富都餐廳 (已結業)

星期日的下午，去到元朗，先是吃一吃早餐，再行下古蹟不過因為等某人的關係，已經是1點了...幸好都有早餐食。吃了蒜味多士，真的不錯，香脆可口，而且是熱的。蛋和薯餅就不多說了，因為沒有特別。鮮茄螺絲粉就比較出色，茄味濃，又多材料，有肉碎又有菜，真的不錯。奶茶算是香滑，茶味仍濃，不過就是貴了一點。

其實呢間店末搬前我都光顧過.今次.首先說服務.例牌我不會講好壞.讀者自己感受.因為好壞是主觀的.環境是大,而且新坐卡位舒適度當然足夠.但坐低.叫店員落單.一個.二個,三個都當看不到.後來收銀幫我叫店員...店員來到我在右邊.店員望著左邊,仲同另一人傾計.我不理會.照講.店員好叻.一心兩用都可以.而且無落錯單.早餐選擇很多.普通茶記ABC餐.車仔麵.扒餐,粥.漢堡飽也有.任君選擇.但在呢個範圍算貴.要24元..凍飲加2元..凍檸茶:我選了少甜.但從顏色看,已知茶味欠決.味道同水無異,而檸檬又薄又少,酸度當然不足.火腿同蛋.其實都微暖.是放左一段時間才上枱,我只可以說蛋黃尚算香甜的.沙爹牛肉通;湯同是微暖的.通粉更是溶溶爛爛的.而牛肉林.化學得嚴重.沙爹味.亦不辣也不香,品質也一般.吃完埋單.又變左收銀枱無人.客人不耐煩.放下錢就走.26元.我覺得呢個範圍比它好的茶記很多.根本沒有重回的理由.

富都的早餐、午餐、下午茶、晚餐同宵夜餐都吃過了，其實任何時段都價錢相約，而且坐滿人，寫埋今次應該可以停一停。早餐不外乎都係港式同中式之分，所謂的西式早餐都係十分港式，價錢廿幾至三十幾左右。牛扒太陽蛋香腸配上繪汁，餐包賣哂自動轉為牛油方包。牛扒幾入味但又無蓋過本身的牛味，好吃。吉列魚柳煙肉反蛋餐包，魚柳炸粉略微厚了點，煙肉也炸得很硬，早餐來説好像太熱氣了。煙肉反蛋牛油方包配火腿絲通粉，煙肉也是炸得很硬，通粉幾好，不是味精湯。餐肉太陽蛋餐包配沙爹牛通，餐肉厚切，不錯，沙爹汁好味，份量唔細。餐飲要了凍央走甜，熱奶茶，熱華田。上次少甜都係超甜，今次杯凍央走甜ok喎，一樣好滑。奶茶又係好滑，保持水準。華田幾濃，唔錯。第二日，唔得閒食早餐但又黎左食午餐，第一次叫中式炒野，叫左鹹魚鷄絲火腿炒飯。粒粒飯幾香口，鷄絲火腿都幾多，可惜食完全碟只吃到一粒小小的鹹魚，有點貨不對辦。整體來講，富都的出品還不錯，有大電視又好坐立，還會再來。

連續幾天假，都來了富都吃，這裏已變成我家飯堂了，先來寫午餐及下午茶吧。午餐三十二蚊，假日三十四蚊，合理啦。原來午餐的白湯是沒有麵包糠的，算了，幾好飲，夠熱就不錯了。黑椒豬扒意粉，茄汁炒底的意粉很好吃，豬扒很大塊，也很juicy，不錯！泰式豬脛肉蔥花炒蛋飯，呢個出事了。第一份餐黎到沒了蔥花，問侍應，侍應話應該係蛋入面，於是撩開裏面，都係無，侍應一副百般不願意嘅樣拎去換左。再來，這次總算是貨對辦了，甜酸汁配上飯味道很怪異，不夾不好吃。餐飲凍奶茶已叫小甜，但還是很甜……第二日來了吃下午茶，叫了吉列豬扒沙律配熱檸檬茶。熱喇喇配上凍的沙律不錯，沙律都是雜果為主，很甜。哈哈，賣相幾靚。廿九元算係幾平了，加上呢道啲位闊落，幾好坐立，會常來的。

上次黎食過午餐覺得唔錯，今次食晚餐，發覺有宵夜餐，平少少又唔使咁大份量幾好喎。紅湯白湯，幾好味，咁夜都無溝浠。咖喱牛肉飯，咖喱好香香料味，仲有椰奶味，唔錯。臺式肉躁煎蛋飯，超大碗，可惜肉躁完全唔係個回事，乾巴巴的。另外叫了咖喱牛腩飯，唔係宵夜晚餐嘅咖喱仲大兜，一樣好香，正。焗雙腸豬扒飯配咖喱汁，哈哈今晚大家都想食咖喱咁喎，熱喇喇好味。餐飲叫左熱檸檬茶，凍奶茶，凍央。幾好。宵夜晚餐有餐湯，主菜同餐飲。而普通平時嘅晚飯都配餐飲，價錢差唔多，除各人食量自己選擇吧。

樓下食肆如雲，最近又開了兩間，富都是其中之一。　首訪已是7月中的事，那時爸爸出trip到大馬，只得媽媽一個帶著寶寶，一個晚上自己來了吃頓early dinner。其實餐廳有2級樓梯，不過新開時職員特別熱心助人，主動幫媽媽搬那兩級梯級，很窩心，加上新開環境始終較企理，帶寶寶來也安心。那晚點了一份晚餐，有中湯或西湯可揀，西湯是魚翅金寶忌廉湯，感覺比一般例湯有誠意，而湯中的麵包粒也增添了口感。吃豬吃蛋吃上了癮，媽媽點了日式豬扒雙蛋飯($34)。雖然豬扒肉質不及開心小敘的豐腴鬆化美味，卻勝在份量夠大，共有件半吃得十分飽足；而雙蛋又煎得外脆內流心，蛋汁流進熱暖米飯中，整體味道不錯呢!當天熱壞了，難得的要了杯凍檸茶(+$2)，少冰，水準可以。首訪印象不錯，之後又一次獨個去吃了頓下午茶，選點了豬扒包($24)，配上熱奶茶。豬扒包用上鬆化的豬仔包來製作，口感超好，而且豬扒包中還加了適量新鮮洋蔥，特別甜美，挺好吃。但更驚喜是那又香又滑，甘醇馥郁的熱奶茶，飲在口中感動味蕾，水準之高令人驚艷，之後為它又吃了幾次早餐!來吃早餐當然例必點高質味美的熱奶茶，其實上，兩口子還順便試了凍奶茶，不過甜度調得不準，太過了