小方糖甜品 (荃好景大廈)

营业中

休息中

小方糖💛🍰黎荃灣食甜品既就會自然識得黎到路德圍，今次就黎左新開既小方糖食下甜品，依加仲有荃灣限定的🌸養生花果茶系列，絕對係打卡之選，可以自由配搭3款甜品同3款養生花果茶，❄️令你可以喺冰凍的天氣帶來溫暖！💡不設加一服務費📍荃灣店限定：養生花果茶系列($48)💁‍♀️朱古力粒粒拿破崙👍“拿破崙超酥脆 咬落去食到超多層口感""仲有朱古力醬 煉奶同埋朱古力雪糕一齊食 超邪惡喔"💁‍♀️熱帶水果茶👍"喺冷冰冰的冬天飲番杯熱的水果茶 即刻暖笠笠 仲有酸甜橙味加清香茶底 養生之選！"

今日約左朋友去荃灣黎個黃店food tour~ 我地已mark實好幾間一陣要嚴厲咁懲罰下佢地 ！其中小方糖呢間係我既first pick ，去過佢地其他分店，好多款甜品都做得好出色，上網睇過荃灣店有個限定養生花果茶系列，咁就梗係要試試佢啦 花果茶系列有 3款茶品，分別係玫瑰美顏茶、皇菊明目茶同熱帶水果茶甜品呢亦都有 3款：蜂蜜梳乎厘蛋糕、朱古力粒粒拿破崙同埋原味/綠茶味可麗露 大家可以自由mix &match~~~~我地兩個人叫左個熱帶水果茶拼朱古力粒粒拿破崙 share (一陣仲有幾間黃店要試!) 嗰時仲未好多人，我地可以坐多陣嘆嘆花茶慢慢傾下計。傾住計等左陣個甜品就黎到，嘩好精美既一個set ~~粒粒朱古力拿破倫：拿破崙餅皮非常香脆，喺店家細心咁將切至剛好一口嘅size，喺上加埋煉奶，朱古力醬，忌廉，再配合埋呢個充滿左粒粒朱古力碎嘅朱古力雪糕，令到味道口感都有更多嘅層次。熱情果水果茶：凍凍地嘅天氣最啱就係飲返杯熱辣辣嘅水果茶，叫左呢個熱情果水果茶，入面有濃郁果香嘅百香果，酸甜十足嘅菠蘿，健康之選嘅西柚，仲有果汁滿滿嘅橙，加埋清香茶底，係下午茶嘅不二之選。

我一直都是甜品迷來的，最近試了小方糖甜品的芒果丸子西米露，和芒果雪糕 pancake,西米露裡的丸子軟軟糯糯的，西米又Q又彈，新鮮的椰汁和芒果，充滿了口腔，滋味無窮。 酥皮有3塊，好鬆化又脆，每層上面都鋪滿新鮮香甜大大粒的芒果和軟滑的奶油。 店鋪裝修雅緻，環境乾淨，甜品也好吃，值得下次再來品嚐其他的甜品。 小方糖甜品 荃灣 Sugar Dessert

在荃灣吃完飯還是想到路德圍走走(順道看一下豆腐花之戰🤪)還順道看到小方糖開了新店，當然入去一試吧🤤👦🏻見到menu上一大頁龍珠theme的東西，揭了兩下還是停留左那頁，然後好高興的點了這個龍珠改，雲呢拿沙冰＋小丸子＋新鮮龍眼肉＋椰果！雲呢拿沙冰超好吃的呀🤤而🧒🏽看到炭燒藍山咖啡雪芭是沒法抗拒(在👦🏻在選龍珠的時候已經選定了🤩)咖啡味超級濃的呀炭燒感很重，中間的奶凍加上一旁的咖啡雪芭好好吃呀，不過就好像有點溶得好快🧐👦🏻走時問我們好像有在另一些地方見過這家，然後說我下次要吃其他龍珠系列的(ehhh好像剛吃完又想吃的肥👦🏻)

今日同老婆去試下依間甜品，因為見佢裝修唔差，所以就入去試下佢得唔得。menu 都算多野選擇，但始終第一次食，我就叫左個芝麻糊食. 甜品黎到我見個樣都唔差，滿心歡喜咁食，點知一食..... 可能佢地唔係主要做中式糖水！所以碗芝麻糊就真係麻麻，我食唔到黑芝麻既味道，同碗芝麻湖傑到一個點.....而我老婆叫左心太軟，一黎到就見到用朱古力畫既蠟筆小新既小白，好有心機畫隻小白。之後食落都唔差，味道中規中矩。希望下次去食芝麻糊有所改善！！

第一次食呢間，係行過見到。見佢價錢幾平餐牌都吸引，又幾多人食 就試下。加上佢醫護有折，良心店。佢好多特別款既甜品 ，大部分30零蚊。份量又足，好抵食賣相都好睇。今次叫左焦糖燉蛋同心星係芒果士多啤梨沙冰燉蛋要熱食，焦糖皮脆，燉蛋又香又滑好creamy,38蚊呢個價錢好抵食，好高質。另外個沙冰就正常 ，唔係話好特別 ，中規中矩，料足抵食。下次會再想試下佢其他甜品，環境都唔錯。最緊要係良心小店，價錢又抵，值得一試

食完飯，同朋友想搵糖水舖Hea下，所以行咗去路德圍多糖水鋪嘅地方，以前無得𢵧，得虫x排晒長龍，佢哋D伙記又串又無服務，而家小方糖加入戰團，即刻多咗個選擇，同路人當然要即刻支持下.最後叫左個芝麻合桃露湯圓及心太軟，合桃露啲味比芝麻味搶晒所以唔係好feel到合桃嘅味，如果合桃露D味濃D就更好，湯丸係芝麻心.心太軟附有2球雪糕，但內仍有啲粉粒未攪勻，但味道OK。總括來說，味道不差價錢亦大眾化，下次會繼續幫襯。

荃灣是我常常會去的地區，這晚與男朋友吃過晚飯後，突然很想吃糖水。😆本來打算吃某一間糖水舖，卻發現原來新開了一間「小方糖」，鋪內坐滿了人，鋪外還有不少人等位。我們等了十五分鐘左右就有位了⋯..餐牌內有不少選擇，有中式和西式，價錢我認為是合理的。.「椰王蛋白蓮子燉雪燕」$55🍽：椰王都算大，職員送來時已經有股很香的椰汁味道，裡面材料有蓮子、雪燕、蛋白，很足料，絕不馬虎！女士吃有種很滋味的感覺，可惜是太飽關係，沒有吃椰皇內的椰肉。😂.「勁姜番薯芋圓糖水」$28🍽：姜味很重，整體味道不錯，如果可以再多幾粒芋圓就更好了！🤗

今日講個小故事俾大家聽😚係好耐好耐以前，荃灣路德圍海壩街一向都係甜品舖既兵家必爭之地，松記、明師傅同友記三家鬥得你死我活，最終只有松記仍然屹立不倒，奪得依場戰爭既勝利。事至多年，竟然有間甜品舖夠薑開係松記隔離，仲要係黃店黎，而佢就係👉🏻👉🏻👉🏻👉🏻小方糖，實在太荒唐喇，以後喺路德圍食糖水又多個選擇喇😈😈• 法式焦糖燉蛋 $38一上枱已經見到個焦糖面燒到金黃色好靚又夠脆，中間燉蛋部分夠哂creamy，細心品嚐可以感受到佢細膩既質感，仲好香蛋味，見唔見到啲雲尼拿籽，真係落足料㗎，配合埋個焦糖個甜度就岩岩好🥰• 80度暖意心太軟 $48好驚喜會有公仔畫喺上面😳，畫左三隻雞仔真係好有心思😚一切開個心太軟，澎湃既朱古力醬慢慢咁流出嚟，識食一定係同舊雪糕一齊食，黎個冰火五重天❄️🔥• 芒果樂園 $38鍾意食芒果嘅小肥妹見到個名就緊係唔放過😳，香甜嘅芒果汁底配上冰凍既芒果雪糕，加埋滑溜既奶凍、煙韌既椰果、彈牙既芒果粿子心、同爽脆水晶珠，口感超豐富😚

讚1.環境闊落，呢頭既糖水店甜品鋪都好少有2.點左薑湯番薯芋圓，薑湯係重身既，份量好足料彈1.番薯的確係唔夠鬆化，以家下秋冬季節黎講，應該有更好既選擇；芋圓亦煮得有進步空間，中心係硬既，可能叫凍既甜品會好啲

食飽飯想食糖水，就當然去路德圍望下啦！本身都諗住去松記食嘅，但係見到有間新開嘅小方糖，令到我諗起幾年前夜晚成日都揸車去九龍城食糖水嘅情形，好啦！就試下佢啦！坐低之後望下個menu ，同以前都唔同左好多，最深印象嘅就係以前我成日食個龍珠，我記得係龍眼肉再加個珍珠，而家竟然又有悟空同埋比達，笑左！都幾特別。不過我地都係叫左個古靈精怪同埋個勁薑蕃薯糖水。首先係古靈精怪，係個底有紫米飯，雲呢拿沙冰，珍珠同埋芒果肉。個雲呢拿沙冰真係好香好濃雲呢拿味道，紫米飯係凍，芒果肉都好甜，成個甜品襯係黎都幾夾。跟住就係勁薑蕃薯芋圓糖水，係熱食嘅，兩舊大大嘅蕃薯肉，再加3粒芝麻湯丸，少少芋圓，最值得欣賞就係糖水如其名，真係好夠薑味，愛吃薑嘅真係可以一試，湯丸都好味，芝麻味道好濃，蕃薯肉好淋，芋圓感覺就有少少格格不入，多左，但係都算係有野咬下。整體黎講兩個都好味道 ，價錢合適，會再幫襯。