小巴黎越南餐廳 (已結業)

呢間越式食堂，簡直係色香味俱全嘅地方！嗱，我試咗幾樣佢哋嘅招牌菜：首先，香芧豬扒飯真係讓我無法抗拒。豬扒煎得金黃外脆內嫩，啖啖肉嘅無敵香味，撲鼻而來，鬆化中帶有恰到好處嘅彈牙。葱油撈飯一流，飯粒瀰漫喺層層蔥香同蔥油嘅鮮味之中，呢個香，真係正！再嚟就係嗑完飯，馬上嚟杯青檸梳打🍋，冰凍梳打水清新得令⛄️，一飲而盡後，足夠把全部滋味完美收尾✨。呢啲重點還未算完，鮮牛肉河粉更加係添色無數。香茅豬扒飯、青檸梳打呢啲都夠晒吸引，但話時話，必試嘅唔止呢啲啦。我朋友推介嘅杯椰汁三色冰🍧，可以話係解渴嘅救星，每一啖都甜滋滋嘅舒爽，超級適合嚟解解辣。總之，下次你心思思想食啲越南小食，記得揀呢間。食物真心夠晒口味，環境亦都舒服。食得好，心情自然就會好，快啲約埋你嘅食友，一於開開心心嚟越一趟「食」界之旅啦！👫

話說都好耐無試新野，今晚收工約埋老友食飯就試下呢間小巴黎越南餐廳，都知開左好耐但又真係無點食過，就一於黎試下啦，門口比較光鮮，內裡環境就比較迫少少 位與位之間格得都幾近，唔算話太好坐。坐底睇下餐牌，有位好熱情既阿姐侍應就推薦我地食2人餐，又介紹下d野食咁，所以我地係咁意睇完d餐牌都選擇2人餐黎食，順帶一提熱情既服務員只有1位，其他都比較一般d。香茅蝦肉片先黎第一份小食就係香茅蝦肉片，同個名真係有d出入，真頭係蝦片上面放d肉同蔥油咁，蝦片咬落唔夠脆，擺耐少少會更淋，所以要快食，調味配料都算ok，如果蝦片再脆返d會較好。腐乳通菜腐乳味都有但不算好濃烈，通茶都幾新鮮爽口，我覺得算唔錯啦。越南粉卷越南粉卷算有少少驚喜，粉皮係有少少厚，味道帶點甜味，餡料都有d木耳絲蘿白絲同肉碎，我覺得幾好食。香茅豬扒雞翼豬扒就比較薄，調味都幾濃，但無乜香茅味，肉質都好淋，但原塊上，2人餐應該幫我地切開d會更好，最後叫侍應幫我地剪開，雞翼就2隻，香茅味少少，唔會炸得好乾，普通水準啦。越式干炒檬檬粉炒得夠乾身，配料都係d扎肉，係個粉比較碎少少，加d是拉差辣醬特別好食。越南春卷呢份春卷係另外散叫，但比較失望d，係新

今晚只叫左兩樣野食1. 牛肉湯河🐮牛肉量都算多，薄薄地好好咬口，唔會過熟整體都算唔錯～2. 咖哩羊腩飯🐑夠濃味，肉都幾滑嫩，撈飯食都好香口👍🏻👍🏻冇乜特別讚冇乜特別彈都算係不過不失既一餐😋👍🏻

豬扒喇沙檬粉平時食開香茅豬扒飯，今次轉轉新口味🥰 喇沙湯底都夠味，帶些小椰香，但檬粉芽菜就唔索汁同掛湯，變左好似分開食咁樣，可能叫番其他麵會好d~最推薦香茅豬扒飯！

4人餐 (A) $418拼盤特色小食拼盤(春卷,粉卷,蝦片,炸扎肉餅)好味指數 3/5 🍭🍭🍭{小食拼盤每件都幾好味 每款約2件 份量如在4人餐上較少｝小食 香茅豬扒一件 雞翼兩隻好味指數 4/5 🍭🍭🍭🍭{豬扒雖然較薄 但醃得好入味 香茅味好突出 雞翼香口 大細適中｝咖喱牛腩煲好味指數 4/5 🍭🍭🍭🍭{牛腩煲不錯 份量很多 咖喱既辣度🌶️1/5 牛腩入味 肉質好腍 煲入面還有很多薯仔 配上咖喱食很合襯}越式干炒檬好味指數 2.5/5 🍭🍭🍬{檬粉炒得很碎 夾都好困難 味道正常 但份量望落很多 如果四人分就較少｝腐乳通菜好味指數 3/5 🍭🍭🍭{通菜新鮮 每啖都食到好香腐乳味｝贈送熱飲(凍飲加$2)整體好味指數 2.5/5 🍭🍭🍬{這四人餐既性價比不高 味道係正正常常 但份量方面 不像四人餐 例如：小食拼盤和雞翼都係每款兩件 炒檬粉又炒得好散 想夾都夾唔起 最正常份量就係菜同牛腩煲 總括：感覺不值$418｝

很少到屯門區件有越南小餐廳面去試一試見午餐有很多選擇包括豬扒雞翼湯可夢粉又有香茅雞翼飯和其他各種炒河價錢40至60多元不算很貴我叫了越式炒米粉，竟然來了一碟碟濕炒米粉，個汁非常杰，像石頭一樣，完全膠水的感覺，米粉碎不得了，有極大的改善空間😫😫豬扒湯檬的檬粉碎到不得了，豬扒只有肥肉完全像沒有煎過一樣，個湯底冇乜味，完全唔知自己食緊乜！普通凍飲例如凍檸茶咖啡加$3，我叫了凍咖啡十分難喝，唔夠味。龍眼冰是唯一正常的還算幾消暑可能是星期日關係，人又多，餐廳非常滿座人又得坐得非常迫，侍應冇乜禮貌，食過不會再回頭的餐廳

呢間餐廳已經好耐歷史，叫左個咖哩牛腩飯同埋香茅豬扒飯味道唔錯，不過就似蔥油豬扒多過似香茅豬扒，成塊扒食曬都係得一啖有香茅味，只係出現過一刻改名叫做蔥油豬扒飯差唔多咖哩牛腩飯，牛腩夠淋，咖哩平衡得唔錯，平平無奇，不過不失

今日同朋友去屯門行山行山前係附近食下個快餐😋😋 🐷 香茅豬扒湯米線 $52（47+5 ）豬扒好大件 成塊上 煎得好香 豬扒邊仲有啲肥膏 肥瘦適中肉質嫩滑多汁唔會鞋 好好食😋而且調味岩岩好😋😋 唔會係死咸味我轉左米線 感覺健康啲😂🙈 個湯加埋啲蔥花 夾埋米線食 好香🥰 所以勁快食完😋😋 唯一想改善係 豬扒切件會易食啲 😆 -另外 仲叫左杯 凍檸茶（加$5）叫左少冰 都仲好多冰🙈😂 少甜真係好似無糖咁 好水 無咩茶味 又無咩檸檬味 😑😑😑

因為好夜 求其揀左呢間食叫左香茅豬扒飯 ，咖哩牛腩飯，蒜蓉包仲有椰汁冰 波蘿冰野食全部都係真係唔差但個杯野飲 我未飲見到佢個樣我已經扯哂火咩叫椰汁冰 椰汁 加冰 用攪拌機 再倒出黎叫椰汁冰波蘿冰 係波蘿 加冰 用攪拌機 再倒出黎叫波蘿冰佢比左杯 水加糖水加啲菠蘿 仲要成$24真係唔好叫野飲 伏到爆

香茅豬扒勁薄勁多油烤豬肉變碎豬肉檬粉碎晒仲林啤啤，檬粉汁又鹹又冇味椰汁人造味濃整體又貴又難食原本諗住呢間野開幾多分店會有質素點知甘伏 唔會再去服務態度正常，不過不失

平日晚餐， 去咗屯門呢間小巴黎 ，叫咗 烤牛肉凍檬 加個凍奶茶， 檬粉 一舊舊有一半食唔到， 凍奶茶又落錯單， 仲想叫我飲凍檸茶㖭， 檬粉已經唔好味啦， 奶茶都冇得飲， 後悔嚟咗呢間嘢。

🚶嚟一個快閃晚餐🍽：小巴黎越南餐廳🧭店舖裝修有啲舊🦧，不過服務有水準👍，等待時間唔長，食物🍜水準高，來一個簡單嘅介紹啦：菠蘿炒飯🍛：睇落平凡一啲🥘，不過食落香氣十足，雞絲🐔、札肉、蝦🦐、飯🍚、菠蘿🍍，蝦🦐用新鮮蝦，菠蘿🍍非罐頭;都係用新鮮嘅，味道唔重，好食👍。10星🌟為滿分一定有8星🌟炸蝦餅🍤：都唔洗點介紹，蝦餅都唔會差，所以簡單啲講，好味👍。10星🌟為滿分一定有7星🌟春卷🥟：呢個就冇特別，紅蘿蔔🥕、黑目耳、粉絲....唔係特別🌯。10星🌟為滿分一定有5星🌟椰汁紅豆冰🥤：椰汁唔太重，紅豆唔過甜，係好飲嘅👍。10星🌟為滿分一定有6星🌟什果冰🥤：估佢唔到呀🤷‍♂️～什果都係罐頭，不過加咩汁落去呢，我都想知？🤷‍♂️好清新感覺，唔太甜，唔似一啲宴會用嘅什果冰...掂，好好飲😍💯。10星🌟為滿分一定有9星🌟☂️以上為個人意見☂️🙇‍♂️(意見分歧者煩請見諒)🙇‍♂️

小巴黎嘅香茅豬扒飯真係好好味，而且喜愛食蔥嘅朋友一定覺得超正，因為除咗佢比得多蔥之外，仲要d蔥好靚，係由食第一啖已經叫咗出嚟。 🤣🤣對上一次食已經N年前，果陣係沙田食，但自從間餐廳搬左去屯門，就好耐冇食過啦，估唔到今次可以食返個回憶，仲要好好食，GOOD !!!

依間舖頭真係由細食到大全因媽媽好鐘意食屯門有幾間分店 但我好似食親都係依間🤔嗌咗一個飯 一個撈檬香茅豬扒飯 $50名物🥰啲葱油超級香 撈飯食真係一流連我唔食葱 都唔會挑走佢一個飯有成三大塊豬扒😂有啲誇張🤏🏻薄薄哋 好淋不過少少偏鹹一啖食晒 飯+蔥油+豬扒食極唔厭香茅豬扒撈檬 $49熱屎辣辣 要食返啲凍嘢🥵酸甜汁好大袋😂車晒落去嘅話 會變成湯檬咁一樣都有好正嘅葱油撈埋啲花生脆啊生菜啊青瓜啊幾清爽 都幾好食不過依個淨係得一塊豬扒唔係好夠喉🥺

男朋友知道我鍾意食呢間越南野個豬扒飯，基本上佢每個禮拜日都會陪我嚟呢度，食飽先至去街市買餸🤗點解我咁鍾意呢？因為個蔥油好好味呀😋豬扒又夠淋，兩樣一齊好夾呀👍豬扒大部份嘅時間都好好味嘅，除非醃肉師傅放假啦，咁個味道就明顯唔同平時啦，真係呃唔到人🤭仲有呀，呢度杯奶茶都好好飲㗎有時我都會叫綠豆冰嘅。今次男朋友食咗早餐未餓，所以呢佢就叫咗個下午茶餐嚟食，份量真係好少，春卷勁迷你囉佢有兩款春卷，問過平時特別cool 果位侍應，佢答完係聽唔出有咩分別咖🤪大部分姐姐都好有heart 嘅，可能呢間舖歷史比較悠久，唔好期待好乾淨。我男友最唔滿意係咸檸七個七喜唔係罐裝，佢次次都中伏🤭 男友都幾中意d 炒粉麵，我就覺得個碟太細，師傅又裝得辛苦，侍應又拎得辛苦，客人都食得辛苦🤣講咁多，下星期都係繼續來🤪