壽司達人

营业中

休息中

今日收工太晏，周圍餐廳都閊晒🤦🏻‍♀️偏偏係呢啲時間想食壽司🍣、刺身🥹好彩，醒起恆安街市依家有個小夜巿，凌晨二時先收檔🫶🏻~~咁我就去試下呢間壽司達人啦😁🐽三文身刺身（5切）性價比極高，三文魚刺身非常厚切，入口滿滿油脂，啖啖肉，唔會腥，好新鮮😋🐽火炙蒜香牛油玻璃蝦壽司玻璃蝦肉質爽口，不過冇乜蝦味，因為有用火槍燒過，面頭焦香散發牛油香味。🐽 火炙蒜香牛油三文魚腩三文魚腩經過火燒，成半生熟狀態，入口即溶，魚油浸透整舊壽司！配合蒜香🧄牛油🧈，一啖入口，各種香味刺激味蕾，另外，醋飯鬆軟而綿密，酸度都剛剛好😋🐽火炙三文魚汁燒加州反卷呢款三文魚燒得比較熟，食落偏硬身爽口，秘制醬汁經燒制後，完全滲入魚肉，加埋加洲反卷入面既青瓜、蟹柳，整件壽司味道互相平衡

疫情嚴重，買外賣壽司回家嘆買咗個刺身拼盤，價錢不過不失！解凍做得麻麻，切得厚身但食唔出任何鮮味，帆立貝刺身就好細片另外散叫壽司🍣劍魚腩，油甘，鰻魚，牝丹蝦，幾件軍艦壽司，超失望🙍比爭X外賣壽司更加差魚身薄片，緊貼一舊大飯，係無錯，勁大舊飯，食10件飯必飽劍魚油甘食落無分別，一塊冷冷的魚身包住舊飯，X鮮真係比它好！軍艦壽司片紫菜又淋又爛，睇得出飽歷滄桑！呢個價錢$3xx，係平嘅但…..絶對無下次！

今日老公生日🎂🎉 不過要係屋企湊仔，唔可以出太遠，唯有近近地買外賣。唔想成日嗌pizza麥記，見呢間日本野係恆安街市開左一段時間，雖然網上無乜食評，咁我就胆粗粗試下啦，發現經foodpanda訂購外賣自取仲有8折，感覺幾扺炸蝦卷 $28 4件 好正，又大舊又脆口😋👍鰻魚飯卷 $38 有8件 味道正常油甘魚及劍魚腩 $14件 Ok唔錯三文魚腩壽司 $9件 幾肥味，唔錯芥末八爪魚軍艦 $7件 老公話幾好食以上show正價，質素比想像中好

呢間壽司達人喺屯門好出名，出名啲嘢食又平又靚又正。估唔到馬鞍山都開咗一間，雖然要專登搭一個站去恆安再去街市，但係為咗食冇計啦！佢呢間嘅鵝肝壽司好好食，我個面頭仲有一層薄薄嘅焦糖咁，食落去口感好豐富，每次嚟到都一定會食！

街市新開左呢間壽司達人之後，終於可以隨時食到壽司啦。店面小小，但有好多野賣，丼飯、刺身、壽司、炸卷、手卷，甚至飯麵都有得賣，真係乜都有得食，仲有壽司拼盤可以開party食都得，飯麵套餐仲送汽水。而且價錢方面都唔算貴，而且係即叫即整，見住佢即刻卷手卷。買左個炸蝦卷($20)同三文魚腩手卷($18)炸蝦卷好好食，即叫即整，D炸蝦熱辣辣，又香又脆，而且$20有四舊都算抵，每舊壽司D蝦都幾大舊。D飯暖暖地，但都食得出有壽司醋味，加埋熱辣辣既炸蝦就好好食。三文魚腩手卷方面，就覺得有少少似三文魚多D，唔夠肥唔夠香，不過手卷D紫菜就超脆。