小方糖甜品 (荃好景大廈)

营业中

休息中

今日(3-7-2021 Sun)晏晝太熱,同老公去商場逛,而我有啲肚餓,咁我哋就食啲嘢啦,去新記冰室(https://www.openrice.com/zh/hongkong/r-%E6%96%B0%E8%A8%98%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r637993),但多人等位,真台客(https://www.openrice.com/zh/hongkong/r-%E7%9C%9F%E5%8F%B0%E5%AE%A2-%E8%8D%83%E7%81%A3-%E5%8F%B0%E7%81%A3%E8%8F%9C-r665040)?冇我想食嘅脆口嘢,咁行前啲小方糖甜品呢?見到有拿破崙,於是入嚟啦.我哋要咗$43.00嘅黃金拿破崙(即芒果味)同$35.00嘅芒果沙冰特飲.芒果味黃金拿破崙一客有3條大大條,有啲芒果肉,芒果味黃金拿破崙拿破崙仍夠脆,牛油味唔濃,感覺唔會太漏.芒果沙冰特飲有芒果肉同一個芒果雪糕球,味道亦唔酸,但遺憾沙冰得好少,而原來佢有啲爆脆珠珠,係超脆.價錢:出示阿布泰收據就享有9折優惠,所以係$7

荃灣路德圍美食林立，卻只有小方糖深得我心！每每到了荃灣，我必定會去小方糖一趟😚😚事關店舖光猛企理，店員服務態度殷切，很有人情味。我最怕坊間糖水鋪由客人甫入門便開嘅設法迫客人食完再換新客人。 雖然明白香港寸金尺土，生意難做，但亦希望老闆們諒解一下客人只想與友人找個落腳點聊聊天，非在尋覓醫肚之處。幸好，小方糖完全不會趕客🐖💗今次我們點了芒果綿綿冰加小丸子 $45 + $7🍨綿綿冰附有芒果味綿綿冰、蜜糖味穀物片⭐️、黑糖珍珠和新鮮芒果粒和芒果醬🥭。整個甜品不會過甜，有濃郁芒果味。口感和層次上亦滿分，先有脆口的穀物片，配以幼滑的綿綿冰🍨，再來一口煙韌的珍珠，和juicy的芒果。夫復何求呢！額外加的小太子煙韌有糯米香，份量很多，撈埋一齊食感覺係似芒果小丸子😆😆另外一客甜品是「悟空」 $36友人每次吃完也念念不忘，我自己就沒有吃過。眼見有雪糕🍦、椰果、小丸子🍡黑糖和椰汁。他說像大雜燴，什麼都有，方便懶人做選擇😆小方糖的甜品可以話係大份夾抵食呀！夏日炎炎，我地兩個係荃灣行街行到就快中暑🥵嚟小方糖食完冰品又可安心繼續上路😸😸

💛黃店【打卡必食📸💖暖笠笠養生甜品Set✨】 夏日熱辣辣當然要食返d冰😍😍🧊🧊💛芒果綿花冰 $45有好多配料 包括蜜糖星星,珍珠,芒果肉😆 珍珠冇味道 只係得口感🥺 一開始望落去吾似係綿花冰 通常其他綿花冰會係砌到好高又一眼望到😂呢個都幾特別 望落去同雪芭冇咩分別😂😂綿花冰好幼細又滑😋😋💛士多啤梨乳酪雪芭 $42呢個甜品係3個之中 我最中意🤩🤩 入面仲有心型jelly❤️❤️好qq口感又正正 配甜品真係一流👍🏻👍🏻👍🏻❣️同樣有好多配料 朱古力棒,蜜糖星星 士多啤梨🍓都有😋 甜度岩岩好🍓🍓夏天食都係涼入心😍💛蛋白燉鮮奶 $28食完凍野想食返少少熱野😂😂蛋白略嫌有啲老 吾太滑 望到既時候都吾太吸引 比較推薦大家叫凍既甜品😝📍 小方糖甜品荃灣, 寶琳,將軍澳 , 旺角 , 九龍城 , 九龍灣

係荃灣收工行到熱辣辣，想坐低食碗糖水消消暑，行左去路德圍搵野食，唔想幫襯松X咁就入左小方糖。今次我食左雪糕仙草芋圓，貪佢夠穩陣唔會伏有紫薯圓同地瓜圓2種，但2種都食唔到原材料既味道，不過都煙韌，仙草份量偏少，自選雪糕係曲奇味，成碗野味道正常。不過有樣唔好既地方係，店員長期打開度門，可能係因為開始多人想容易d招呼，帶位落單會方便d，但係咁岩我就坐正係門口位，係咁吹熱風入來感覺唔係幾好，所以食完都即刻走

小方頭作為一間黃色的甜品店，試左兩款甜品嘅質素都好好，留戀天使同悟空，留戀天使係季節限定先有，係榴蓮擁躉嘅favourite，榴蓮味夠濃，仲有啖啖榴蓮果肉同榴蓮汁，份量十足，仲有爆珠同芋圓，口感豐富

意外咁入左呢間舖食野 叫左個悟空 意外地好好味 焦糖汁加椰奶 口感味道十足 朋友就叫左榴槤 榴槤冰同榴槤容都好多好多 而且佢嘅榴槤冰仲要有好濃香榴槤味 而唔係簡單加冰 鍾意食甜品嘅大家推介推介

今夜外賣叫左小方糖嘅楊枝金露豆腐花，用的绝對不是其所寫的金柚，而是大陸平價柚子，價錢相差極遠，绝對食得出，豆腐花佔3/4碗，餘下極少杧果汁，賣＄38 實是暴利即是豆腐花加幾粒芒果肉、少少杧果汁、西米、大陸平價柚子☞＄38

呢排10點鐘禁堂食，少左同朋友食糖水😳今日難得好早食完正餐，就搵糖水鋪食喇～平時食開第二間糖水鋪，但又想試下新野，就入左「小方糖」😜睇menu，款式都好足夠，而且價錢好合理。雜果豆腐花♥️真係超級多生果：芒果、香蕉、西瓜、奇異果，龍眼肉都有🤩如果想食多d唔同種類既生果，我推介呢個甜品🥳可以配椰汁或芒果汁，我地揀左芒果汁，正常甜！另外，豆腐花夠香滑☺️👍清清地，同雜果夾埋一齊，水果味比較出！楊枝甘露豆腐花♥️如果特別喜歡芒果類，更加要推介呢個🙌🏽呢個汁比起上面個汁更加清甜、好味～芒果同豆腐花都幾夾✌🏾其實好想試多幾個甜品～不過實在太飽了剛好呢度甜品既份量適中，唔會過飽！（罪疚感都少d haha）下次會再幫襯！😋

這一家位於 荃灣-海壩街 的人氣甜品屋 💛「黃店」"小方糖甜品" 在區內極具名氣 ,「黃到金」的態度也叫人敬佩 , 很多城中名人/Bloggers/Foodies/KOLs/Youtubers 都曾慕名而來 ~蛋白杏仁露 : 不其然會諗起 "賞花杏仁露" 吧 (笑) , 這個 "蛋白杏仁露" 杏仁味夠濃香 , 入口柔和滋潤 , 蛋白亦夠滑口 , 味道輕甜 , 正 ~黃金拿破倫 (芒果味) : 這甜品賣相靚靚 , 共有三大件 , 香口酥脆的酥皮 , 伴著的是幼滑的忌廉和鮮甜的芒果粒 , 還有甜香的芒果醬 , 口感層次頗豐富的 ~本篇完 ~

和朋友在荃灣吃完晚飯，覺得肚子還是有點空虛，於是去了路德圍睇下有咩甜品食見到呢間糖水有幾間分店，而且有中式同西式甜品選擇，啱哂我呢d花心既人我朋友最終選了最傳統嘅糖水，芝麻糊湯圓，芝麻糊糖度剛好，而且質感剛好唔湯唔水入面有三粒芝麻湯圓，芝麻湯圓都好好食，湯圓皮既厚薄適中，入面的芝麻餡料都唔錯我選擇了椰皇湯圓芋圓燉蛋白，也是有三粒湯圓，湯圓好食，芋圓是入面冇餡料的，但配上椰汁味道都幾好，椰汁加了西米，令到椰汁冇咁單調底下的燉蛋白也好滑，不用咬也可滑落喉嚨好食到清曬，但美中不足是食到見底也沒有椰子肉；芝麻糊味道也不錯，但略嫌細碗，如果個碗大少少就好了

恢復晚市之後，食完晚飯要再食埋甜品😆🔸80度暖意心太軟一吉開個蛋糕就有流心朱古力，加埋雲尼拿雪糕，簡直係絕配，呢度仲有兩球雪糕咁多！🔸榴連小丸子椰皇燉蛋白朋友點的，我唔食榴連😂佢話味道好濃郁喎🥲好彩燉蛋白同埋小丸子係分開上，我有得食😍燉蛋白好滑！🔸泰式芒果黑糯米雖然隔離有泰國餐廳🤣不過想食就叫啦，估唔到呢度都有。芒果都幾鮮甜！當日醫護人員仲有8折，好抵食！

📍小方糖甜品 (荃灣) 相信唔少甜品愛好者都有聽過小方糖甜品 佢哋終於係荃灣開新分店啦 😍 佢哋鋪頭既裝修以墨綠色配金色為主題 環境十分闊落舒適 💚 呢間良心甜品店提供多款中西式糖水甜品 而家荃灣店仲有限定既養生花果茶系列 分別有3款花果茶同甜品set~ 🌷 花果茶有玫瑰美顏茶, 皇菊明目茶, 熱帶水果茶3款選擇 🍰 而甜品有蜂蜜梳乎厘蛋糕, 朱古力粒粒拿破崙, 原味/綠茶味可麗露3款選擇𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 養生花果茶系列 - 玫瑰美顏茶 X 蜂蜜梳乎厘蛋糕 ($48)今次黎到high tea就選擇左玫瑰美顏茶同蜂蜜梳乎厘蛋糕set 🌹 玫瑰美顏茶顧名思義就緊係有助美顏啦 🥰 聽聞可以改善皮膚油脂分泌嘅問題 仲可以滋潤我哋嘅肌膚 啱晒喺乾燥既冬天飲用 ❄️ 而梳乎厘蛋糕雖然等得耐左少少 但係絕對值得!! 蛋糕好鬆軟 而且空氣感滿滿 配埋蜂蜜食仲好match 添 🍯𝒜𝒹𝒹𝓇𝑒𝓈𝓈:📍荃灣海壩街83-93號荃好景大廈地下A號舖Shop A, G/F, Tsuen King Building, 83-93 Hoi Pa Street, Tsuen Wan

這次小方糖推出了店鋪限定的養生花茶系列甜品套餐，價錢只需要 HKD$48 就有一份甜品和一杯花茶。花茶和甜品各有三款不同口味/款式選擇😆，價錢親民大眾化，所以來看看質素如何吧。靜靜所點的是熱帶水果茶和蜂蜜梳乎里蛋糕，用小盤子裝著賣相特別又美觀📸。熱辣辣吃梳乎里蛋糕是最好的，口感煙韌濕潤，蜂蜜是分開另上，可以因應喜好而放所需份量，令到梳乎里蛋糕味道更加甜☺，這個蛋味挻香濃的。吃完甜甜的梳乎里蛋糕，飲杯酸酸的水果茶來中和一下，既暖身又滋潤😆。怕酸的還可以用剩下來的蜂蜜加去花茶，令到味道甜甜的又滋潤一下💕。

宜家夜晚無得去糖水舖同朋友坐低食甜品，惟有試下荃灣呢間新開的甜品店，外賣佢地既芒果拿破倫返屋企食。🧡黃金拿破倫舖頭有幾種水果拿破倫可以揀，今次就揀左食芒果呢一款。如果想要多啲配料的話，可以額外加錢，有雪糕、西米同涼粉等等比你自由選擇，不過外賣怕溶既關係就無加到。拿破倫都幾大份同厚身，面頭有忌廉同粒粒芒果肉，外賣仲附有一兜芒果醬比你返到屋企食個時先落，免得拿破倫變淋。本身都擔心拿破倫拎到返屋企會唔會淋哂，不過依然保持入口酥脆。芒果粒粒都好甜唔酸，芒果醬比較稠身，芒果味都幾濃郁。如果面頭的忌廉可以再多啲就更好。

係路德圍食完飯最岩食糖水🤩今次試下呢間小方糖，雖然有多間分店但今日都係第一次試😂價錢方面都幾平，最愛嘅中式糖水都係20幾蚊有交易；其他大多都係$50以下 但今次唔記得左影相☹️1️⃣椰香紫米露（$23）勁有椰奶香味，食落唔太甜有糯香，粒粒紫米有口感2️⃣勁薑蕃薯芋圓糖水（$28）好夠薑味，真係「勁薑」，蕃薯糖水要多薑味先好食，天凍食真係成個人都暖晒，加埋芋圓煙煙韌韌，呢個大推好食！路過都可以幫襯下良心小店👍🏻👍🏻