小茄子

营业中

休息中

冇私家車接送我真係唔會肯入元朗咁遠為咗食一餐飯😅不過呢位街坊咁盛意拳拳我就試咗幾樣我鍾意食嘅嘢，比較吓😌價值$158嘅<<生蝦刺身>>好普通咋喎🤔玻璃蝦蝦身算爽滑~ 欣賞佢夠凍!但冇話入口驚人嘅感覺囉!同埋元朗食嘢唔係好平㗎咋咩?!👀 後面嘅<<酸辣鳳爪>>($75)相對地令人留下印象多啲~因為冇諗過佢都幾辣😅但冇骨啖啖肉係正嘅😈所以我食兩三隻又要灌一灌水😂

同多年冇見嘅朋友飯聚，想起學生時代成日到小茄子午餐，今次特登懷舊一番通常雞地餐廳幾個月一轉，小茄子算係屹立不倒，十幾年來都幾好生意，聽住附近嘅朋友講晚市更大排長龍，反而我就因為附近太多選擇，好耐都冇入去食啦。朋友揀咗青咖哩雞飯，學生最愛紅咖哩雞飯，唔係太辣。 多汁系列粟米雞翼飯，港式多過泰式我就想食清淡啲，揀咗海南雞湯檬，套餐價要58蚊，貴咗少少。

因為同行友人想食泰菜，所以就帶我們來了這間小茄子了！我們一行5人叫了一個B2 4人套餐，我們完全夠食，還超飽😂本身打算食完到B仔吃甜品，最後真是飽到吃不下！B2 4人套餐 $568炸蝦餅（4件）正常炸蝦餅味，合格👍🏻生菜包（豬）豬肉夠味，不辣的，又不會過酸，好食的！咖哩軟殻蟹 （+$20配包）這道菜完全是重點，好好食啊！十級推薦要加色，包好鬆軟，點汁食一流！軟殻蟹份量不少👍🏻咖哩汁不辣的，是偏甜那種咖哩！豬頸肉炒芥蘭就正常味道啦～本身是椰汁豆腐海鮮湯但我們轉了冬蔭公湯(店家極力推薦）完全不辣的，料好多又濃味！是不錯的泰式炒金邊粉我覺得太淡味了，沒有很推薦！另外叫了生蝦刺身$158這個好失望喔🙍還沒有退好冰！而且價錢不便宜～

去探望住在元朗的老友,順便食個晚餐吹吹水,點了幾個菜,炸魚餅都炸得幾脆口而且口感彈牙,咸魚蓉炒椰菜苗炒得好惹味,菜苗爽脆,炒得咸咸香香,明爐烏頭與泰國香料好夾,一邊滾熱一邊吃,正

晚餐在形點商場打圈兜圈。泰國菜在附近多不勝數，小茄子算係其中稍微更有味的。餐牌已經有。青咖喱雞煲。炸魚餅有醬料。不過今次好次叫多左，食唔曬。菠蘿炒飯~其實白飯或者油雞飯。食完飯有甜品。

依間喺元朗雞地嘅小茄子， 係一間食泰國菜嘅餐廳， 店入面嘅位置都好多， 排列得密密麻麻， 環境地方都好大。海南雞飯顏色: 雞油粉帶微黃， 而雞嘅顏色就有啲奇怪，雞皮有少少偏綠色， 賣相確實唔係太吸引香味: 少許雞油味味道: 首先講下主角海南雞先， 除咗佢個樣奇怪少少之外，其實佢嘅味道都係可以嘅， 薑蓉並唔係特別香，有少少攻鼻， 而個泰式醬汁酸甜適中，幾開胃， 最後係個海南雞油飯， 飯比較軟身，食唔出一粒一粒嘅飯店員的服務態度麻麻

咖喱包好大個跟細妹去了元朗小茄子吃泰國菜。叫了一個二人餐，388元。有將其中一款菜轉做其他。不過侍應話要補錢。埋單400幾元。食物質素都可以，只是覺得價錢好似有點兒略貴。其中咖喱包我食得最多。咖喱包裏面可以自由選擇肉類，侍應問要豬要牛還是要雞，我們選擇了要雞。雞和咖哩本身都很夾，咖喱看似辣，但其實不辣，幾適合我這種吃不辣的人。手撕麵包，沾上咖哩汁，幾好味，都可以。椰汁豆腐海鮮湯，我都幾欣賞。裡面海鮮有蠔仔，蝦.......大概有兩隻蠔仔，兩隻蝦吧，沒有刻意去數數量。好重椰汁味，幾好，我們飲到見底。泰式炒通菜，味道正常，份量適中，跟大排檔差不多。這款細妹食得比較多。她說她要吸收纖維，哈哈。賣單前有送甜品，2件泰式糕點，有點兒像白菜糕。甜的。

和家姐去食泰國菜，這間小茄子我之前已經食過，之前幾次通常和朋友散叫，今次就和家姐叫了二人餐。食完的感覺是：我下次會叫散叫，因為二人餐兩人人食不完，價錢又多了，所以我覺得不化算。下次再來，都是散叫好一點，至少食幾多，才叫幾多，免得吃不完，浪費食物，又花錢。兩人餐裡面，我最中意就是炸蝦餅，大大件，一碟有兩件。外皮炸過，裡面啖啖肉。我再加酸辣醬，味道更好。其他的菠蘿炒飯，炒通菜，就正常味道，我意思是正常普普通通。沒有什麼特別。椰汁豆腐海鮮湯就家姐比較喜愛，她說裡面有蝦有魷魚，棷汁味又重，所以她愛飲。我都同意棷汁味幾重，所以我都飲了兩小碗。三色冰飲料正常，沒特別。但我覺得如果三色冰多棷漿味，應該會好好飲。最後賣單每人二百幾。

簡單D來講，入到餐廳已經覺得超dirty，渾身不自在，然後安排位置之後個位根本未清潔，上手食完D嘢仲響檯面，男waiter基本上算有禮貌同會做嘢，見到已經立刻清潔。個位仲見到上round客既河粉殘渣。再請waiter清潔，但係中年戴眼鏡女waiter態度超差，請佢攞menu已經黑面，請佢抹吓檯已經講難聽說話比客聽，一間餐廳既service同味道相影響既，但係如果service差到咁會令人食之無味。咁既態度呢間唔使再去。

上個星期終於出糧，一定食返餐好啦！天口咁熱當然要去食泰國菜啦。今次就去左元朗食幾出名嘅小茄子，試下有冇伏先！入到去個環境幾好，乾淨企理。好好彩就係有得坐係卡位。位置闊落，坐得好舒服。職員服務態度都好有禮貌，好nice。食泰國菜當然要一坐低嗌返個椰青啦！椰青冇乜特別，帶有小小椰香同平時飲開都差唔多，合格！之後都有嗌左大家都中意食嘅pat Thai. 出奇地今次係蛋包Pat Thai, 類似蛋包飯咁。雖然我自己麻麻地中意咁老嘅蛋，但咁樣撈埋一齊食反而多左口感同蛋香，畫龍點晴！冇肉食又點得呢？我地又嗌左豬頸肉同生菜包啦！ 豬頸肉加上泰式甜酸醬真係一流，豬頸肉切得好厚，啖啖肉，加上煎得幾香。 生菜包就麻麻地啦，d肉碎冇乜特別但生菜幾新鮮。唔夠喉，叫多四串串燒，有雞肉同牛肉。每串各有4舊，份量都合格。牛肉冇乜牛味，反而雞肉處理得經好，滑得黎又有肉汁。最後加埋個類似花生醬搭配下再更好食d!最後叫埋芒果糯米飯啦。新鮮芒果加上黑白糯米，傳統做法。我個人認為白糯米香d加埋芒果甜甜酸酸就中和返糯米嘅”制”啦。今日我都幾滿意，如果下次再去元朗我會再encore!

不嬲都幾鍾意食泰國野第一次試小茄子係咁岩見佢近公司lunch時間就試下點知一試便愛上成日lunch約frd食飯都會介紹佢地黎哩度～哩間餐廳都係做街坊學生哥生意裝修唔係話特別精緻乾淨企理次次去食都好快有姐姐黎幫手落單我最常點既就係哩個海南海飯油飯粒粒分明 唔會過油 仲好香雞肉嫩滑 唔係太多骨仲有個酸酸甜甜既醬好開胃配埋一齊真係好開胃不過飯既份量真係好多 女仔可以叫少飯唔好浪費食完真係充滿力量繼續比工作折磨另外都有試過無骨豬手飯～同樣係好味！

元朗區美食不少，美食最集中的區域有又新街一帶和教育路大坑渠近B仔涼粉一帶的。今天我們要試試的是座落於被稱為元朗雞地一帶的鳳攸南街的小茄子泰越餐廳。小茄子所在的這條街，少說也有大大少少不下十多家餐廳，有傳統飯館，西班牙餐廳，火窩店，日式料理店，串燒店，粥品店，茶餐廳，潮式打冷種種，堪稱美食街。能夠在這個競爭激烈的環境下生存，當中的店家每一家也必然有其獨有的實力。當然，食品質素應該是必然要素吧。小茄子是我們嚐試的第一家，真的有點期待呢。店的生意似乎不差，她在這條街上一共佔有兩個店舖，我們選了比較大的店舖就坐，環境裝飾比較簡單，不太華麗也不太特色的，可是坐下來還是比較舒適。能夠這麼有人氣，應該是食品質素的關係吧。我們兩個人點的東西不算多。先來試一下她的紅咖哩牛腩。吃泰菜我一般也會點咖喱，因為泰式咖哩的口味主要是香滑，比印度，巴基斯坦和尼泊爾等地區的口味平衡一些，不太為偏重辣或是香料濃味，入口容易。她的紅咖喱也做得到這一點。稠稠的咖喱，香而不膩，辣味和棷香也不會太越過，整體的口感和味道是剛剛好的平衡，伴以白飯，吃得來没有負擔，真的不錯。嚐美食跟看人一樣，讓你難忘，讓你回頭的，有時候不是一些刺激

同個朋友喺元朗行吓行吓就到晚飯時刻。食咩好呢……食泰國菜！之前都食過兩三次所以對佢有信心嘅。食個前菜先， 酸酸甜甜仲有少少辣好開胃！串燒又係好得。一放上枱已經香噴噴！個醬汁帶起啲肉嘅鮮味。而且燒得啱啱好，吾老，肉質都好嫩滑……我鍾意食鷄翼，呢款炸鷄翼又係好香口，鷄又入味又嫩滑，食吾停口呀！仲叫咗多兩三碟，咖哩， 冬陰功湯 又係好好味，不過回過神已經吾記得影相吾緊要啦，最重要係呢間啲野真係好食。價錢你預一人二百到啦！

中秋節快樂！一家人當然最埋一齊食個靚飯啦我哋特別鍾情泰國菜式，所以就遠遠地走咗黎元朗雞地個頭嘅泰國餐廳食飯呢間好多年前都已經幫襯過嗰陣時同一大班朋友食晚飯，但嗰陣對呢一間店舖嘅味道冇乜感覺，可能以前唔係好識叫野食，也有可能呢一間店舖越嚟越好吃😋，總之必有下次再來光顧我媽咪好鍾意食軟殼蟹，大大隻嘅蟹擺喺你眼前好喜歡呢一間店舖炒嘅金邊粉用個小鍋上菜，也喜歡配菜不是隨便幾粒花生而是大大粒的腰果和蕃茄青瓜拼盤最緊要嘅係熱辣辣，呢一間店舖100分一定要叫呢一個因為係本人超鍾意所以一定要叫

心血來潮想加料食dinner，咁岩有佢張外賣紙，於是試下叫佢。我只係叫左個豬頸肉炒飯($55)，都好快送到，外賣盒唔係發保膠，算幾有誠意。保溫幾好、份量亦都好大。味道方面，佢有好多料好夠層次，加埋豬肉鬆好有口感，整體又唔會太咸，有好多塊豬頸肉，個味係恰到好處。惟一唔鐘意既係佢比較多油，食到去個底到有好多油>< 有d肥膩啊。。。整體而言，係真心好食，外賣快，價錢適中，可惜多油同唔包飲品。個人會再叫佢試下其他食物！