小方糖甜品 (天晉滙2)

营业中

休息中

一行六人夜晚想搵個地方甜品大商場多人某甜品店唔夠位坐就去左另外一個少人啲嘅商場，座位比較多而且空間感幾大.#香蕉船40 蚊有找有3 個不同味道雪糕球大大個仲有小朋友至愛星星餅朱古力脆條仲想點？ 仲有香焦真心抗通脹，搵日唔食飯當dinner 都得.#朱古力心太軟個賣相好有心思唔頹，有兩個雪糕球勁大個. 朱古力心流心好味！#炭燒藍山咖啡雪芭炭燒味好出，咖啡味香濃超好味，不過比較奇怪中間嗰舊係涼粉？？#朱古力棉花𣲙軟棉棉朱古力冰配上香蕉等配料賣相味道等絕佳.#榴連蛋白燉鮮奶Well 唔食榴連冇試但據說美味非常養顏#椰汁雪糕涼粉香滑椰汁配上兩個雪糕球仲有涼粉涼透心

滿心期待的椰皇🧉說真的裏面糖水有點甜但湯圓不錯😆👍原本是貪他的椰肉才叫的但是太硬根本弄不下來🥺店員說是因為這輪入的椰子也是這樣但唔多唔少還是有點失望🥲另外這是朋友叫的聽聞說很好吃👍

同同事喺附近食完下午茶原本只諗住買蛋撻，見到隔離有間糖水舖啱啱開舖，於是提意食埋甜品先。好開心可以幾個一齊坐低食，好耐無喺甜品舖食過甜品喇。點咗兩個拿破崙，可以share一齊食。黃金拿破崙，啲cream唧得有啲隨意，用酥皮中間空心一篤就碎，不過好食嘅。朱古力粒粒拿破崙，呢款係一粒粒嘅小酥，每啖一粒，食得更方便。椰皇湯丸芋圓燉蛋白，蛋白好滑，有陣椰香味，又有多款配料，好味。香芒小丸子。蛋白杏仁露，呢個都好味。

同fd食完晚飯，食甜品絕對係唔少得la🤣今次食嘅係芒果小丸子椰皇燉蛋白🥥我最愛之一😍食芒果最緊要就係唔酸要夠甜～大大個椰皇🥥小九子同芒果份量都好足👍🏻燉蛋又夠滑😋真係超好食😚😚依間都有好幾間分店 我今次就係將軍澳分店買嘅～大家去開都可以try try呀~

(自費食評) 好味的甜品🤩😍今天我們三人來到這間餐廳吃甜品做宵夜日式紅豆豆腐花 $35元雖然賣相不太吸引，但豆腐花很滑，內含小丸子，紅豆比較抵食份量又不少，合理啦黑白配 $38元賣相十分吸引因為有兩個雪糕球，一個是朱古力味。另一個是雲呢拿味。這兩個雪糕球也比較大，十分大方了。這款甜品十分足料，包括：小丸子，仙草(涼粉)，珍珠，再配花奶，十分完美，非常美味龍珠超 $40 再額外加+$10一個雪糕球(曲奇味)，因為本人愛吃雪糕，所以加了。這款甜品也十分足料，包括：小丸子，珍珠，芒果雪糕(大球)，雲呢拿沙冰，椰果肉，十分正

【 🍶蛋白燉鮮奶 】---💰價錢：$28～～～📍評分：8.5/10～～～⏩ 作為鍾意食甜品既女仔🙆🏻‍♀️，同時作為好怕凍既女仔，食返d暖笠笠既甜品lor🤣！食完呢餐甜品，表示：好掛住以前旅行食既雙皮奶🥹！好想出走‼️～～～暖暖既蛋白燉鮮奶，口感非常之滑溜😚，入口超嫩滑啊！滑到食完之後有種錯覺 —— 自己既皮膚都變得咁白白滑滑嫩嫩🤡……應該係除非唔係😹！入返正題先😂，蛋白燉鮮奶好有奶香味🤤，係好鮮又帶微甜既奶香🍶！食完唔會太膩但又有滿足既感覺👅！～～～✅ 整體黎講，小方糖其實甜品種類都幾多🤔，我都好耐冇黎小方糖食，但質素都keep到😌，都係個食甜品既好去處👻！～～～性價比：4/5回頭度：4.5/5賣相：4/5環境衛生：4/5服務態度：4.5/5

🤗 小編嚟到將軍澳做嘢，趁機會試下附近嘅小店，依次想食下糖水。[ 亂闖試食 ]🥣 椰皇湯丸芋圓燉蛋白 😋😋😋😋送到上嚟熱辣辣♨️，椰皇🥥內有一層椰肉，三粒黑芝麻湯丸，流沙質地；椰汁加埋蛋白，好香、好奶滑、微甜，仲有些少西米同芋圓，一碗糖水有多種口感。😚下午茶 💵💵 約港幣$60/人😆 店舖要花啲功夫先搵得到，真係唔識路，建議大家主動問下街坊。平日下晝唔係好多人，3點先開門。地方夠大，約有幾十個座位。店員對學生尤其親切，亦係三五好友聚腳，邊食糖水邊傾下偈嘅好地方。☺️

疫情不想落街食嘢，又口痕想食糖水，于是叫外賣 搜到呢間小方糖。啖見圖片好似幾好味，最低消費$60,最後都決定試下。一個綠豆沙，內有海帶，冇咩渣，幾乎都係水，味道合乎我口味，有的太多渣，香草味太濃，唔係太鍾意，呢個味道認真可以，但見下圖，份量認真迷你，一分鍾兩啖飲哂，唔值$28，咁嘅價用平時餐廳裝調味料的盒裝，重要得半盒，你收得又唔平，7-11賣$18你賣$28使唔使咁迷你？焦糖燉蛋$46值？差唔多出邊一餐飯價錢，但僅兩湯匙份量，勁好笑，一隻蛋幾錢？需要做到咁？認真唐水鋪好多，做到咁小氣，又賣到咁貴，條氣好唔順，千祈咪幫襯，會嚇襯，價錢同質素不成正比

今日叫左三個甜品，一個糸泰式芒果黑糯米，味道還可以，芒果份量較少，另一個蛋花銀杏薏米腐竹糖水，味道唔錯，夠熱，最後一個勁薑蕃薯糖水，暖唔夠熱，下午茶時段都唔糸太多人

位於將軍澳唐俊街12號天晉滙二期地下G09號的小方糖甜品是將軍澳數一數二的糖水鋪一黎選擇多二黎佢嘅甜品相當有心思今次試左佢嘅心太軟配三球雪糕 時間大概15分鐘 佢嘅裝飾十分次用心 係會有驚喜

最近食開糖水都係外賣糖水，所以多數都係叫中式外賣，例如芝麻糊咁樣本身都諗住叫外賣算，點知突然望到個餐牌就好想食心太軟。咁就試試個心太軟啦，仲有得加雪糕！等啱啱食完嘢所以+2球就算！但可以加三球，有少少後悔冇加到。因為佢啲雪糕好正，個心太軟都唔錯。但係個雪糕更加正！值得去試吓。

位於將軍澳天晉匯二期嘅甜品店。每一次堂食及叫外賣熱嘅甜品永遠都係唔熱，好明顯佢一早整好再放入微波爐叮。食物質素很差，叫咗幾次薑水湯圓及杏仁露永遠都係微暖完全唔掂，另外收銀態度惡劣，完全唔優做咁！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

呢排疫情咁嚴重，唔想堂食買外賣返屋企食一樣咁滋味❤️🥥椰皇蛋白蓮子燉雪燕 $55✨呢個係冬日熱門產品之一！食落椰汁味好香，裡面仲有蓮子同雪燕，好足料🤤燉蛋白夠嫩滑，十分滋潤！用左椰皇殼裝住，更加igable📸🥭芒汁雜果涼粉 $44✨面頭鋪滿唔同種類既水果，賣相吸引😍涼粉爽滑Q彈，唔會太甜！都唔錯～🍠勁薑蕃薯芋圓糖水 $28✨呢間既蕃薯糖水薑味好重，又唔會好辣口～裡面仲有芋圓同湯丸，煙煙韌韌好好味👍🏻

相信好多人都食過「小方糖」，佢哋已經有6間分店啦，而家屋企附近都有，襯住甜蜜日子就破戒一下啦有中西糖水甜品，冬日系列，燉品系列，好多選擇，大家可以試熱門燉品：雪耳蓮子燉湯、雪耳百合燉湯、雪耳百合蓮子燉湯、杏汁蓮子燉雪燕、椰汁蓮子燉雪燕🥥椰皇湯丸芋圓燉蛋白💰$52平時甜品都好鐘意食椰皇燉蛋白，滋潤得嚟又唔會太甜，今次仲要咗湯圓，團團圓圓，芋圓亦係我近排好鐘意食嘅，煙韌彈牙🥥椰皇蛋白蓮子燉雪燕💰$55另一碗係加咗雪燕，好啱女士，養顏護膚，食落有啲似燕窩，晶瑩剔透幾滑身，蓮子養心健脾，整體味道好，唔太甜又滋潤，椰汁味香濃🥭芒果班戟💰$32細嗰成日食，而家重拾童年回憶，班戟皮薄，入面好多cream🚩小方糖甜品📍荃灣，寶琳，將軍澳，旺角，九龍城，九龍灣

無得堂食，唔止要外賣晚餐返屋企, 連甜品都要外賣去咗天晉匯商場嘅小方糖，買咗兩個甜品一個係熱嘅椰汁燕窩燉蛋白$58，另外一個係凍嘅楊枝甘露 $38椰汁燕窩燉蛋白，成個椰子殼外賣帶走，蛋白好香好滑，返到屋企仲暖，燕窩分開一個杯上，燕窩食嗰陣先倒落去，食完大滿足楊枝甘露都好足料，有西柚肉同埋芒果肉，芒果汁超濃超香，凍食食完透心涼估唔到外賣水準都唔錯📍小方糖甜品 (天晉滙) (將軍澳)將軍澳唐俊街12號天晉滙二期地下G09號