影片
港铁观塘站 B2 出口, 步行约5分钟
继续阅读
电话号码
36184533
36184538
营业时间
今日营业
08:00 - 16:00
18:00 - 00:00
星期一至六
08:00 - 16:00
18:00 - 00:00
星期日
18:00 - 00:00
公众假期
18:00 - 00:00
以上资料只供参考，请与餐厅确认详情
有关奖赏计划
今晚老公嚟接放工喺观塘揾饭食！想试下中菜，喺openrice见呢间系top 3，就嚟试试佢，无book位，但我地18：00就入坐，当时餐厅唔算多人，但过咗半个钟，已经full house, 唔估到好多家庭同一大班好友饭局都book呢度食，咁应该无伏了。两口子叫咗呢啲食，价钱都几实惠，难怪会爆塲：蒜蓉粉丝蒸蛏子 $48/只蛏子都算大只，够鲜味，肉质爽滑，劲多蒜蓉同粉丝，粉丝入晒味，既香又唔会抢去蛏子嘅原味，正，算抵食！菠萝酥炸大肠 $98/碟超级邪恶嘢，屋企唔会整嘅菜式，真系食到停唔到！大肠炸到啱啱好！外皮微焦带劲脆，大肠里面处理得几干净，无咩肥膏，够晒香脆，配埋酸甜汁加菠萝绝对系完美结合，不过两个人清一碟真系有d多，但都忍唔住口食晒，今次真系肥仔了！！！！红烧乳鸽 $52/只乳鸽外皮都算酥脆，肉质细嫩，有浓郁嘅烧烤香气， 控制得唔错，正常水准。拍蒜菜心（蒜蓉炒菜心）$78/碟呢碟蒜蓉炒菜心简单得黎又好味，菜心炒到鲜绿爽脆，蒜蓉又够香完全渗入晒菜度，食完真系满足！呢道菜嘅卖相都好靓，白色碟衬住翠绿嘅菜心，上枱好整齐，个厨都几细心，加分！姬松茸炖老鸡汤 $48钟意饮老火汤嘅我，一定要叫嚟试下！首先系劲多材料，劲多鸡髀肉，仲有鸡脚同劲多姬松茸。。。姬松茸系呢个汤底嘅灵魂，姬松茸渗透每一口汤，带有淡淡嘅菌类甘香味，饮落去令人舒畅整，呢碗汤不但味道鲜甜，仲好滋补，特别适合想要温补但又唔会太燥热嘅朋友仔。如果你钟意饮老火汤，呢个姬松茸炖老鸡汤绝对系值得一试嘅，$48抵饮！整体嚟讲，呢间食肆真系非常值得推荐，无论系味道、服务定系环境都交足功课，绝对会再嚟光另外，餐前小菜有黑木耳同超大碟嘅炸花生。。食唔晒～～而服务方面，店员好积极，上菜速度亦都十分迅速，呢间餐厅价钱方面亦都属于合理范围，性价比高，会再嚟番炒！
继续阅读
观塘嘅大城小厨一向出名，之前同一班朋友聚会都嚟食过，菜式性价比非常之高。呢间餐厅以主要食广东菜，菜单亦有多种多样嘅选择。无论系小菜定系汤、定系煲，呢度都有叫左「豉椒炒蚬」。蚬几新鲜，搭配青椒、红椒同埋洋葱，炒至入味。蚬肉鲜嫩，配合酱油嘅咸香，真系一啖接一啖，根本停唔落嚟。重点系呢盘菜多蚬肉，有时出边嗌炒蚬上到嚟只系得壳冇乜蚬肉，值得一赞第二道菜系怀旧菠萝咕噜肉，最typical嘅港式菜，佢个咕噜肉做得都几酥脆，每次食菠萝咕噜肉嘅酸甜味道都令人胃口大开。而佢个名都起得好贴地，真系令人谂返小学嘅时候午餐成日都会食呢度菜，够晒怀旧！呢个超好味既系榄角蜜饯一字骨，一字骨经过精心烹调，外皮略带焦香，食落去少少脆，甜甜地，肉质嫩滑，真系煮得好好，最主要系个汁同埋佢煮到少少㶶，好有技巧，啱晒搭配白饭食广东菜又点少得「豆腐火腩煲」—男人的浪漫😹😹呢道菜喺热辣辣嘅砂锅中上桌，啱晒冬天食。主要都系豆腐同腩肉，汤汁浓郁，个豆腐真系好滑，我不断食，呢个配饭都好啱。我个人就最钟意呢道菜，朋友就最钟意一字骨嗌咗个时蔬，系清炒嘅菜心，色泽翠绿，口感爽脆，有埋蚝油就更好啦！呢度茶水免费提供大约系下午茶时间去食，个场都好旺啊啱晒一大班人嚟饮个下午茶撑枱脚，其实夜晚一家人聚会嚟呢度都好啱！Overall呢度几经济实惠！菜式真系非常之好味，广东菜嚟讲做得好好！份量亦都大大碟，抵食
继续阅读
前几日第一次买叫个外卖，金发阿姐态度劲差。我净系讲咗我要鸡扒，阿姐问我姐问我跟啲咩，我问佢有咩跟？之后阿姐用咗我好似杀咗佢屋企人嘅语气 : 或者我就咁样文字上大家feel唔到有几恶同几大声。首先我觉得外卖定堂食会影响到你落单，系咪金发阿姐本身自己嘅责任要问咗我先。而唔系落到一半就闹我。我真系呆咗。到底系点解要咁样对客人？系咪我做错咗啲咩？希望你哋可以改善下呢个阿姐嘅态度。令人唔舒服嘅金发阿姐。
继续阅读
有日喺观塘玩完剧本杀之后，用咗好多脑细胞，要食餐好嘅补补体力🤣朋友推荐咗佢私藏饭堂，位于工厂大厦楼下，网上冇乜人讲，但系凭口耳相传，晚市都几旺场🔥餐厅有好多款大排档菜式，选择极多，有时仲有时令推介。叫咗金沙菜式、酸菜鱼、牛肉等菜式味道都唔错，水准几好👍🏻🍖冰镇脆皮咕噜肉 $138卖相好华丽😻除咗有干冰制造烟雾效果💨咕噜肉上面仲有水果爆珠，配埋一齐食几特别。咕噜肉过上脆糖，咬落外皮薄脆松化，口感好好😋🐟金汤酸菜鱼片 $168份量十足👏🏻鱼肉爽口弹滑，配料有大量芽菜、莴笋、莲藕片等，索满麻辣有致又唔会太呛嘅汤汁，送饭一流😽🦑黄金金沙鲜鱿 $138值得一试👍🏻好香咸蛋黄香气又唔会腻，鲜鱿炸得外脆内弹牙，口感好好😋🍤笼仔荷叶蒜香蒸虎虾饭 $188好足料嘅蒸饭，必试✅热辣辣嘅蒸饭粒粒分明又香软，拌匀蒜蓉粒，蒜香味十足😍饭面放上不同海鲜，有青口、大虾、带子，几个人share大家都食得好满足🥰🥩蜜椒薯仔安格斯牛粒 $138以大排档经典菜式嚟讲呢度都做得唔错😛牛肉粒有咬口唔会韧，薯仔裹上一层蜜糖，表面微脆内里够粉。🍹竹蔗茅根海底椰 $48$48有一大乍消暑清甜嘅竹蔗茅根，6个人每人都饮到2－3杯，好抵饮🤑推介指数（10分为满分）：8分
继续阅读
讲真，观塘工厦成日藏龙卧虎，今次俾我撞正「小城大厨」呢间宝藏餐厅！佢哋嘅台山蚝真系坚到冇朋友，食过一次即刻想book位encore！点解咁夸？等我话你知：1. 蚝如其名，巨无霸size吓亲人！一上枱真系「哗」出声！每只蚝大过我只手掌，肥嘟嘟、胀卜卜，仲要系原只连壳烧，视觉效果满分！师傅火候撚到啱啱好，蚝壳边仲滋滋响，香味扑鼻，未食先兴奋！2. 爆汁！鲜甜！海水味超正！重点嚟喇——啖啖肉咬落去，啲蚝汁好似喷泉咁涌出嚟，鲜到舌尖跳舞！台山蚝出名肉质嫩滑，佢哋拣嘅货色仲要系顶级，海水味浓得嚟唔腥，尾韵仲带啖淡淡奶香！简单加蒜蓉辣椒烧已经无敌，唔使多余花臣，原汁原味赢晒！3. 街坊价钱，酒店级享受！你估咁大只靓蚝实贵到飞起？错！$百零蚊就有交易（时价，但真心抵），仲要系即叫即开，保证新鲜。同区西餐厅食只普通蚝都唔止呢个价啦！仲有呀，餐厅装修系怀旧工业风，坐得舒服唔逼夹，啱晒同班friend吹水丧食！ 食蚝最怕缩水货同雪藏味，但呢度嘅台山蚝真系 「实肉、爆鲜、唔呃秤」，蚝控食完保证心心眼！仲未试过？走宝啦你！
继续阅读
您可能会有兴趣的...