寶島茶居 (已結業)

同老公黎過呢度兩次, 兩次都係食手撕雞米線! d湯好濃好味道, d手撕雞都好入味, 仲有可以叫一杯野飲, 都係果d台式飲品啦, $30, ok 啦, 唔係話貴既, 出去食一碗咁多雞絲既米線同加多杯茉香奶茶, 都差不多呢個價, 所以我覺得係正常既, 最緊要食得開心! 成日都心思思再同老公又去食!! haha

平時成日行過呢度聽聞佢既手撕雞好食琴日中午出開旺角又黎試下叫左手撕雞米線餐($30)同鹵肉米線餐($35)餐飲跟左荔枝綠茶同青蘋果綠茶手撕雞米線～手撕雞撕得好碎但份量好多,成個碗面都係,但食一啖已經覺得太鹹,朋友仔話食一啖感覺好粉! 之前食評勁讚既蒜泥醬本來唔錯,但又係太鹹, 或者因為早幾日食過好麵線o個個, 有比較呢個差好多! 米線反而幾好,唔太淋同硬,碗底亦舖有菜,呢點做得唔錯!鹵肉米線餐～朋友仔以為係肉碎o個種先叫,一上檯時已經好失望, 鹵肉有三大件分開上, 試左一啖覺得唔夠入味又有d韌,個人唔太鍾意!!荔枝綠茶～姐姐仔話係果汁加綠茶溝既,但個人覺得唔似,係加左糖水, 叫左少甜仍然好甜,一般o者!青蘋果綠茶～試左啖覺得有少少苦味, 唔太good!服務亦麻麻朋友仔想要杯熱水但都要問左兩次仲要等左好耐先有野食又唔係咁正以lunch黎講又偏貴一定無下次!!!!

同朋友們都係食d 午市特價套餐,即係1樣野+1杯野特飲~~~叫左個蕃茄汁雞扒飯,酸甜點恰當,冇骨,碗飯亦都夠大~~~~~杯野飲,我唔記得左係咩,總之就有保證啦.......好可惜,有個fd ge野食上錯野,佢地話:"幫你啦,1分鐘!"個fd唔洗,後黎我地催野飲,佢又話:"好,1分鐘!"之後5分鐘先黎,講真,你一係就真係1分鐘,一係就唔好下巴輕輕.........

我次次到這裡都叫手撕雞米線,好好味,價錢又抵.不過煙左少少,因為d位太接近.對於唔食煙的客人來說會不太適應.

手撕雞米線好味但有味精，嗰pat 蒜蓉好惹味，可說是精華！但今次想講講個服務態度。個老闆娘好唔掂，又串又惡，一D笑容都無。仲有，嗰日去食lunch，話明午市套餐，梗係收午市ge price lar，但佢竟然收多3蚊，咁就問佢啦，佢話十二時後入座先係午市ge price ；但好明顯我哋係十二時後入座啦，之後佢極唔情願咁俾番$3我哋！今時今日咁嘅服務態度！有無攪錯！

次次黎親呢度都係食手撕雞米線又大碗又好味=p 通常都會叫佢另外俾d 蒜蓉我地既~不過有少少批評既就係佢d 野飲愈黎愈細杯個杯已經唔係大架啦...而家仲要斟唔滿既=.="飲兩啖就飲完了...原來大杯番d 我會食得更開心的=p

見到咁多網友都推介呢個手撕雞米線, 所以就好有期望咁走入去試一試, 點知出黎既效果比期望還高!手撕雞既味道屬上級, 對食慣清淡既朋友黎講可能偏鹹, 但自己食慣鹹, 所以覺得幾好味, 如果同米線加湯一齊食更加係一絕~ 心諗: "唔知有無散叫既手撕雞小食呢?" 米線面頭仲有一小羹蒜蓉+冬菜醬, 味道都幾好, 但手撕雞既味道已經好足夠, 點唔點埋呢隻醬就悉隨尊便.湯底同米線都屬中上級, 並互相配合得唔錯.不過, 如果你係唔食煙既話, 就真係唔好堂食, 因為呢度十檯有十檯都係食煙既(我係第十一檯......), D 煙味仲勁過酒吧, 搞到就算有美食當前, 都唔可以慢慢享受, 要急急食, 急急走......服務方面, 就屬一般, 不過就算無煙味, 呢間食店都唔係幾好坐, 又逼, D 凳又唔好坐... 可能真係外賣會happy D...

手撕雞米線係好味, 但味精多到你唔信, 口渴到死~野飲又真係唔好飲鮮茄雞扖飯d汁好味, 但好假, 又好紅, 色素多到你唔信好難可以見到有茄~一句講晒, 好味的化學調味品

最正係手撕雞米線~大件夾低食,d嘢飲又正wo~不過雞神米線就冇咁好食,d雞神好硬~整體都ok

同個朋友仔行開旺角..記起好多人推介個手撕雞米線...一坐低...諗都唔諗就同朋友一人ORDER一碗....再加杯珍珠奶茶...個米線幾正.....D 雞咸O左D...不過加埋D 湯一齊食就O岩O岩好....清清地.....唔錯!!!個珍珠奶茶都幾好....D珍珠夠"淋"......$3X 蚊食一個米線+杯珍珠奶茶都幾抵!!! ^^有機會會再去食過!! ^^

1. 手撕雞米線﹕湯底味道似是魚湯，飲後沒有口喝。雞絲帶咸，配上米線後味道不錯。2. 珍珠奶茶﹕OK。整體上食物不差，但又不至超正。

手撕雞米線勁正! 味香湯濃! 在手撕雞上仲有一小堆秘製蒜蓉醬! 超級惹味!佢哋 ge 果茶都好好味ga!

廿幾蚊食到足料,香噴噴的手撕雞米線實在物超所值, 雞絲又多又嫩,加上秘製麻油及蒜蓉,真係無得頂...

行開呢度記得呢度既手撕雞米線好食,就坐低叫左一碗~碗野好大,好多手撕雞係面,但係賣相好似冇乜味咁...但係一食~嘩,好味~不過我嫌佢鹹左少少...杯檸檬紅茶好難飲...似怪味檸檬乳酸多d...

呢度最好味真係手撕雞米線...次次黎到都只係會食呢樣...座位好逼之餘亦希望店主正視一下衛生問題....如果唔係再好味都唔會有人幫襯架啦.....