富軒 (寶達商場)

营业中

休息中

收到通知，提前慶祝父親節，要上寶達晚餐。以前是酒樓，變了新名字。平日晚市，大量座位。點了特價及孖寶組合，一湯一肉，應該足吧！冬瓜豆卜班頭腩煲    班腩大舊肉，外層包粉不太厚，肉質很實在。富軒脆皮燒雞   雞皮夠脆，雞胸肉依然滑滑不乾柴。陳皮柚子一字骨    柚子醬柚子肉跟豬骨拌在一起，豬肉肥瘦夾雜，肉質滑滑無得輸。金湯瑤柱節瓜甫  瑤柱碎碎灑在節瓜上，淋上金湯。瑤柱碎容易咬，節瓜軟綿綿，無需牙力都可以享用。 金湯味濃，配淡味的節瓜，整體很和諧 。豉油皇煎海蝦  無食到海皇冬瓜盅  提前預訂有優惠～孖八！抵左！半邊冬瓜，有蝦有蟹柳帶子几片，配料普通，但要燉煮冬瓜需要很長時間，同時也需要大燉盅，88個大洋，合理。金啡色湯底鮮甜，就連抗拒中湯的小米，也添了多碗冬瓜湯呢！餐後奉送紅豆沙，做完美的句號。@茶位14蚊

我好聲好氣問個侍應拎壺茶，佢話等陣啦，你入返去坐先啦，d態度已經衰嫁啦，坐低無幾耐入嚟問你要咩，我話我問你拎壺茶姐，洗唔洗咁既態度，佢話我係到催催催，簡直係貼錢買難受

蒸東星無特別，一般酒樓水準。砂窩雲吞雞有陣明顯油益味，一道簡單菜式可以做到呢個水平，我相信廚房管理層應該未盡全力。受咗教訓了，酒樓孖寶都不是信心保證。剩菜價468

食咗幾次下午茶都keep到好嘅水準呢個廚房唔錯食物唔鹹又熱辣辣重點係價錢合理下午茶時間仲好平孖寶35.8兩個點心真係抵食特別推薦佢嘅燒賣同薑汁紅棗糕可以當平時嘅飯堂來多d繼續keep住呢個水準👍👍💪💪

原位置那間倒閉後換了這一間，雖然開業有一段時間，不過我都是近排才去幫襯。嘗試了早茶時段及下午茶時段，暫時未遇到黑面的員工，叫嗰啲姐姐都會好快應你，感覺服務算是不錯。推介雪山叉燒包，和金錢肚，無論口感、味道、賣相、用料都感覺很好。點心都是即叫即蒸，不是預製菜，是一間很不錯的屋邨酒家。而且整體感覺上比附近秀茂坪商場那一間半島阿翁火鍋酒家好很多。唯一要改善的可能就是茶杯有油漬，倒茶之後會發現茶面有不少油漬，無論你倒了多少次都總有一些殘留🥲，也許需要加強一下餐具的清潔力度。第一次去沒有拍照，在此貢獻一下第二次的食物照片。

一開始有員工打錯單，搞到係咁攞左我地啲食物去人地度俾人噴完口水先拎返俾我地，然後瘋狂重複每碟餸都係咁枝俾人噴完口水先俾我地，用紅筆改好張單俾佢都可以同幾個錯錯成幾十次，拎餸又係錯成幾十次，冇一次岩嘅，次之都錯嘅，冇人肯改過，冇人肯道歉，冇人肯賠償，一直由頭錯到落最尾。最後只係俾個9折但冇道歉冇賠償。迫人每碟食物都食陌生人口水尾，改單改幾十次都錯相同嘅幾個錯處，每個職員做錯嘢都冇人會道歉，冇人會賠償。啲腸粉同烏冬又有好大陣臭味完全食唔到直接掉左佢，冇扣到錢。又要俾人迫我地成餐食陌生人口水尾，又要俾人迫我地俾唔應該俾嘅錢，又要唔肯道歉唔肯改過，一直由頭錯到落尾，搞到我中間開始勁嬲，嬲到肚同喉嚨勁痛 ! 呢啲咁差嘅餐廳真係要永久blacklist ! 唔信我嘅，後悔果個係你。

最近新開既街坊酒樓環境靚左 酒樓人流都多應對都比較忙 不過呢到職員都盡心幫助且有禮貌同家人飲茶🫖 點心款式選擇都算多最欣賞咖哩蒸土魷 好爽滑 份量多流心奶皇包就一啲都唔流心😅 但有舊式味道咸水角無影🥟外皮咬落好硬燒味都幾出色 無影到 食左豬腩仔同叉燒～叉燒係半肥瘦的 帶油香准山雞札幾特別 材料唔錯 👍🏻用魚肚 蟹柳 瑤柱蛋白炒飯好有獲氣 飯粒粒分明 味道夠➡️推薦價錢中價 味道大部分都可以整體味道性價比都乎合可以再返黎一戰