寶膳餐廳

营业中

休息中

今日生日難得放假諗住近近地係附近食午餐就算數三人行叫了三個午餐兩個牛排，一個焗飯，價錢中等但食物質素欠佳叫左五成就俾左個八成熟都算啦員工服務態度有問題未食完就開始催促埋單，仲要多次要求盡快埋單完全唔掂

與朋友試試這一家西餐，我們進去的時候，時間大概是七點，餐廳沒有滿座。一開始侍應安排我們到偏一點的座位，不過我們要求坐中間一點，他們也答應了。前菜來了，那個蒜蓉包很脆，上面的牛油分佈得很均勻，沒有出現之前吃西餐的時候，蒜蓉包有一部分很乾沒有牛油在上面的情況。我們也叫了西冷牛排，我叫的是七成熟，牛排煮的很準確，是七成熟，整體來說是外脆內軟，然后肉汁也有鎖在裏面。那份薯條的話，就有點單調，因為沒有其他醬汁，不過總體來說，這家很不錯。

因工作地點關係 嚟嚟去去食飯地點都係附近或香港仔今日一於去下人煙比較小啲啲既鴨脷洲知道有間西餐廳性價比唔錯, 一早訂咗枱有幾次試過冇訂位, 真係連WALK IN都唔得平民扒房果然非浪得虛名!😀👍🏻今次冇叫西冷牛扒, 轉食豬柳條. 豬柳有時處理得差都會好韌, 睇下佢功架如何先蕃茄洋蔥燴豬柳條💲68 配薯菜個汁好開心, 酸酸甜甜豬柳條望落去以為好乾好柴, 點知原來好腍身, 而且切開變成一口豬咁,好好食. 不過薯條有點遜色, 夠熱會可惜唔夠脆, 初初以為一條半條原來全部都係偏淋, 鍾意食淋薯條既人應該會被征服! 因為其實佢個味道調得不俗!不過以呢個價錢嚟講, 食物配合環境同服務, 其實都已經好抵食!好食度😋😋😋😋

已經幫襯過幾次，每次食牛扒都覺得好好食！無論係肉眼定T骨（睇你好唔好彩！）都好，都有陣好香嘅炭燒味！肉質都好鮮嫩，唔鞋口。另外都有一個鑲芝士巴馬火腿雞肶，估佢唔好咁好味！啲食材好2似好普通咁，但廚師應該用左好多心機去做好每道菜比客人！小店每個員工都好有禮貌，我帶小朋友去都好方便！最好都係打電話去訂左枱先，咁就唔使企喺街等喇。💕另外值得一提係如果食夠$2000就可以成為VIP，到時食物價錢會平少少。

估唔到係鴨脷州大街竟然有一間咁高質數既扒房! 餐廳既位置就係鴨脷州大街, 一出地鐵站行兩分鐘就到, 非常方便。Lunch set 既選擇有好多, 而且價錢相當合理. 今次就選擇左呢個香煎雞扒伴豬扒首先個雞扒煎得好香, 而且一咬落去好多肉汁好juicy. 而個豬扒既口感都好好, 唔會太厚或者太韌. 味道方面無論係兩塊扒定係個汁都調較得岩岩好, 唔會太咸或者太淡. 整體黎講絕對係一個高性價比既選擇!!

本新去鴨脷洲大街想食泰國野，但咁岩冇開就去左呢間西餐廳。炭燒紐西蘭草飼西冷扒: 牛扒size幾大，望落賣相好吸引，一放低聞到好香炭燒味。生熟適中，砌開係粉紅色既仲有好多肉汁流出黎。一咬落去真係覺得超好食，牛味好重，肉質有咬口唔會韌，最重要係好juicy鎖到肉汁。配埋燒汁食更加好味，我個人仲會點少少茄汁。除左牛扒好食，配菜都冇馬虎。蕃茄同西蘭花都煎得好香，調味岩岩好，食落覺得非常清新。最令我驚喜既係佢既咖啡，飲落好香，完全唔係平時嗰啲即溶咖啡。平時出去食呢個質素既牛扒肯定過$200，真心覺得呢間扒房好抵食！

員工成日喺客人未食哂，就冇講聲就收起仲有食物或客人仲食緊嘅碟！搞到我仔食緊冇碟墊住，令咬開緊嘅食物跌落枱，冇左張碟！收碟都應該問聲客人要唔要吖！上次我評呢間野冇理出面排隊客人入座次序，登左OpenRice 又突然被delete ! 咁唔接受意見就咪加入openrice 啦！

鴨脷洲大街一向都臥虎藏龍，有好多好好食既餐廳。今晚去左一向好中意食既扒房，好彩有訂位，門口有好多人等緊。燒紐西蘭西冷牛扒: 牛扒份量好大份，切開好多肉汁流出黎，對牛扒生熟程度拿捏得好好，係真係做到我想要既5成熟，又唔會覺得好生。配埋燒汁食更加好味，或者點少少茄汁。配菜都煎得好香，薯仔係爽嗰種，仲有西蘭花同蕃茄。鴨胸凱撒沙律: 菜好新鮮好爽，沙律醬酸酸甜甜特別開胃。加左少少芝士粉同麵包糠味道更豐富。鴨胸都好食，件數又多。佢既湯同咖啡都好飲，如果食得多啲既朋友可以叫set。價錢好合理，性價比好高。

夏天將至，天氣越來越熱，無咩胃口最好就係食沙律，呢間個燒雞扒沙律好好食，沙律雜菜多款又新鮮，配上油醋汁，酸酸甜甜好開胃，雞扒燒得香但唔乾，啱哂長期減肥嘅我。若不喜歡油醋汁，可選擇日式芝麻醬，一樣好味

白色情人節，由於病後不久所以選擇在家附近吃個晚餐。搜索後找到這家就來試下。平日夜晚比想像中多人，沒有訂座幸好有位。由於這陣子要戒牛，看過晚餐套餐我們決定了吃豬鞍和駝鳥扒，駝鳥扒不是很常見的食品，所以有點期待。餐湯選了意大利雜菜湯，沒太大特別。蒜容包好香好好味豬鞍意粉，豬肉爽口，很喜歡意粉有點遜色，應該沒下橄欖油的緣故，有點覺得不夠香整體是不錯的炭燒駝鳥扒看上去像牛肉，肉質不是豬鞍的爽口但有點煙韌，而且份量也不少，很回味吃飽飽我倆喝杯咖啡，普通。奶是冷冷的，假如能細心一點把奶稍微弄暖，會更好。套餐加了9元加了這個麵包布甸，一向愛吃，吃一個感覺很不夠！

今日睇完個女表演，大家都肚仔餓，突然想起好耐冇幫襯大街呢間西餐，所以就走去睇下有冇位，好彩行到門口唔駛等。三個人坐底，睇一睇個 Lunch Menu，老婆即時點咗個七成熟西冷牛扒餐，因為有愛女最鐘意食既粗薯條。而飲品方面，因為係星期日，所以一係要餐湯，一係要餐茶，最終我地都係叫左兩杯餐茶，而小弟就叫咗個焗雜菌飯。等咗十幾分鐘，終於有得食，個西冷扒賣相都唔錯，出晒煙夠熱，放入口口感唔錯，味道都非常好，作為 Lunch Menu 既扒餐，呢個真係唔錯。沙律賣相都好吸引，食落口味道啱啱好。最後到我個焗雜菌飯，賣相都唔錯，夠熱，味道都唔錯，可能我今日肚餓啦，飯少啲，所以覺得唔係幾夠飽。地方方面，坐落都舒服既，望一望牆上面個 Dinner Menu，一個肉眼扒餐二百幾，算合理，有機會真係會再黎試下晚餐食扒，相信水準唔錯。

南港島綫通車後，真的喜歡來到這相對少人的小區，由於夜走的關係，食埋dinner先歸家吧！太肚餓，蒜蓉多士同蘑菇忌廉湯食完都唔記得影相，不過就記得多士熱辣辣好脆好好味，忌廉湯都好味道老公食呢個炭燒西冷，真係有炭燒味，五成的西冷切開無乜血水以為會熟過龍，但食落好林，好好味喎我就叫左個carbonara, 黎到覺得唔夠"白汁", 但食落又出奇好味，黑椒同醬汁的份量啱啱好，食落唔覺得好漏，好快又俾我地清碟以上價錢只係單價，我地要加$28先有埋多士餐湯同野飲，不過以士多同湯的質素我覺得呢$28好抵俾有機會再黎食啦

開左港島南區線，放工搭地鐵一出行2分鐘就到，真係好方便！餐廳環境好有氣氛，啱晒一班朋友gathering/飲杯嘢傾下計。 大蒜忌廉湯： 味道中上，湯夠濃厚，唯大蒜味不足，所以沒太大驚喜。蒜蓉包夠熱，蒜香夠，脆而不硬，個人喜歡這種。當晚點了兩樣Main course: 德國脆皮咸豬手和炭燒美國安格斯肉眼扒。 先說德國脆皮咸豬手：和我在德國旅行時食到嘅係有得比，個人覺得較好，因為唔似德國食到嘅比較偏咸。外脆內軟，肉質中上，夠嫩口。 另外，伴碟嘅酸菜都沒有幾次食到的過酸， 口味較舒服。 另外，waitress 有serve芥末，嚟度用嘅芥末偏重，鍾意食嘅都唔好落太多，會搶咗肉味。 食咸豬手點可以唔配啤酒😂選擇唔少，我選擇咗嚟隻夠香濃!第二道主菜： 炭燒安格斯肉眼扒有驚喜wo，燒得幾香肉汁濃郁，就咁食已經幾好。 叫左half cooked，做到唔錯!  最後老闆介紹咗個蛋白餅，配合我哋岩岩食得比較肥膩，個蛋白餅真係岩岩好。

小妹係地道香港女，鄉下位於鴨脷洲，可以話係睇住佢由泊滿漁船既避風塘，只得鴨脷洲邨(俗稱西邨)和小小的大街，演變成今時今日連南港島線也通了車，連貫金鐘，海洋公園，黃竹坑，利東，海怡半島，全程只需十二分鐘，鴨脷洲從此不再鄉下。餐廳屬小型營運，全店滿座可容納幾三十位食客。內置酒水吧部，裝潢走西式路線，播放著經典英文金曲，身在其中心情也放鬆起來。以小店規模而言，餐牌提供既食物飲品種類算多，照顧到一般喜愛食西餐食客既大路要求和期望。餐湯係野菌忌廉雞湯，濃度十足， 忌廉味重，飲落很是暖胃。跟餐既蒜蓉包鬆脆香口，配合餐湯味道很 匹配。生蠔芝士焗飯，這道菜式帶來驚喜，芝士配合生蠔焗出來整個飯做得很出色。芝士和生蠔各自發揮其獨有香味，沒想過芝士，生蠔和飯可以配合得這麼天衣無縫。焗肉醬意粉，這個也表現出眾，估不到餐廳既焗類做得相當好，給本人留下很好的印象。下次再來會嘗試其他菜式，牛扒是必試吧！Lime Soda，飲了兩口，嘩好酸好醒神。相信係餐廳老板既年輕青年穩重地迎上來，解釋說多數食客偏好較重一點lime，主動提議幫忙多加一點糖水，令我杯lime soda變得度身訂做般合我心意。謝謝!House Cof

因為地鐵開左,所以今日去南港島線一天遊。睇完openrice就揀左呢間做午餐,1點前埋單有85折。入到去細細地,環境唔錯,夜晚估計係做酒吧。餐牌選擇唔多,而且睇D名好碟頭飯感覺,最後揀左燒紐西蘭焗西冷牛扒,真係好失望,扒雖大但一家唔係紐西蘭,因為去過既人都知塊扒唔會咁薄,平心而論,味道尚可,只係咁薄就唔好問我要幾成熟啦,因為都做唔到....另外建議餐廳,係個區黎講呢間都算貴,但係就只可揀餐湯或飲品,相信飲多你個湯成本都唔會好貴,其實2樣都提供會令人比較覺得full service.服務方面就麻麻,見人地2枱點薯條都有比茄汁,我地都係點薯條但無比. 係你可以話我地出聲問咪得 lor, 個問題係我作為客,我覺得好似比忽視左咁,好似多我1個消費唔多...希望你地會有改善啦!