆話係每朝係隔離街市海鮮檔買，所以有一定保證。總括黎講，依間野啲價錢好平，老闆娘都好靚味道都好正，對我認知竹園美食黎講起碼頭三位

第一次同朋友黎到竹園呢邊食野 好耐無黎 ...估唔到多左個新市集🤩...自己好中意食粉絲 揾到間食粉絲鍋🤤未試過食呢d野 嗌左個肥牛錫紙粉絲鍋中辣..仲有涼拌冷面加金菇雞肉餸😬個肥牛粉絲鍋個味道好香好正😍個辣好夠味 本身都怕唔夠辣味 點知岩哂我口味🥰 個涼拌冷面我朋友都話好好食 啲餸又多好足料🤤估唔到係呢d市集食野價錢平民價得黎啲份量都好多👏🏻 無令到我失望😛重點係個老闆同老闆娘好好人好靚仔靚女😚又好傾又有禮貌👏🏻 見到呢間鋪仲有其他野食都好想試🤤但實在太飽食唔落...下次再黎食