小巴黎越南餐廳 (已結業)

今日接媽咪放工，佢就帶左我小巴黎食飯，平時唔食飯嘅佢，今日竟然即刻叫左個香矛豬扒飯炒底多蔥，同一個小食拼盤。難怪佢咁鍾意食，豬扒應該秘製過，個汁好濃好好味，帶少少甜味，非常開胃，連我都愛上了❤️

難得黎到屯門，就同家人去了食小巴黎，因為都好耐冇食小巴黎了😬😬。環境都很美很舒適，但係坐下的時候覺得座位比較狹窄😅😅，不過都唔緊要啦，睇d嘢食都好似好吸引😋😋我就諗了好耐想飲龍眼冰定珍多冰好，最後都係揀咗珍多冰，因為我有嚴重嘅選擇困難症🤣😅😂我就叫了一個烤豬肉湯可走葱呢個香茅豬扒飯就係家人的，個香茅豬扒超級好味👍🏿👍🏿😋😋呢個係軟殼蟹，但係麻麻哋😝😝腐乳通菜價錢便宜，而且好味，讚👍🏿青檸梳打絕配😋😋😋

店名：小巴黎越南餐廳地點：屯門新墟仁政街6-7號慎成大廈地舖G/F, ShunShing Bldg, 6-7 Yan Ching St, San Hui, Tuen Mun，電話: 28129582當天行山後，返回屯門西鐵站附近，見到有越南餐廳，便幫襯了。(1)  茄汁什錦金邊粉(加了茄汁)；(2) 薄荷大菜冰。共一人享用本餐，共五十元。食物的色香味如何：l 什錦金邊粉夠特別，有豬肚且很爽口，餸菜多(除了豬肚還有蝦碌和肉片)；l 紅蘿蔔片十分軟，咬下去並非”索索聲”，加上滲入了茄汁，因此份外可口；l 額外加了茄汁，因此很開胃；l 大菜冰不是每間同類餐廳均提供，所以較特別且涼喉止渴；環境：可能農曆新年後一個月，店舖仍然掛著紅彤彤而有傳統公仔的燈籠和龍的摺紙裝飾，有中國特色。 服 務：一般。衛生：普通。抵食：一般。

小巴黎很耐冇嚟，分店只有兩間，也在屯門，今日來了晚餐。環境優美，餐牌吸引。有好多圖片呀！！香茅豬扒飯，好大碟，一樣的兩塊豬扒，很多葱，十分之香，豬扒非常之淋同入味，好好味，惹味的葱加飯食最正。雞絲湯濛，好大碗，好多葱粒同雞絲，清甜湯底，濛粉幼身入味。雞絲吸了湯汁也好好味！越式米卷，豬肉加蝦，加酸汁一齊食好味，蝦大隻，有菜有肉感覺健康！！春卷，香脆，入面有粉絲加肉，可能d油少少老有d油味，包生菜也是好味的。價錢還是一樣抵食，好多人來晚餐！不停進進出出！！

小巴黎越南餐廳- 鮮牛肉河 ($40)- 香茅豬扒河 ($40)- 烤牛肉河 ($41)- 什錦金邊河 ($43)- 越式拼盤 ($99)熱飲+$3 / 冷飲&特飲+$5 伏！首先個拼盤完全唔值呢個價，D野食好乾好油朋友個烤牛肉河一上到黎，心諗牛肉呢？得一堆肉碎，碎既程度令呢碗野可以改名做免治肉碎河而什錦金邊河，比我既感覺係佢有咩料多左就煮入去咁，雖然比其他河貴兩、三蚊，但D餸完全不吸引，倒不如叫返其他河，至少你會知有咩餸唯一比較可取係香茅豬扒河，其他就正正常常。想食飽的話，小巴黎的粉麵絕對滿足到你。但我相信同區其他店都可以幫到你。呢度最開心係可以坐好耐，因為9成9時間都無人等枱結論：就算住附近，有得揀都唔好入去

食親越南野都會想食小巴黎，今次食烤豬肉湯檬，好味道，男友人食沙嗲牛河，佢都話好味嘅，仲叫左馬拉盞通菜，有啲辣，唔食通菜嘅男友人都話好味。到左第二日，男友人話半夜嘔，但我就無事，可能佢腸胃較常人敏感。

如果是屯門人，應該不會陌生小巴黎越南餐廳吧。我亦有差不多一年沒來這用餐，因為它的味道已不及當年，還記得小學時爸媽很愛帶我來吃撈檬與炒米，中學時則常常來吃#午餐。今天點了兒時最愛的越式炒米和珍多冰，但真的比從前差太多。炒米雖然一大盤，而且肉的配料頗豐富，有豬肉，雞肉和牛肉，肉質鬆軟，但全都是用梳打粉的關係。米粉醬汁淡而無味，且無鑊氣。整盤米粉最好香居然是炒#雞蛋，真是我的天。加了5元的珍多冰同樣失望，珍多冰欠缺椰汁香氣，椰汁混合大量水，故喝不出椰子味，同時粉條切得太幼細，吃起來不方便，且沒口感。

幾年無食，估唔到而家啲質素變到咁差！叫左個春卷湯檬粉，下午茶時段，成間餐廳得小貓三四隻，都要等15分鐘先上湯粉。黎到，嘩，湯就多嗱，檬粉又少又碎又淋，都唔知浸左幾耐？啲春卷仲離譜，未試過咁難食嘅春卷，係就係炸到脆卜卜，但裡面嘅菜都唔熟。仲有杯凍檸茶，食到差唔多完先送黎，大佬，沖呢啲最普通嘅飲品洗唔洗等半個鐘？仲要唔係繁忙時間喎。最後都食唔落啲春卷就走人，去埋單先谷氣！點解價錢唔同左嘅？唔通有加一？問佢啦，個阿姐串爆咁掉張單比我同我講：檬粉加$2，凍飲加$5。。。但餐牌明明寫凍飲加$2，點解變左加$5？一問，佢又西面答：假期加$5！嘿嘿，我真係估唔到非紅日嘅星期六佢都當假期囉。。。講真，你要搞咁多魔鬼細節黎加價，不如直接加價或者加一好過啦，鬼鬼祟祟真係令人好反感，仲要態度咁差添！總之我係以後都唔會幫襯佢囉。比錢買難受！

Outing 完屯門落車點找食, 打開GOOGLE地圖......食店荒原, 喺附近行咗陣, 只係見到一間茶餐廳及這間小巴黎, 冇得選擇之下, 當然是好耐冇食的小巴黎。椰汁三色冰 ($20)我杯三色椰汁冰夠冰凍, 椰味都幾香濃, 大熱天時飲.....涼到入心入肺, 爽!豬扒檬豬扒不是厚切, 好薄好零碎, 豬扒有少許香茅味, 炸得香口, 幾好食, 爽口檬粉加左檯頭的越式撈檬汁, 酸酸辣辣, 夏天熱辣辣冇乜胃口食嘢不錯的選擇。越式拼盤炸蝦餅、炸春卷、粉皮卷及炸雞亦, 除咗春卷外, 其他不吃也罷, 蝦餅無蝦味, 也不彃牙, 炸雞亦好乾, 真係好一般的拼盤。牛肉炒濕河個人好怕食濕炒, 無論系濕炒麵、炒米、炒河及汁飯也怕, 那個杰撻撻的汁, 見到都唔想食, 奈何朋友又鐘意濕炒, 牛肉份量頗多, 但醃制過度, 冇乜牛肉味, 個汁味道其實ok, 味道適中, 河粉不至於爽彈, 幸好也不漿口。鹹魚通菜炒得香但很油膩, 鹹魚落得太少, 唔夠鹹香。數年前好鍾意去荃灣間小巴黎食凍檬, 可能太耐冇食小巴黎, 我覺得味道差咗好遠, 而家嘅檬粉係室溫上, 不凍的, 以前豬扒是厚切的, 又香又joicy, 現在薄得可

叫左碗沙嗲牛肉撈濛，食左幾塊發現個味怪怪地，夾起左哋牛肉片望到中間仲係紅色出血水未熟，個收銀呀姐仲寸咀話：你咪當生牛肉飯食囉，平時生牛都唔熟架啦！我即刻叫佢試食，既然佢講到生食都無問題！呀姐你到底有無常識， 腌制牛肉塊唔係新鮮牛肉片，已經腌完加唔知放左幾耐，仲話生食唔熟都無細菌無問題！間嘢衛生同環境愈來愈差，又多小飛蟲飛黎起飛去，想肚疴嘅話或者可以去幫襯。

行完街已經差唔多11點走左去新墟呢邊發現小巴黎仲有開就決定食呢間原來佢地收12點一人叫左一個粉面另外仲叫咗個通菜最鍾意就係啲粉加埋魚露酸酸甜甜勁好食又開胃叫咗個雞翼河 鮮蝦扎肉粉 同埋一個生牛河 朋友仲要叫多芫荽同蔥下次行街夜又餓可以黎呢邊搵食

今日難得一田大減價，決定同老婆一齊往屯門一田血併。血併很浪費體力，所以食飽先好去做。時值午飯時段，v city 每間餐廳都爆滿。唯有穿過橋到新墟食午飯，於是找到這間小巴黎餐廳。小巴黎以前在荃灣也有分店，想當年讀書時代，也曾光顧這餐廳無數次。幾乎餐牌都不用看，我肯定會點豬扒雞翼飯。很喜歡這種葱油汁，䓤香令人越食越開胃，送飯一流。雞翼咬落脆口，豬扒也肉質鬆軟，但相比以前的小巴黎，這間小巴黎味道較平淡，價錢貴了，份量也較細。如果想念舊，小巴黎依然是值得一試的餐廳，但對食物質素就不要抱太高要求。

今日同班朋友玩完board game，之後就有人提議去食小巴黎，初時都搞錯左係另一間，食泰國野ge小曼谷一坐底印象中係好耐之前食過ge，我地一行7個人，就分別叫左兩個套餐，二人餐B同四人餐B，其實份量都唔算多，但都夠7個人食ge，有兩碟通菜（馬拉盞、腐乳）、粉皮卷、蝦餅片、春卷、炒飯、炒檬粉、炸扎肉片、兩碟雞翼豬扒小食，再加碗生牛肉河，整體都不過不失😋可能太肚餓ge關係，最深刻印象係杯熱咸檸蜜，第一次飲覺得幾特別同埋飲落好舒服，應該對喉嚨幾好ge，太好飲關係都無咩影相luPS.真係太肚餓ge關係，每張相都係食左少少先記得影🤣

小巴黎我從中學開始就幫襯，由以前廿幾蚊食到而家四十幾蚊一碗檬粉，味道依然是我最愛的。今天星期六的下午，同朋友再去食檬粉，我叫左扎肉雞絲凍檬，因為轉檬粉要加$2,所以餐牌$40 扎肉雞絲河粉轉檬粉就是$42, 加餐飲$5可選凍飲或特色飲品，加$3 就是熱飲。我叫左杯椰汁綠豆冰。喜歡綠豆有嚼勁，越嚼越香，浸住椰汁，超香甜的味道，又不會甜到漏，是夏天好選擇，不過下次可以試椰汁三色冰，朋友叫左一杯好正，都有綠豆的，加埋三色冰一齊食層次更豐富。扎肉雞絲凍檬，大大碗檬粉，起碼份量和用料都足，灑上的花生碎炸蒜蓉都好多，令味道更香，食檬粉時又有香脆口感。檬粉爽口滑嘟嘟，加魚露撈埋，酸酸甜甜，佢呢d魚露是不辣的，味道不會酸到攻鼻，十分開胃的酸甜味。我喜歡食辣，加d是拉差辣椒醬調自己適合的辣度，更加惹味！雞絲其實是無咩味道，食撈檬是喜歡d粉和餸浸住魚露吸味才食，所以魚露一定要好味。扎肉，好爽口彈牙，味道就像手打魚蛋般，貪口感夠爽有嚼勁。食到碗底還有d青瓜絲和生菜絲，令整碗檬粉味道更清新，中和一下不會太濃味。總結是，小巴黎的檬粉真係保持水準，之所以喜歡食凍檬，秘密在於佢個魚露囉！

細個成日來食, 呢幾年都無食過, 以前平靚正, 今次再去, 貴左, 但D 野食, 整得求其左越式濕炒金邊粉: D 粉太碎了, 又少。配料主要是豬肉片同蛋, 味道OK GE, 唔會咸。越式拚盤: 90蚊, 每樣野各2件, 粉卷入面無乜餡, 得好少肉, 食粉皮多.... 雞翼同魚餅正常質素, 其他唔記得係咩了BTW, 阿姐好似不太禮貌, 趕頭趕命咁... 講慢少少都嫌慢, 話一陣先再落單....