富豪雪糕流動車

营业中

休息中

很多人都對「富豪雪糕」有一個情意結, 我想我也有一個這樣的結。在我對「富豪」有記憶已是中學時期的事, 那時候, 放學常見到他的蹤影。有時候, 會買上一杯吃, 但又有時候沒有零用錢, 而望著別人吃。人漸大了, 不知是從誰的口中第一次聽到, 「富豪」雪糕有很多細菌。隨後, 也聽過不少人, 也是這樣說, 漸漸地, 就不會每次見到都有想買來解饞的衝動。雖然偶然見到會買一次, 但次數真的變少了很多。今天是聖誕節假期最後一天, 跟肥膏見到有「富豪」車, 不知怎地, 有回了以往的衝動。不怕有沒菌, 排隊就對。香滑軟雪糕 HKD 10.00中學時期, 6蚊一杯, 當時的我是覺得超貴的。現在變成10蚊一杯, 不能說貴, 只能說是值得了。一杯小小的軟雪糕, 看似平凡, 但是那好滋味一試難忘。雪糕很軟滑, 那是一種入口即溶, 齒頰留香。他有一種特別的奶香, 好幼滑細膩的口感。

香港地道美食同埋傳統小食，點可以唔提，點少得我地香港人嘅兒時回憶「富豪雪糕車」。就算而家大個咗，每次行過都會忍唔住去買，就係唔知點解有種魔力，對佢情有獨鍾。發覺佢哋唔同地方價錢會有少少唔同，軟雪糕天星碼頭嗰度就＄13海港城前面果條馬路近街市就＄10。小時候每次經過富豪雪糕車都會好想食長大後 雪糕車卻越來越少見了軟雪糕比麥當勞香滑同軟，無麥當勞咁油膩，同埋個雪糕筒好趣。解釋唔到嘅好味，就係有種情意結。

兒時回憶點會少得雪榚車，就算而家雪榚多咗好多選擇，用料又靚咗，每次見到雪榚車都忍不住食一杯，保持藍白紅色調，而家唔會播音樂，已經發展到八達通比錢，價錢亦矜貴了！香滑軟雪榚（$10）唔夠大杯，餅乾脆筒好香脆，軟雪榚軟滑，不過牛奶唔夠香，味道微甜好味！珍寶橙冰（$8）大大杯，橙色太鮮豔，顏色比較假，食落冰感重，比較硬所以幾難𢳂，味道又太甜！整體一般！叔叔店員一腳踢，唧雪榚爽手，不過比較木口木面！兒時甜美回憶

I haven't had this ice cream for such a long time. I am still surprised when I realised they were still using the famous and classic "Blue Danube" melody to attract people. A few Hong Kong dollars was worth the happiness. Great texture and creamy flavour.

行行下想食雪糕，跟住係等朋友時忍唔住要食啦，香脆雪糕筒加輕輕奶味雪糕，正。$10唔貴啦，富豪雪糕唯一缺點係好快溶要趕頭趕命食，不過論口感呢就其實名牌雪糕哈根大師都無咁幼滑。

肥髀好喜歡食雪榚，今日年初二行大運，在街邊見到雪榚車當然唔放過，保持懷舊紅白藍色外觀，去到已經要排隊，一個叔叔在唧雪榚，細個我都喜歡食，不過而家嘅價錢已經$10一杯，講真一啲唔相宜！軟雪榚（$10）望落比以前細杯，而且好易溶，個雪榚尖一啲都唔高，一啲都唔挺！連肥髀都好失望！不停話點解咁細杯！雪榚奶白色，牛奶味唔強，無蘇味，微甜幾滑，餅乾脆筒好脆，味道唔錯！講真味道一般，以呢個價錢唔值！回憶總是童年的好！

小時候每次經過富豪雪糕車都會好想食長大後 雪糕車卻越來越少見了有天夜晚食晚飯後剛好經過尖沙咀，看到有富豪雪糕車，立刻跑了過去排隊！軟雪糕比麥當勞的軟一點，但沒麥當勞那般油膩~雪糕筒比麥當勞好很多! 是好味的餅！好正好便宜的飯後甜品～

每次去到尖沙咀海旁都會見到雪糕車🍦童年嘅回憶就湧哂上黎💭不禁要買返支雪糕回味一下！😌 雪糕好幼滑creamy，帶香濃嘅奶味🙂甜而不膩，能夠保持一貫嘅水準😊雪糕筒都算系脆身，有啲似脆身嘅窩夫！同雪糕味道真系好夾😀嘆住雪糕🍦望住香港呢片咁靚嘅景色🏙好幸福

每次嚟天星碼頭附近都會幫襯富豪雪糕車。然後嚟點翻份呢度嘅軟冰淇淋雪糕過下隱，就會覺得好似翻到以前TVB電視劇入面嘅場景咁，好有feel啊！！！系呢度先可以搵翻少少懷舊情懷。呢度嘅軟雪糕牛奶味好濃郁，簡直系入口即化吖~~！！！蛋筒都好鬆脆，冰淇淋雪糕加一隻蛋筒都只系9蚊~~~真系好抵食！！！特別系宜家天氣咁熱，嚟翻一支就啱曬啦~~！！開車賣雪糕嘅系阿叔嚟嘅，態度ok..只要一遇到佢嘅雪糕車，一定要嚟翻支，點食都唔厭吖！！！~~

小時候媽媽從不買雪糕車的雪糕給我吃。有一次我在婆婆家，聽到樓下有專屬雪糕車的音樂（我婆婆住唐一樓哈哈），突然叔叔問我要不要吃雪糕，我便吃到了自有意識以來第一枝雪糕車的軟雪糕。從此我對雪糕車的軟雪糕有情意結，因每次吃雪糕這個童年回憶便在腦海中湧現。我不喜歡香草味雪糕，唯獨雪糕車出品的香滑軟雪糕例外，軟雪糕很香很滑，很重奶味，不會太甜，而且雪糕筒十分脆口！而且我認為這架雪糕車是香港特式之一，故十分推薦訪港旅客要一嘗雪糕車的軟雪糕！

今日返風真係好凍，練完歌用左好多力氣，經過鐘樓聽到熟悉嘅聲音，幾凍都想買返杯9蚊，越來越貴，師傅好似知我行緊過黎 早就預備好，只係等我嘟卡味道還是那樣，香滑奶味，軟過綿花嘅幼滑感，香雪雪嘅上身，像托著白雪嘅下身，啡色脆筒，實正，層次好厚，強烈嘅對比。Cone 5係好大個，但會令你得到一時3刻嘅滿足

現在的人，都是習慣了吃麥當勞，雪糕店，哈根達斯~~你還曾記得兒時的味道，雪糕車。記得以前很小的時候，我哥哥經常偷偷拿我的豬仔錢罐裡面的錢去買雪糕。然後也買給我吃。一直以為我都以為是他請我吃的，很開心。但是後來一次新年的時候，我才發現我的豬仔錢罐的錢都沒有了，才知道都是用我的錢來買給我吃，哭了很久。但是吃雪糕的時候還是很開心。忘记了上一次吃雪糕车什么时候。这个星期，竟然又撞见了雪糕车，熟悉的音乐。不知道为什么，有种热泪盈眶的感觉。还是熟悉的味道。还是很脆皮，奶油很滑，很甜，加上有點冷，別有一番風味。吃的不是味道，可能就真的是自己儿时的情怀。

係香港，富豪雪糕車真係變唔一道獨特嘅風景線，不過呢，想要遇到雪糕車都係要講運氣，啱好同朋友係尖沙咀行街就撞倒，好lucky！紅白色嘅雪糕車一陣間都已圍住好多人係度買，即使係冬天都阻唔到我地食雪糕嘅心吖，因為天氣問題，為咗我嘅胃著想，我鄭係買咗一隻基本的軟雪糕，如果係天氣好D,我起碼要食兩隻，呢種雪糕我細個果陣都食咗唔少，比K記嘅好食，很滑很滑，牛奶味也很濃，一舔就知道係記憶中嘅味道，真係咁多年都未變過，個雪糕筒都好正，每次食到個筒果陣都會好唔捨得，因為就要食完了，個雪糕筒有D華夫餅嘅味道，香香脆脆的，既解了雪糕的油膩冰涼感，又留下了自己獨有的焦香味，令人難忘吖！

有時我會覺得自己好無聊，所以會一個人出去兜兜轉轉，呢度睇睇，過度望望，今日就有緣撞到富豪流動車。富豪流動車的價錢不會很貴，相比啲店我覺得已經好平喇，啦啦霖買翻個，雖然氣氛都唔系好適合食雪糕，不過富豪流動車嘅味道還是不錯的，白色的雪糕膏體好軟滑咯，入口都系濃濃嘅果香味，一時之間竟然想不起這是什麼偉大，而且雪糕週邊嘅好似朱古力咁嘅一層都好脆口，幾驚我食的慢就會融曬。食得時候唔覺得凍，不過到我食完之後就覺真系凍吖，各位朋友千其唔好學我吖。另外，服務態度不錯，很有耐心，同我介紹咗幾多。

相約朋友到尖沙咀文化中心看音樂劇後，途經海旁兒時回憶雪糕車呀。通常我都會食香滑軟雪糕，今晚又想試其他雪糕。我就點了甜筒試一下，叔叔沒有告訴我選擇！給了我蜜瓜的味道。包裝紙頗懷舊還有雪糕車的品牌，一打開微微花生在中間濃烈蜜瓜味道略為徧甜不過好味道。唯一不足是甜筒皮不脆還有偏軟的感覺。甜筒底部通常比較多朱古力，這個卻很少感覺頗健康呢？