寿司九州市場

营业中

休息中

賣相吸引，款式都多，除左一般刺身壽司外，仲有期間限定、燒物（今次叫左太多壽司，所以無再叫燒物了） 影完相就即刻開食！今次推介：龍之卷：炸蝦、炸蒜、千島醬配合好酥脆蟹籽壽司：粒粒分明，成舊食好爽口薯仔竹輪炸物：表層睇係綠色，原來係用紫菜粉炸竹輪，中間仲有薯仔。賣相同味道都好特別，但食一舊都幾飽（本人覺得唔點醬會仲好味）散叫黎講相對較貴，不過件件壽司都好大件，其實都值得！或者大家可以試下午市定食，一個套餐就包左多件壽司同飯面等

如果大家有食過峰壽司，再同佢比較，你一定會覺得呢間好食好多😂 啲刺身新鮮好多🤤 呢盤外賣可以係佢官網嗌亦可以係去到嗌，再外賣自取，外賣有85折，睇邊樣方便自己😚😚 今次叫咗嚴選盛，有24舊，每人12舊都啱啱好夠食🤤 原價$280，外賣自取85折之後現加$238😃 我自己覺得好抵食，性價比好高🥳 用好運嗰間壽司造(做高級壽司外賣)做比較，呢間出色好多🥳 呢盤最好食係佢嗰厚切三文魚同蝦🦐 不過唯一一個扣分位係佢個盤有啲迫😂

最近禁堂食🥵唯有買外賣翻屋企食，今次去到沙田呢間日式餐廳買嚟試下🙈💯嚴選二人前 $280 (外賣自取85折後:$238)呢款二人前總共有24件，壽司種類都算多，除咗三文魚同蝦之外，仲有油甘魚同帶子等🤤最令人驚喜嘅莫過於吞拿魚，完全冇渣🥳整體嚟講魚生好新鮮，幾抵食🙈

聽人講呢間嘅壽司好食過壽司郎，所以就諗住去沙田買完返屋企食，咁依家網上外賣平台有特價，同埋有八五折優惠，所以其實摺埋一個套餐再加多兩件壽司先$70，真係抵到爛🥳🥳🥳咁佢個套餐就有幾件壽司啦最加雜物追加湯再加沙律😆但佢要夠一定嘅價錢先至有得用coupon，所以而家咁樣仲抵過原本咁叫，咁壽司嘅質素同壽司郎其實差唔多🤣🤣個麵豉湯好好飲，好似喺日本東橫inn嘅麵豉湯一樣🥰🥰炸物嗰邊因為九個字車程所以其實都唔係好熱😂應該當場食會好食啲同埋今日星期日多人所以等得會耐d

有齊壽司、炸物、湯、沙律壽司質素唔錯～飯係煙靭有咬口但唔乾 上面既魚生都唔腥係唯一有一件魚壽司有根減左小小分炸物唔會好腍仲有小小脆口 係有小小偏油 但個味ok 果2粒墨魚軟骨比較出色湯送到仲係暖 味道都唔錯沙律反而一般 無咩味 可能沙律汁唔夠整體分數：7.79

自己第一次寫食評，基本我懶寫，但今次真心覺得呢間係垃圾，通常我會因應價錢來商就食物，但九州各樣食物都唔新鮮，魚生飯蝦有腥味，wasabe 竟然用包裝，不是新鮮磨…my god🤪，最搞笑係好多人等…我都無心機寫了，食了一餐非常差的日本餐，我同太太講，下次佢俾錢，我都唔會黎了。

當晚同朋友去食晚餐，由於當日係公眾假期，人非常多。但幸好我預先book了位，所以可以不用等位，直接入店內。除咗叫咗壽司外，亦都叫咗蟹味噌甲羅燒、燒帆立貝及其他燒物、蜆等。壽司整體上都算新鮮，值得一提，蟹膏壽司嘅蟹膏份量非常多，好滿足。燒物方便，味道不錯，而且選擇亦算多。蟹味噌甲羅燒沒有腥味，燒帆立貝及其他燒物，味道也不錯之餘，食物亦算大件。另外，燒物可以選擇自己燒或店員燒。如果自己燒嘅過程當中遇到任何問題，店員亦會好細心、詳細講解。整體來說，價錢唔算太貴。

📍壽司九州市場📍💡沙田問朋友沙田有咩日本野好食，佢就介紹話佢屋企人好中意食呢間，點知一食完真係得失望兩個字🥴🐥阿拉斯加卷($58)即係火炙三文魚壽司，三文魚都叫厚，火灸完都算可以接受，平平凡凡🐥費城卷($44) 入面有一舊大大芝士，但三文魚得好細粒，而且上面d蟹子鋪得唔均勻，麻麻🐥大漁壽司盛盒($298)一上枱見到好多款壽司，好豐富，但望上去啲海鮮顏色都唔太新鮮，個樣睇落麻麻。d壽司一夾就散🥴質素有dd差，甜蝦有d苦同霉，海膽冇鮮甜味有d怪怪地，每件魚生都唔新鮮感覺，對呢樣失望但佢既炸物🐥九州風雞翼係唔錯既，沾滿醬油

食物質素差，大漁軍艦並非餐牌中滿瀉的海鮮，而且用了蟹柳墊底，海膽好唔新鮮，有臭味，其他食物都好普通，服務亦好一般，除了埋單，基本上係冇職員會理你，試過一次就夠。

今日和朋友去沙田食晚餐，經過壽司九洲市場，時間很早，沒有人在門口等候，就直接內進。今次很好運，2人都可以坐tatami , tatami 環境舒適。刺身船盛五點當中有甜蝦、吞拿魚、帶子、油甘魚和三文魚，都是常見的刺身。火炙沙律三文魚和火炙帶子，火炙燒得很香，突出三文魚同帶子鮮味！👍🏻秋天限定-厚切黑鰭吞拿魚吞拿魚上有火炙海膽，秋天限定，可以一試。費城卷價廉物美，每次必點之選。飛魚子爽甜蟹味噌甲羅燒九洲必點！可以自己燒或店員代燒。怕燒壞了，這次找店員代燒，蟹味突出，但略咸。火炙有頭海老盛火炙蝦鮮點，一蝦兩味，直得一試

因為冇耐之前先黎食完壽司，所以今次我揀左食拉麵。紅鯛魚拉麵（$88）賣相認真麻麻，一啲都唔吸引！😑湯底…應該係冇湯底🤔，最多只可以話佢係清湯…直頭好似就咁淥個麵俾你食咁。☹️拉麵都冇咩特別，配菜就有紫菜同荀，主菜當然係紅鯛魚，弱弱既4片喺清湯面浮下浮下，成碗麵都似自己買料喺屋企整既咁。望住對面碟壽司，即刻吸引好多…係有啲後悔唔揀壽司揀拉麵既…🥲所以如果黎呢間，建議大家叫壽司，覺得同拉麵對比之一下好太多！

想食壽司，朋友帶左我黎呢間。午市有三個壽司定食選擇。我地揀左壽司定食A餐同C餐～1️⃣壽司定食（$128 & $78）兩款定食都有7款唔同既壽司（有手卷嗰款係$78定食），壽司既款式都幾唔同，$128嗰款對我黎講就吸引啲～定食仲有沙律、麵豉湯、墨魚軟骨。勁多壽司～🤩質素味道都可以～一開始唔記得係咩以為係雞軟骨，但食落覺得似墨魚，睇返原來真係墨魚軟骨，幾好食，又可以補下骨膠原～😆2️⃣火炙帶子&三文魚壽司勁厚切，我鍾意！😍3️⃣芝士年糕呢款年糕偏軟，中間有芝士～如果鍾意食煙韌口感年糕既你就未必啱食～

以前去親沙田食壽司一定揀「峰壽司」，但係經過一田大大小小嘅裝修+轉晒位，以為峰壽司已經執咗，原來只係轉左名。今日返左成日工，累到不行，一於就叫外賣試吓（今次係外賣，而非堂食）。叫咗個壽司拼盤，湯，炸物。湯，不過不失炸物，可能因為係外賣嘅關係，已經林晒🤣🤣 （其實外賣我唔應該叫炸嘢🙈）壽司，仍然保持到水準，拖羅最深刻，幾好食。今次外賣可能俾堂食質素差少少，下次有機會會想去堂食試吓。試完再比較下😉

門口近收銀台擺左好多玩具，竟然有鬼滅lego、車仔好心動！可惜係兒童餐送嘅玩具🥺😢入到去格局好有日本feel，未食先開心！我地係星期日晚9:00入去，9:15 last order，可以食到10:00。前台職員都好有禮貌提點，服務唔錯。叫左兩個軍艦set, 刺身船同幾件壽司，上菜就feel到壽司司傅好趕收工啦😂 壽司擺到歪歪斜斜，刺身船連塊葉仔都無，畫面空虛都廢事影😂 食物質素正常，下次早啲去睇下會唔會好啲😂😥

今日晏就點幾鐘去食，排隊要等9個號碼，就9個號碼等左一個中，嗌到我個號碼之前已經連續幾個號碼都無等到走左，入到去一眼望落有3至4張係吉枱。到點餐，點左兩個lunch set a同b，加左燒醋鯖魚，海膽壽司同蟹羔醬壽司。首先，壽司一夾就散，就連軍艦有紫菜包住都可以散散地。魚生表面乾晒身，似放左室溫一段時間，吾新鮮。最誇張係條魚，燒既仲要加醋燒都可以腥到不得了，魚肉又吾夠實淨，吾新鮮，擠左檸檬汁都係好腥，食左一舊飲茶同飲埋麵豉湯都仲係腥。