小肥牛火鍋活魚專門店 (已結業)

朋友送左食滿200減100既優惠卷，話好抵食，即刻同另一半去開餐諗左好耐叫咩湯底好，最後叫左個特别d既枝竹豆腐魚頭湯底送湯上黎個陣好驚喜，魚頭有成隻手咁大，先分半爆香，後加上湯紅棗豆腐枝竹，味道香濃又唔會太油膩，正唐生菜加蜂巢豆腐，兩樣好難難食既食材極級安格斯牛頸脊 (大）牛味濃，肉質好，無對唔住佢自己個招牌 可惜叫得太多野食，試唔到其他牛蘿白加韮菜餃夢白夠甜無渣韮菜餃似係灣仔碼頭既餃想試佢自己包既餃可能要試黑松露餃蝦滑，必試！！！ 豬紅，本人唔食，但另一半話夠濃味，唔錯嚮鈴，食得出係即炸鵝肝墨丸，入面係鵝肝粒，唔係鵝肝醬，咁既價位黎講有驚喜不過食落鵝肝同粒丸係分開味，如果做丸面既時候加少少鵝肝醬落去一定會更加好味送既生果，有話梅粉灑係上面，好解膩，盡顯中上價位既火鍋店風範總括而言，係值得encore既！

話說本身係唔係嚟呢度打邊爐，本身係去附近一間新開嘅火鍋店老乜爺食。但佢哋喺座位安排上嘅瘋癲，一怒之下離開後，就嚟咗隔離呢間小肥牛打。上到去唔算多人，需要等位。帶嗰位非常好，本身俾我哋嗰張枱，行到埋去佢話風位所以改咗另一張枱比我地我哋有帶紅酒🍷，佢唔收開瓶費之餘仲有decanter比我地用。幫我地斟完酒之後，仲專登浸埋水俾我哋，話飲紅酒當然要飲下水。sweet到呢中途竟然見到冰糖葫蘆，阿姐話佢自己整仲請埋我地食打邊爐啲嘢食非常新鮮好食，響鈴即叫即炸，服務態度非常好，真係要讚一讚掛住食冇將啲食物影晒相😅

第二次幫襯，全單$3800，食啲乜？已經唔想寫，勁失望。仲少過之前食嘅$4xx 個隻全碟$238, 賣相差，又細片又薄，$1x一片。本地牛，白色係筋唔係肥，勁硬，肉質又鞋口，咬唔到，件件要硬吞。

前排這間做openrice網上9:00優惠book枱有50% off我直頭每星期都去一兩次幫襯 因為半價來說真係超值 不過也試過訂了枱等了差不多一個鐘所以走了 希望他繼續做此優惠🙏🏽

兩星期前去太子鋪食，埋單$1200送番$1200現金劵,下一次用餐埋單每$200可以用一張現金劵，如此類推，即係半價啦，自備紅白酒免開費瓶費，於是今晚再去幫襯，呢餐正價$14xx,，用咗$700現金劵，埋單$7xx.。原來用現金劵所有特價食品計正價，上一次我叫咗一條象拔蚌，特價每両$3.5，大大條都只係$145，今次因為用現金劵，要收原價$13一両，即係貴咗四倍，所以今次只叫沒有特價嘅食物，感覺冇食貴到，冇咁蝕。呢個湯底一定要Encore, 食落口好似好冧好重牛味嘅牛腩，牛筋好膠，回味無窮本地手切肥牛合格，但因為俾牛膝搶哂風頭，所以覺得普通。隻隻都好大隻嘅桶蠔，6隻$148，烚完都冇縮，出街食算抵。第一次將鵝肝用唻打邊爐，原來會縮到幾乎搵唔到，感覺食緊軟牛油，始終都係煎好食啲。

未食已經成肚氣，啲刺身三催四請，等咗半個鐘，終於送到。食完刺身，又要繼續等，服務員態度又差，開聲問食物何時送到，有冇啲食物可以食住先，條友竟然勁寸咁話我都想你地有嘢食呀。作為一間火鍋店應當係上菜快因爲不用烹調，上菜慢不特止仲要被如此對待，這種店還是盡快倒閉別遺禍人間了

我地一行八個人八點鐘左右嚟到餐廳，叫左海鮮三層鍋。一開始我地不知情下被帶左去坐左房，享用唔倒個Asahi啤酒優惠，已經有啲唔Gur，但係之後先係戲肉。啲海鮮已經等左大約45分鐘左右先嚟到，都算啦，匆匆食完後就落左第一張火鍋料嘅單，又要等半個鐘先嚟嘢，重要唔齊。之後落左第二張單，苦等到十點幾，乜嘢都無。果位侍應次次都係落完嘢收左單之後就算，乜都唔送嚟。啲嘢飲又係，遲遲唔到，想要解茶，嚟左一轉之後又話無，大家都口渴。最後我地按耐不住，寫左第三張單，搵左外面果位著裇衫嘅經理（或者可能係老闆，唔清楚），佢先幫手跟左啲嘢食，但係又係嚟啲唔嚟啲，選擇性咁上啲火鍋料。搞到十一點先勉強食得飽，重要一肚氣。抱歉，真係無下次。

上次同舊同事食完後拎咗幾佰蚊coupon，死期係1214，以小妹唔想蝕嘅心態，所以梗係死期前亦即尋日咋咋臨訂枱用咗佢啦我哋2個人叫咗湯底為藥膳雞半隻，本地手切肥牛，竹笙，鮮雞子，海中蝦，貴花蚌，鳳城水餃響鈴拼，生菜油麥菜拼，最後+2杯1664同2罐細椰清水，為這完美的一晚劃上句號不過我哋失敗咗一樣嘢，就係無熄火焗熟啲雞肉，keep住開火煲搞到啲雞肉過熟全部都韌哂另外仲想試美國牛頸脊，但太飽了，所以沒有下單試喔下次要再找多1至2人食，咁就抵啦。今次埋單$1063用咗5張100蚊coupon,最後埋單係比$563超抵喔～

等位時己經愛理不理，帶位入坐，姐姐乜都無交代放低個乜都用晒嘅調味架即走。落單紙都冇張。我只係拎門口睇果張紙寫單。交咗比姐姐。無茶無水無招呼，我同老婆算好人，等咗半粒鐘，個蕃茄湯底都未到。同經理講咗句，即走。唔會有第二次機會。byebye

差到爆，同一班朋友去食，又話無廳坐，咁就訂房啦，比正價飲品錢啫，無所謂，點知入房坐，想叫個人都難，d野食遲遲都唔到，8:45叫個鍋，成9:30先上，其他配料就遲遲都唔到，問佢點解咁耐，佢話因為今晚係星期五，比較多客，所以太忙出唔切，呢個都算係答案？如果係咁，又冇招呼，咁不如買單唔好收一啦。食完最終係一肚氣。所有野食一叫一入單，都要等25分鐘先到。你地咁忙就唔好做任食啦。今次去食，真係無一個覺得滿意，呢間下次一定唔會再去。

第一次去這家餐廳吃飯，沒想到上菜速度極慢，等了一個鐘湯底都還沒到。毫無服務可言，服務態度極差，菜量少到不能相信自己的眼睛，味道好一般啦，總之不會再去第二次！唉失望！

天氣轉涼，想不到星期五晚要在銅鑼灣區訂枱打邊爐也困難重重。因為各個朋友放工的時間都不一樣，不能幫襯有限時的放題火鍋店，終於在openrice上網訂到七人枱。小肥牛就是一間傳統的廣東火鍋店，我們七人枱有兩個電磁爐。湯底有多種傳統的選擇。最欣賞的其實是這裡的火鍋配料可以加$3成為雙併，如果人少，就可以點雙併，可以食多幾種不同的食物，但我們多人，就不用點雙併了。調味料就是一般的蔥、沙茶醬、乾蒜、辣椒等食品的價錢合理牛肉的選擇不算多，我覺得是實而不華我們點了極品手切本地肥牛，大碟的，份量正常其他的配料份量也是合理的，總括而然，這兒就是一間港式火鍋店，沒有限時間，可以慢慢傾慢慢食，不造作，不是食環境，適合多人聚會。

服務態度差，又借啲意計錯數想收貴，又收茶芥收加一收將油錢，明明以為198任食，點知最後埋單加加下去到三百幾，好呃錢。而且非任食牛個鍱野少到可憐，擺上枱都覺得樣衰。又話有龍蝦刺身或生蠔㨂，坐低左就話無哂生蠔，只可以要龍蝦，龍蝦又話無刺身，只可以斬件上。心諗你懶得切就出聲喇，搵咁多藉口，唔想做咪唔好放個餐牌出黎，分明呃人喇。而且入之前又話兩人人可以㨂兩種湯底，坐低後又話要加錢，姐係呃我地入左先喇。總之無下次了，唔會再去試。

飲飽食醉，終於用哂啲coupon.. 埋單2400實付1200 only... 😂感謝四眼仔經理嘅招待，非常落力。見佢忙到嘔都顧注我地坐房嘅。。 但奇怪啲阿姐竟然對經理哥哥呼呼喝喝。。。我地出去叫阿姐攞蛋糕，喝埋我地添！可能斯文經理係做開高檔嘢。。。

一千蚊係出面食特式海鮮係正常價錢，同埋本身啲野都新鮮，係唔錯既！不過呢個煮法就有啲海鮮會蒸老左🙄同埋佢有個餐兩百幾蚊任食，比起我哋食完啲海鮮就乜都無，黎得化算好多啦！一定要叫佢哋既響鈴同炸魚皮，其他我自己就覺得一般般。不過我覺得啲服務就差少少，好多都係自己黎，可能佢哋唔夠人啦！