壽司郎 (愛賓商業大廈)

营业中

休息中

9:15突然好想食，都突登打電話去問仲有冇得入座，職員話9:30先前都有得入，我即刻跑過去。去到都問咗聲可唔可以入，職員都話仲有幾分鐘last order係咪要入，我都話係，之後突然有位職員大聲話唔入啦，冇位。但我明明見到仲有位，都唔比人入。真係好嬲。估唔到壽司朗啲服務咁差。真係好失望。我都明白接近收工時間有人入嚟係會唔想接，驚阻收工，但我都問咗聲，點解唔直接講唔入得啦，係都要講大話。

聽聞壽司郎好吃，但要排隊排很久，所以一直沒有嘗試。今次剛好到尖沙咀經過壽司郎即管一試。可能時間偏早12:30等了一陣子便有枱了。系統是傳統日本壽司店的自動下單系統，食物也是由輸送帶直接送到面前，不經人手。以平板電腦點菜非常方便更有圖片可以參考。所有食物價錢都是非常平民化，每一碟都是10幾蚊到20幾蚊不等。一吃便吃了11碟。唯一可惜就是沒有海膽供應，可能來貨太貴吧！壽司的味道和在日本吃的差不多，食材新鮮！他們的是迷你壽司，所以飯團比較細，不知不覺便吃多了。叫了他們的天婦羅蝦非常大隻很有滿足感。飯後來了一個經典甜品布甸好好味，作為一個終結十分適合，不要錯過！吃的飽飽的也是二百幾蚊的價錢算是非常合理了，我會再光顧！

壽司郎 📍尖沙咀分店B小町進駐壽司郎！尖沙咀分店係星野露比主題店，一入到去就見到超級多打卡位，Fans一定唔可以錯過🤣✨⭐️白桃芭菲 $34壽司郎嘅芭菲不嬲都有質量保證，依家係白桃嘅季節，白桃粒配雪糕同埋蛋糕底，好食！⭐️菠蘿椰子雪糕蛋糕 $27呢個嘅餅底係椰絲，個人覺得似菠蘿三色雪糕加椰絲😂，冇白桃嗰個咁好食當日嘅煉乳牛奶布甸🍮賣晒，所以就冇試到。一抽入魂，即刻抽中咗露比🤣✨見到隔籬枱係fans抽咗好多，E人即刻問下可唔可以同佢哋嘅牌仔一齊影相🤣你哋又會唔會為咗個立牌去食壽司郎嘅甜品呢？#fookdie尖沙咀 #fookdie試伏 #壽司郎#我推的孩子 #尖沙咀美食 #尖沙咀好去處 #尖沙咀餐廳#星野露比 #星野愛

📍尖沙咀除咗用呢個emoji🤩之外，我都諗唔到仲有邊個更加適合今次嘅主題利申：本人係有追開呢套動畫，剛巧今日喺屋企睇完第二季第五集之後出街 (其實係唔想追得太近驚要等一個禮拜先有得睇😅)，咁啱經過開加連威老道嘅壽司郎，赫然發現原來佢哋做緊聯乘活動，就二話不說衝入去排隊攞位以為未夠六點應該冇乜人，點知入到去先發現已經好多人等緊位，好彩流量亦算快，等咗大約15分鐘就已經可以攞到枱今次真係主要唔係講食物質素（因為之前已經寫過），而係想講日本人真係好識得做marketing，趁住套動畫喺日本第二季上緊嘅時候做promotion，既可以make到noise, 令到一啲原本冇咁留意嘅香港人都注意下，做一啲小獎品出嚟又可以提升生意額，成個image好正面亦好新鮮，真係一舉兩得PS 原本唔會叫嘅煉乳牛奶布甸，最後俾我抽到黑川茜🥳

我很少去食壽司郎，尤其是星期日，因為排隊要等很久很久。但今次決左同朋友5點15分走去排，結果15分鐘不用就到我哋，真開心👏🏻佢地枱面有部iPad 俾你落order👍🏻慢慢選，杯、豉油碟、匙、紙巾都係自助，現在是夏天，他們都有好幾款夏季當造美食，本人愛貝類、赤身，朋友愛鯖魚吞拿魚，都食左不少碟🤭重點要食佢哋家嘅黃金薯條配牛奶新地，可以試下😂溫馨提示，記得一早去排隊~如果唔係可能要等2個鐘先有得食🤣

壽司郎呢幾年發展得好快，現在全港九新界都有分店了，仲記得當年得一間分店時試過等位要幾個鐘（多少都係疫情關係，當時只能夠開放一半座位）不過當時質素又比較好。講返今個月嘅主題係大大大大感謝祭其實來來去去都係呢幾樣嘢！無咩好特別嘅壽司大切白雪鮃，呢樣之前未食過幾好食魷魚秋葵和布蕪軍艦，我自己就幾鍾意👍松葉蟹腳限時優惠10＄濃厚海膽拌麵，以前推出過呢餐食得好飽螢光魷魚，出面好少有（味道比較咸）如果來幫襯最好就月初比較好，有時上個月主題有啲貨尾今個月仲會賣，所以月初選擇會多啲！連鎖店其實質素都分別唔會好大，服務上算唔錯員工都有禮貌，但質素有部分比較差如鐵火卷（今日無叫）切位比較唔齊，另外有時啲壽司一夾就散或者發展得太快員工質素跟唔上，但今日啲壽司我都幾滿意（今日無任何優惠，完全係自費）

今日去到尖沙咀呢一間壽司郎位置都算幾方便，而且我覺得佢大大個招牌好容易搵，整體嚟講我覺得位置好好，但係就係太多人，我哋要等多起碼半個鐘先有位，本身少少肚餓等到超級肚餓.✔️海膽壽司，呢個價錢嚟講真係非常抵食，而且可能非常鮮甜，冇諗過呢一個價錢可以食到呢一個質素嘅海膽，餐廳整體都係以平民同埋比較優惠嘅壽司為主，喺出邊食一件海膽，平時都起碼$60，呢度就可以用一個比較便宜嘅價錢去享受，所以難怪咁多人，整體上都幾鍾意佢嘅壽司，服務態度都唔錯

 炙燒太刀魚2.5分一般 蟹肉軍艦配海膽三文魚子雙味3分海膽有些餲味，三文魚子好吃。 縞鰺2.5分一般 魷魚秋葵和布蕪軍艦2.5分 半熟一宇治抹茶蛋糕2.5分沒有甚麼特別。 炸軟穀蟹3分如果有些溫度會更好。 六選刺身盛3.5分不錯，尤其赤蝦肉滑爽口。 天然赤須海老海苔包3.5分不錯。 鮑魚肝軍艦2分鮑魚肝有一陣味，我不太喜歡。 蟹柳沙律吞拿魚沙律軍艦3分

壽司郎@尖沙咀🌟最抵食嘅$17/3件，我最鍾意食佢嘅蝦三味，包括左一件甜蝦一件熟蝦同埋一隻天使蝦，甜蝦嘅味道非常好食，整體上我覺得三件壽司都合格，呢一個價錢真係冇得輸，另外推介佢嘅貝三味，包括有赤貝北寄貝同埋螺片，螺片非常爽口，呢個亦都係推介，另外鍾意食佢嘅軟殼蟹壽司，加埋少少蟹子係個面度，口感幾好。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟🌟

前排壽司郎有李錦記福袋連同fastpass Giveaway，好幸運地定抽中咗😄可以預先book位，帶埋屋企人黎食，唔使排隊！▶️ 蜂蜜牛油卡達拉娜 ($22)✔️✔️超得意卡樂B包裝！薄薄嘅焦糖脆面，鹹鹹地有海苔味芝士蛋糕好軟滑🧀濃郁芝士奶油味似雪糕蛋糕，建議等冰融啲先食推介，唔伏！▶️ 赤燒經典蠔油日本產帆立貝 ($22)➖李錦記系列新品同相有出入😅完全冇蠔油味同正常帆立貝冇分別，只係多咗香蔥得一件唔抵食▶️ 炙燒羅勒鮮蝦 ($12)✔️✔️面頭有一片芝士同羅勒醬同熟蝦幾夾味，帶鹹香夠惹味👍🏻▶️ 日式叉燒 ($17)➖拉麵叉燒放上壽司，係咩配搭？叉燒半肥瘦，唔算好乾，不過味道偏鹹有啲唔夾🫢▶️ 香蔥赤蝦 ($12) ✔️✔️隻蝦幾好食，少少黏黏地爽口配埋一堆香蔥😋▶️ 蟹柳沙律醬 ($12)❌蟹柳好大條不過太多沙律醬味道偏甜，好似之前食好味啲…▶️ 稻烤拖羅鰹魚 ($12)➖鰹魚偏乾身，冇乜吞拿魚味，唔夠新鮮同相差好遠🐟有啲失望▶️ 甜蝦軍艦➖甜蝦細細粒，配上沙律醬不過不失▶️ 茶碗蒸 ($19)✔️✔️每次去壽司郎必食，亦係水準最一致嘅一款食物入口暖暖哋，有蛋味唔會太稀多配料，有成粒帶子、一隻蝦、一片魚蛋、一

又到吃中午飯的時候, 今日相約同事去尖沙咀壽司郎。當然首選期間限定的食品，但好多都售罄。黑鮪大吞拿魚腩配智利海膽，口感不錯, 吞拿魚略薄左少少。芝麻漬海鮮紫蘇包，這款餡料豐富味道不錯。珍寶魷魚天婦羅，抵食之選大大塊。生松葉蟹腳亦是十分喜歡的,海水味十分重。赤貝雙味就比較差D, 有點腥。鱈魚白子軍艦口感亦不太喜歡。

就好似標題所講，今次講講我等壽司郎🥹夜晚七點開始排隊排到8.15終於可以入去食，時間安排方面都真係不停keep住有人出，有人入，所以如果真係要講想去食嘅話，真係五點幾好去排隊啦😎首先我一個人食，佢都俾咗兩個位我其實都真係坐得幾舒服，環境方面唔錯。另外，因為佢有好多兩貫不同壽司既配搭 令到我可以一個人嚟食都可以唔使逼住食到一碟同樣兩件壽司，可以食下唔同味道🫶🏻🌟其次，我好欣賞佢嘅海螺壽司10分鮮甜🌟🌟🌟🌟🌟🌟一個人嚟講嘅話，食佢嘅刺身都唔錯，可以食到6種刺身，另外就係好似哦咁一定食唔晒咁多飯嘅亦都可以選擇細飯版本嘅壽司，十分貼心整體嚟講，我覺得尖沙咀店同其他店都冇咩特別大分別，亦都有可能我揀嘢食比較穩陣🤣但係重複多次標題，如果要我再等多一個幾鐘，我應該唔會再等😂建議早啲去拎飛

日本的傳統節日「節分」，節分是指農曆中作為一年開始的「立春」，其前一天就是節分之日。2024年的節分日期是2月3日，這天就是要吃「惠方卷」！惠方卷很有意思，食材象徵富貴與幸福，而卷卷象徵著把福氣捲起來然後吃掉。一氣呵成吃掉整條，不准切開，不准說話，一邊吃一邊許願～我這條是平民版惠方，六十塊錢～其他omakase 店賣到$300一條，當然尺寸食材會貴價一點。九種食材～海鰻玉子燒生三文魚吞拿魚熟蝦青瓜三文魚子吞拿魚蓉冬菇/干瓢甘煮

第一次嚟尖沙咀呢間壽司郎，覺得好難食，上環分店真係好食好多。見到有蟹做主題，所以先趕緊起佢未完之前嚟幫襯，點知係非常非常之失望！我哋叫咗佢就蟹腳，林啤啤咁樣，食完唔敢吞驚唔新鮮，lur番出嚟。之後叫咗個蟹柳壽司，係硬骨骨同乾爭爭，冇食晒就浪費咗佢。仲有個吞拿魚壽司，完全冇顏色，食落完全唔新鮮。食完同左店完講，佢話唔會架喎，我地啲野新鮮番。最後只肯cancel蟹腳果碟，我覺得你cancel唔cancel都唔緊要，最重要係 你要反映番俾你個廚房聽。同埋自己食下先講啦咁都叫新鮮？相同實物完全2回事。

1月份壽司郎出左 《螃蟹祭🦀》 餓底琴日去左壽司郎食 🦀水煮松葉蟹腳 $17 見佢個樣好似普普通通 松葉蟹腳加埋上面既蟹膏好夾 😙👍🏻🦀蟹肉忌廉可樂餅 $17 可樂餅既料滿到咬落去既時候係會滿瀉 🤤超級足料同夠滑 😋🦀蟹肉茶碗蒸 $22仲布壽司郎必食既茶婉蒸 勁足料👍🏻 完全唔係hea 面頭有一D蟹肉 裏面仲有帆立貝🩵食完正餐到甜品時間🍰🍰純白戚風蛋糕配特製忌廉 $27 呢個12月既新品 我會稱佢為世一蛋糕‼️佢簡直係驚為天人用最簡單既戚風蛋糕加埋特製既cream 加埋雪糕🍦成個味道係perfect池 😚有少少芝士香味 再加埋忌廉既軟滑 雪糕既冰凍 wow 🤤🤤🤤 餓底好想呢個加入主餐牌度 ☺️🍓士多啤梨吉士忌廉卡達拉娜 $22 泥到士多啤梨季梗係要食埋呢個卡達拉娜 佢個味道有D似H字頭雪糕店既 strawberry and cream 好香濃 面頭仲有焦糖烤到脆左 完全係 cream brûlée 既面加雪糕 😋🍓士多啤梨控必食‼️🍮濃厚煉奶布甸🍮 $22 布甸軟滑 加埋草莓果醬 🍓👍🏻#餓底推介 #壽司郎