富記燒味

营业中

休息中

呢樣嘢，依家起香港好少食得到啦！原因係乜？咪係驚膽固醇囉！呢度$30，值唔值？睇吓你鍾唔鍾意食，同埋睇吓你有幾想食啫！正所謂千金難買心頭好，想食嘅話，多多錢都可能覺得值，唔想食嘅話，貼埋錢畀你都唔想食，你話係唔係？相比呢個用蜜汁燒嘅做法，我更懷念用脆粉去炸嘅做法，甘香酥軟，回味無窮，可惜，以我所知唯一有做呢種做法嘅舖頭已經執笠，往事只能回味。講咗咁耐，大家估唔估到，或者知唔知道呢盒嘢係乜？答案係：燒雞膶

呢間嘅沙薑雞，我耐唔耐會買返屋企食，味道唔錯㗎$35半隻，$70全隻，呢度係半隻，而且睇住佢斬，無得呃。呢個價錢已經加咗價，之前係$35半隻，$68全隻。雖然話係沙薑雞，但佢無提供沙薑醬，只有薑蓉，而且食唔到沙薑味，雖然佢大大隻字寫係沙薑雞，雞呢樣嘢，好食就得啦，理得佢乜鬼嘢雞啫。。呢隻雞，即使凍食都好好食，啲肉好嫩好滑，無論當餸，或者餸啤酒或餐酒都好啱，我一個人可以食半隻，但咁嘅價錢，當然唔使望有雞味啦！

食到我成屋都屙，真係唔好貪平，污糟邋遢。平時見多人排以為好食，唔知原來觀塘人食開呢啲下欄野，嗰晚我地仲要問鄰居借廁所😡買完幾十蚊燒味分分鐘比幾百蚊睇醫生。講就講咗，唔信咪由你，自己睇路