影片
港铁荃湾站 B3 出口, 步行约5分钟
继续阅读
营业时间
今日营业
11:30 - 20:30
星期一至六
11:30 - 20:30
星期日
13:00 - 20:30
公众假期
13:00 - 20:30
以上资料只供参考，请与餐厅确认详情
28-5-2025（Wed）老公放工后，喺呢喥买粽，顺便买多几只粽俾佢同事试，有各$50.00一只嘅绿豆瑶柱咸蛋黄咸肉粽，红豆瑶柱咸蛋黄咸肉粽，小米粽;各$30.00一只嘅班兰水晶豆沙粽，珍珠水晶奶黄粽，珍珠水晶紫薯粽。所有素甜粽系用西米做，而咸粽就绿豆同红豆用糯米做，老板娘话，用小米做系俾唔食得糯米嘅人士食，真系好体贴。由于当晚食饭都食饱咗，我哋唔食住，翌日(29-5-2025 Thur)朝，老公whatsapp我，话同事试食咗赞好食，清清地，重话要买半打绿豆瑶柱咸蛋黄咸肉粽，搅到我好想即刻食，由于我哋冇绿豆瑶柱咸蛋黄咸肉粽，所以我都叫老公呢晚补埋，亦都买多只绿豆瑶柱咸蛋黄咸肉粽同水晶奶黄粽俾我同事。我上佢哋社交平台，睇到话如果要5只以上，可以用whatsapp订，就叫老公订，而佢哋经一轮交谈后，就系水晶奶黄粽沽清。我问可否再做，1-6-2025（Sun）攞？最后系答啲粽卖晒，明年请早。但到收工，店方话：一系嚟睇有咩粽就买咗佢，一系佢哋呢晚收舖后再包，但甜粽只有珍珠水晶紫薯。我答两样都要，最后老公再去间舖，扫咗8只杂锦粽返嚟，老板娘话咁啱订咗货嘅客，呢晚嚟唔到攞，就让俾我老公先。而因为有老公同事赶住31-5-2025（Sat）端午节俾佢爸爸，所以我将6只杂锦粽（主要系咸粽）俾晒佢哋先，剩返2只珍珠水晶紫薯粽，但我要补多2只绿豆瑶柱咸蛋黄咸肉粽，一只我哋，一只俾我同事。咁佢就whatsapp店舖，佢应承话30-5-2025（Fri）有得攞。咁我哋喺29-5-2025（Thur）晚，特登唔食饭只食𩠌，然后食粽，自己有红豆瑶柱咸蛋黄咸肉粽，小米粽，班兰水晶豆沙粽同珍珠水晶紫薯粽各一，每只都用唔同颜色嘅绳绑扎住以兹识别，我哋就先蒸小米粽同珍珠水晶紫薯粽先。蒸好食得，先打开小米粽食，外表有少少核突，黄色，同因为佢唔似糯米咁平滑，切开睇，馅料嘅份量唔少，食吓先，小米嘅口感同糯米差唔多烟韧；咸蛋黄色泽金黄唔干；咸肉虽然系全瘦，但唔柴皮；食食吓，原来有原粒粟子，可惜呢粒粟子唔靓，有啲苦；而成只粽系唔会太咸。4分然后食珍珠水晶紫薯粽，拆开睇，西米表层变咗青绿色，口感都烟韧，但有啲西米系熟咗但唔够腍；紫薯馅唔太甜，几好味嘅。4分30-5-2025（Fri），老公放咗二后就去买埋绿豆瑶柱咸蛋黄咸肉粽返嚟，不过呢晚我哋系食红豆瑶柱咸蛋黄咸肉粽同班兰水晶豆沙粽，先食红豆瑶柱咸蛋黄咸肉粽，睇见红豆系同糯米捞埋一齐，唔系只系馅，食落，糯米烟韧够味，红豆够腍，咸肉唔太咸又唔柴，瑶柱同栗子各一粒，呢只栗子正常冇问题喇，成个粽都几好味。4分班兰水晶豆沙粽呢，颜色同珍珠水晶紫薯粽差唔多，不过深色啲，食落，班兰味唔多够，豆沙正常冇问题，不过同珍珠水晶紫薯粽一样，有同一问题，就系有啲西米未完全煮透，应该系因为西米包到厚度唔同关系，厚𠮶边难熟透而有少少硬，睇嚟佢哋要研究点样解决呢个问题。2.6分到1-6-2025（Sun）朝，我同老豆蒸绿豆瑶柱咸蛋黄咸肉粽做早餐，切开睇，啲馅同红豆瑶柱咸蛋黄咸肉粽一样，当然红豆变绿豆，呢个都系熟悉嘅味道，正常冇问题。3分服务：我同老公讲，我睇返过往包括旧舖(https://www.openrice.com/zh/hongkong/r-%E5%B0%8F%E5%BB%9A%E7%BE%8E%E9%A3%9F-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r605407)嘅食评，好多都话老板娘态度差，但我哋上次完全感受唔到，佢好好人，好好倾（食评系2025年3月29日提交嘅呢篇：https://www.openrice.com/zh/hongkong/review/y-%E7%94%A8%E5%BF%83%E8%A3%BD%E4%BD%9C-e5973550）。老公话佢一路同佢whatsaap倾，都feel到佢寸寸地，不过佢又会提客人，啲粽要放雪柜上格，食之前放下格解冻后蒸。同埋预早订每只会平几蚊。我谂佢本性系善良，只系讲嘢太真太直啫。抵食系2.7分
继续阅读
声称烧卖关注组排行no.2 。我本人就冇fact check la。但路过见到咁抢眼嘅banner就买来试吓。买左款最经典嘅，价钱都算合理 。经典鱼肉烧卖 $14/6鱼肉烧卖食到有鱼肉味，口感烟韧但唔会好似落咗好多粉个种。落单前记得示意要加辣，辣椒油系麻辣，非常之香，而个种麻系舒服嘅，有少少麻庳系条舌头到，绝对唔系好夸张个种科技麻辣。路过嘅可以买来试下，佢仲有好多其他唔同款式嘅烧卖，不过个日太饱就冇买来试lu.
继续阅读
行过哩间之前未见过的舖头，写到自己系烧卖关注组第二位，咁咪试下啦！睇中个烧卖粥套餐因为可以试两样野。鱼肉烧卖6粒(2分)-食落吾系平时食开味道，黐口。-鼓油系食烧卖重点，亦系平均水准以下。柴鱼花生粥(2分)-非常够热，味道都算OK，-分量比荃湾粥铺可能无一半。环境(2分)- 价钱同荃湾粥铺差不多，但细间又无得坐- 服务(1分)-佢话系烧卖关注组第二，但问过关注组根本无排名(见附图)，感觉做假。-只收现金。抵食(2分)-由于味道已经非常一般,加埋分量细，环境差，所以低分。
继续阅读
今日行过嗌咗个杂锦烧卖，烧卖味道相对普通，但系辣油几好味，不过唔辣。因为朋友唔食辣，所以叫佢将辣油放系旁边。试咗一啖之后觉得辣味不算浓，所以同店员反映叫佢加多d辣，点知个店员西口西面好晦气同我哋讲加几多都唔会辣，态度极差，虽然最后都有加俾我哋，但系咁嘅服务态度一定唔会再帮衬，何况又唔系真系咁好食！之前佢未搬舖头系转国位都食过，虽然唔可以话服务好好，但系都唔会西面令人难受！今次试完之后，俾钱买难受！永冇下次！
继续阅读