小巴黎越南餐廳

营业中

休息中

喺小巴黎越南餐廳試咗一餐，整體感覺中規中矩。鮮牛肉湯河 🍜 $54份量真係少得有啲驚人，連女仔食都覺得唔夠飽 😅。湯底味道唔錯，但牛肉有啲老，咬落去唔係咁嫩，可能需要改善一下。龍眼冰 🍧，跟餐只需$8雖然清涼，但味道就好淡，唔算特別出色 😕。對於鍾意重口味嘅朋友來講，可能會覺得有啲無味，唔夠刺激。如果飲品能夠再加強味道，會更加吸引。環境餐廳嘅裝修一般，衛生方面可接受，保持得幾乾淨整齊，感覺上都算舒適 。最值得一提嘅係，職員態度非常友善，服務都幾周到 😊。總括來講小巴黎越南餐廳有佢嘅特色，但如果你想要份量足夠同肉質更好嘅食物，可能就要再考慮下 🤔。希望下次有機會再試，睇下有冇進步#小巴黎 #越南餐廳 #中性評價 #美食探索 🍽️

自從小巴黎冇再響市區之後，就要入屯門先食到原本一向鍾意食多葱油嘅豬扒雞翼飯，但係今日見到隔離食大大碗喇沙，又即刻試吓叫咗碗扎肉蝦喇沙檬粉，加$8有個特飲，喇沙湯好夠味，配檬粉最好。蝦彈牙，但可以多一隻就更好🤣珍多冰嘅條條好咬口，夠奶夠甜，中學生回憶返晒嚟總共$67，算幾抵！

以前仲有好多間分店個時已經幫襯，值到而家得番呢間，事隔都十年無食過，咗岩係附近就過黎懷緬下 。黎到都無睇menu, 要叫番當年最鍾意食嘅濱海春卷（網形春卷）同埋扎肉湯濛另加香茅豬扒！當時仲幻想會遇番以前落單嘅姐姐或者當年嘅老闆娘🙈🙈🙈呢到嘅豬扒依然係大大塊，香茅都仍然係超多香油香蔥，我細個最常叫或者次次食親就係呢兩味 。濱海春卷味道都無乜點變，魚露咗多年都無乜變，個扎肉湯濛大碗左，扎肉無以前咁好食，可能係食材問題 。 朋友另外叫多碗軟殼蟹，都唔差，幾抵食 。主要黎食番細個嘅味道～ 令人懷念 。

喺屯門嘅小巴黎，嗰陣心情彩的嘛喇，唔知道係唔係幾年前荃灣細個食過嘅口味。坐低點咗三個飯，來個回味之旅。勁夾嘅香茅豬扒同香脆雞翼飯，份量啱哂，蔥油香到飄過隔離枱！👃豬扒有啲水水地，唔夠哂乾身，但係味道就正喎！朋友叫嘅咖哩羊腩飯，羊腩爛口又有嘢咬頭，個汁嘅香浓程度我都想塊麵包來清杯。至於配菜，椰汁黑糯米雖然偏甜，但都係個幸福嘅完結。光顧小巴黎，係一種舊日情懷喺口腔中轉圈圈嘅體驗。得閒真係要再嚟，唔只係食物，連帶嗰份好哂嘅回憶都要多啲咁攞返嚟品嚐。記住哦，下次想食蔥油豬扒，記得問多啲葱嚟兜圈！🌿🍴

🐻如果係屯門大應該冇人會唔識，因為喺屯市已經開咗好多年，位置都轉左幾次，如果你知道佢之前位置喺邊絕對可以暴露年齡🙆‍♂️🐻我成日覺得小巴黎係全香港最好食嘅越南餐廳，因為大個咗之後冇再食過咁好味嘅越南餐，上星期終於特登入屯門食，食食吓嘅時候諗我覺得最好食會唔會係因為細個就習慣咗呢個味，當出去食同呢個味唔同就覺得唔好食，所以食嘢好唔好食，有時都都係好主觀嘅😌不過如果大家經開屯門都不妨去試一下👍🏽

踩落去呢間無名小店，真係一個意外嘅發現！第一啖，就食到個椰青雞飯，啖啖雞肉，咁滑咁嫩，攪拌埋啲香料同椰青醬汁，味道層次分明到令人忍唔住一啖接一啖。講到嘢飲，個芒果糯米飲就真係解渴又開胃，甜中帶點酸，啱哂夏天嚟一杯！嗌嘅第二樣小食，啲炸蝦餅，外脆內軟，配埋自家醬汁，正到不得了，幾隻蝦味夠晒鮮潤，啲餅皮炸得啱啱好，唔油膩。真係食物不嬲咁重要，但係落到口，呢啲小細節就係會令人記住。最後，個涼拌牛肉簡直係驚喜滿分！牛肉夠晒入味，啲菜脆得嚟又新鮮，啲花生撒上面做足晒畫龍點睛嘅作用。每樣菜都係又平又正，係街坊味咁嘅驚喜，一啲都唔馬虎！逢星期六都要過嚟食一食，咁先至撐得住成個禮拜！😋👌🍤

待應催人落單，態度串牛腩湯河牛腩牛腩好干咸檸水太咸星期六晚食客得小猫兩三隻都急住收碗食食下叫食客企起身，原來有d膠袋收左係卡位櫈底，唔可以等客人食完先攞？ 真係好奇怪無下次………………………………………………………………………………………………………………………………………………………………..

服務：**環境：**食物：***價錢：**同朋友去食飯想食越式嘢就諗起小巴黎，因為好耐冇去過由細食到大，今次去到剛剛過咗六點所以要嗌散餐，叫咗個牛肉撈檬味道還可以！！朋友嗌咗個牛肉飯賣相一般！小巴黎以前好好食現在開始走下坡越嚟越少人食服務都越嚟越差！以前好鍾意食近年都越來越少食小巴黎了！由細到大最鍾意食佢嘅牛肉撈檬粉！晚餐得散叫嘢飲要另外正價,無套餐價錢偏貴,一個牛肉飯七十幾蚊！！！！！！！！！！！；；

好味越南餐廳屯門小巴黎我食超過十次最鍾意食香茅豬扒飯$52👍👍👍👍👍第1必食有兩塊好薄的大豬扒,每次都是一塊豬扒比較淋,一塊豬扒比較硬,我比較鍾意食淋嗰塊豬扒，薄嗰塊豬扒醬料醃得比較入味豬扒大塊,但是好薄,因為佢夠薄,所以醬汁醃得好入味,豬扒夠淋,好多蔥，好香豬扒大塊,平靚正,非常好味香茅豬扒檬粉$49第2必食👍👍👍👍同樣出色撈檸檬魚露,酸酸地好開胃香茅豬扒飯和香茅豬扒檬都非常好食環境 6.5/10味道 8.5/10服務 5/10衛生 6/10性價比 9/10人均消費$50-$80店名:小巴黎越南餐廳

簡簡單單又一餐主打平價既越南小店鮮牛肉湯河牛肉份量唔多但勝在湯底鮮甜 魚露味正不過不失 穩陣香茅豬扒糯米飯煎蛋呢個係跟住餐牌既圖片叫唔知係咪地道菜做法特別痴牙既綠豆 糯米飯 蛋炸成一個波 好飽肚豬扒大份味道普普通通可能會食唔慣但係係新嘗試簡單一餐冇特別

聖誕節到屯門 友人家派對，之前有點時間，又來到小巴黎🙆🏾‍♂️。甚少午餐吃飯，但每次來到，難免要重溫香茅豬扒飯。豬扒份量都不少，夠軟林，吸了蔥油的香味，🤩用豬扒來送飯，定還是用蔥油來送飯，🤭都相當可口。烤牛肉檬，以往自己來，都很少會吃湯的檬粉，😬原來檬粉也帶點着勁，然後後牛肉有點香氣，帶點甜香的肉汁，🤔湯底有清香之中有點牛肉香。米紙卷，這兒的，外皮韌，內裏餡料多，一絕，再加點撈檬的魚露，甜甜香香。看看這兒的侍應阿姐，十居八九都是中年婦人，但是在聖誕節假日工作仍然好似專業，絕無欺場，👆🏻服務態度良好，親切有禮。

小巴黎對屯門人嚟講應該好多人都識，連我哩個新屯門人都食過好多次，見有一排無嚟，今日就去會一會佢叫咗2個香茅豬扒飯，一個多蔥，另一個走蔥加碎上平時我食開香茅豬扒撈檬多啲，但因為今日太肚餓嘅原故，哩到嘅香茅豬扒飯大大碟，豬扒亦夠淋夠味道，豬扒邊有少少肥，不過好好味由於我本身唔食蔥，所以就無謂浪費，叫咗走蔥，但有人話哩到嘅蔥油先係最好味，加埋撈檬嘅魚露，簡直係無得輸喎，反而豬扒就撞手神，試過食過唔夠味，如果大家下次嚟有興趣可以試吓

睇完戲散場搵地方食午餐，四周都很多人，同行提議到華都地下食，原本想食泰國餐，可惜已經找不到，小巴黎也是心水選擇，幸而早到一步，轉頭已經滿座。雖然呢間係平民食店，响不同時期不同店舖已經食咗好多年。豬扒金邊粉$49濕濕哋食個豬扒金邊粉，豬扒依然大大件又腍，百吃不厭。金邊粉滑嘟嘟加埋大量蔥花嘅湯，好滿足啊。雞翼凍檬$51凍檬配埋青瓜絲、紅蘿蔔絲、生菜絲、花生碎，一定要加魚露先至好食，雞翼炸到外皮香脆，肉質又嫩滑，正呀！午餐時段仲可以優惠價加飲料。

話說今日想食越南野，就孖老公仔去屯門市中心附近華都商場地舖小巴黎嘆個下午茶，我哋叫咗一個豬頸肉撈檬，扎肉雞絲湯檬，馬拉盞炒通菜和小食扎肉一份，加2杯咸檸七，落單前，老公都問咗一下，咸檸七個汽水係咪罐裝？個姐姐話係，不過我哋會倒埋落嗰杯度出餐，咁我哋聽完罐裝就覺得都可以，咁就下單等食。下單之後，首先嚟當然是飲品，我哋督咗嚿咸檸檬幾下，發現杯嘢點解冇汽泡⋯⋯於是試飲（已經中伏🤮），係一杯冇汽水味的咸檸檬冰水😖，咁我哋就問返下單個姐姐，點知佢支吾以對就蒙過去！！寫評語只是想店舖能夠重事此事，如果真的是罐庒汽水為何沒有汽泡，其實店舖直接上罐庒七喜給客人，再加咸檸檬底都一樣，不竟談及利潤💰，老闆你也是賺到的，（兩杯飲品收＄56），味道跟水一般⋯⋯那好意思其它食品都到齊，味道只可以話唔係好食，亦都吾係難食，但頗多味精，食完要飲茶先得

入屯門順便去小巴黎越南餐廳食個晚餐，鮮牛肉湯河也算不錯，牛肉嫩滑有肉味，湯頭也夠濃味。香茅豬扒糯米飯煎蛋 是我喜愛的一個菜式，薄薄的豬扒有著大量蔥油，我倒喜歡個煎糯米飯煎蛋不會太肥膩。椰汁三色冰是必飲，料多有口感，青檸Soda也不錯。