影片
港铁宋皇台站B3出口, 步行约4分钟
继续阅读
电话号码
23833387
营业时间
今日营业
11:30 - 16:00
17:30 - 23:00
星期一
全日休息
星期二至日
11:30 - 16:00
17:30 - 23:00
公众假期
11:30 - 16:00
17:30 - 23:00
以上资料只供参考，请与餐厅确认详情
白汁青口配面包，一绝！香草面包新鲜软熟，配牛油已经好好味，再点埋啲白汁更美味无比。唔食蓝芝士嘅我，却好钟意小店既蓝芝士意粉。呢度款款意粉都好好味，不容错过！甜品方面，芝士挞系我至爱，其他甜品如疏乎厘、夹饼、心太软、布甸、拿破仑等等，也回味无穷，每次都有选择困难症！加上可爱的卡通公仔，好有特色！呢期仲有最hit 嘅labubu 添啊头盘沙律、黑毛猪扒、牛扒也很推介呀，耐唔耐都要嚟帮衬下。呢度嘅冻柠茶也好好饮，有柠檬味，又有茶味！
继续阅读
食过好几次唔算系熟客，但系因为食物水准keep到性价比高，所以都有介绍身边嘅人去食。二月头同朋友庆生都book咗枱，打电话book枱嘅时候亦都知道有最低消费每位$250，唔系大型连锁食肆有最低消费，当然合理！最紧要系有质素嘅小店好想支持唔想俾大财团垄断晒！今日再打电话book枱同屋企人庆生，六位大人一个两岁半一个手抱BB，听电话𠮶位女侍应竟然讲最低消费需要$2000，问咗几次手抱BB都要照计？未满三岁都要照计？语气态度唔好被告知收费系计人头，一直唔肯正面回答究竟手抱BB系咪要计数，只系不断语气态度唔好咁讲佢哋系计人头有最低消费，系老板决定。然之后我问如果六个大人收费如何，就直接答我$1800，同佢讲一个月前订枱五位大人最低消费$1200点解而家六位大人订枱变咗$1800？最后叫我考虑清楚先谂吓需唔需要订枱！冇回答过我嘅问题！喺附近放工索性谂住去舖头问清楚，顺便可以即场订枱，点知老板又唔喺度，应该又系晏昼听电话个位态度奇差嘅嘅女侍应同我对话，继续一贯态度差的作风，话系老板今个礼拜要求最低消费、唔理晏昼𠮶位女侍应同我讲咗啲咩总之而家佢同我讲就系计一个座位最低消费$250…叫我唔好同佢拗，总之而家佢同我讲系咁就系咁😊整段对话都冇正面回答手抱BB未满三岁系咪都要照计最低消费。希望老板睇到，知道饮食业艰难，作为顾客除咗想食得好亦都想支持香港嘅小店，但系如果前线面对客人嘅侍应态度可以咁差冇礼貌咁赶客乱咁说话，几好食嘅舖头我都唯有同佢讲拜拜。
继续阅读
揾位度：🌟🌟好食度：🌟🌟🌟🌟抵食度：🌟🌟🌟🌟九龙城嘅中午可以话到到都冇乜人，但唯独呢间小店呢真系成日都要排队，讲紧呢佢中午呢大概系$60左右可以食到个扒，讲紧𠮶个质素啊，都唔算太差。如果预算容许非常之推介，可以食佢嘅烩牛尾配埋个餐包，个质素大概真系要去到中环食紧$300嘅quality，讲紧依度只系买你$90。有听闻过依度嘅甜品都系唔错，不过我暂时未食过晚市，虽然比起午餐就会贵唔少，下次食完再同大家报告。
继续阅读
食店食物性价比高，帮衬了这小店已两三年，已当了食堂的小店，可惜老板娘？安排座位态度差劲，同意齐人才入座安排，得两个人要我搭枱也不介意，但有两张二人枱，前后均无客人等位，硬要我搭枱的安排及态度非常不合理，系，而家生意好左，唔怕得罪食客。但长始下长，因小部分人态度间题，那怕你怎好食，客不是来受气的，迟早不回头。喜欢这里的氛围及食客（常客），食物水准稳定，环境算干净，很多香港食巿做出少少名气后，无论食物水准及服务态度均下跌，由其女的态度真的受不了。
继续阅读
今日放工晏咗，就约老公出外晚饭，去咗我喜爱嘅九龙城「小店」，作为对自己的鼓励。大家先嚟一杯红酒，再慢慢点菜。头盘要咗一个靓靓cold cut拼盘，清凉一下。之后主菜我嗌咗茄干蒜片意粉，仍是一貫的清新和al dente。老公就嗌咗佢喜爱嘅牛筋骨 。甜品是木糠布甸和芝士挞，仍是一貫的高水准，碟上还有老板娘亲自画上的可爱卡当作伴。😀经过一日嘅辛劳之后，能够在「小店」这个安静又舒适友善的环境吃一顿美味的晚餐，为自己加一加油，很满足，明天又有力气继续工作。也见到本地小店舖用心而出色的表现，大家在各自的岗位上努力。
继续阅读