小菜王 (福榮街)

营业中

休息中

2021.02.22香港人鍾唔鍾意排隊⋯一等⋯再等。唔知等咗幾耐。終於到啦！一條街、兩條街、幾多個舖位、舖位每一角落用到盡。一枱接一枱。你食飽就到我食。但地方乾浄企理，伙記勤快有禮。大大聲聲，好熱鬧，好有氣氛。韮菜鴨胸：夠鑊氣，唔肥膩，大件夾抵食。小食牛展：味道一般，但勝在軟韌適中。一心諗住食避風塘賴尿蝦，點知一時口叫錯咗椒鹽賴尿蝦。無辦法啦！都要食㗎！但係賴尿蝦都叫做鮮甜，彈牙。要食避風塘賴尿蝦，唯有下次再去排隊囉⋯

食呢間野日子係2 人晚餐限聚令既時間 .2 個人叫個羊腩煲 同白飯魚 以 ssp 4 大天王黎講都不失水準 🍴羊腩煲 細 🐑細既羊腩 size已好夠大 每人會有一兜腐乳比較衞生 羊腩 既皮幾彈牙 羊肉密度高 應該係黑草羊黎 . 個羊味唔算勁 但對於吸哂汁既羊腩煲黎講算濃 腐竹夠軟林 😃 馬蹄夠爽口 叫個生菜撈個白飯都已經好正👍🏻🍴牛油白飯魚 🐟每次都會點呢個 因為本身炸白飯魚已好正 佢整得好香脆 茨粉唔會太厚 白飯魚魚味濃 然後出面吸收哂牛油味 好香 好惹味 一定要襯啤酒👍🏻#羊腩煲 #中菜 #大排檔 #白飯魚 #牛油焗 #枝竹 #羊肉 #馬蹄 Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#小菜王深水埗福榮街43 號~~~~~~~~~~~~

自細響屋邨長大，最忘不了大排檔風味。不過香港地又熱又濕真係唔係好多人願意去大排檔既環境食。近排趁天氣涼涼爽爽，去西九龍中心行一轉，幫我喜歡的「小菜王」。未夠7:00，已經要排隊，可想而知香港人幾鍾意食風味菜，好彩排隊位置有十來張櫈坐下，等都等得舒服D。15分鐘終於有位。呢度既燃手小菜極多，以前試過炸豬大腸丶蒜蓉蒸勝瓜都好正，不過令我回味無窮既就係開邊蒜蓉蒸蝦、椒鹽鮮魷同豉椒花甲，今次加埋個砵酒焗蠔真係perfect既海鮮盛宴。蒜蓉開邊蒸蝦既蒜蓉夠多丶鮮魷就鬆化脆口丶豉椒花甲冇沙又惹味，配埋兩支啤酒就真係正正正！而個蠔煲相比就一般咗D。趁香港重有呢D排檔，真係要嚟多D。

蒜蓉粉絲蒸扇貝(時價??)••••••呢間舖真係唔好彩😂老爸正正係點心師傅，對中菜略有研究。老爸一食就話唔係原隻扇貝，whatever急凍定冰鮮，柱肉係完全唔痴殼，當時小編唔識食都覺得奇怪🧐正常就算蒸過龍都好點都仲要拆舊肉出嚟，亦無柱肉裙邊或者紅膏，柱肉仲好實無鮮味。好後悔呢餐飯無攞收據，埋單$760，條數點計呢？唯一唔知價係6隻扇貝，兩支藍妹$66加其他餸都係$457，換言之，者係每隻扇貝$50？唔係嘛😤現場無nuts提供，唔應該有nuts費，就算要收加一，都要$40一隻，咁嘅質素未免食水太深😓。豉椒鵝腸($88)••••••芡汁收汁不合格，豉椒汁好水，令豉椒味道淡 ，成碟變左汁浸鵝腸，好彩鵝腸處理可以，無異味。百花小棠菜($95)••••••無乜墨魚滑鮮味，內餡少，切得太碎太細都減低口感。椒鹽鮮魷($108? $113?)••••••搞笑，寫文睇返餐牌，先見到呢度道菜有兩個價錢🤡有無咁玩野🤡有圖無圖差5蚊😁lol不過，呢道菜係好味👍🏻炸得脆身，調味合理，重點係鮮魷厚肉！好正🤤食得過癮滿足！菜心炒牛肉($95)••••••救命😫炒碟菜心都可以炒到黃哂老哂😓點搞啊。牛肉幾滑，份量不少，

🎖大大碟大排檔之樓上雅座😋.回味之選焗魚腸佢係少有食到咁足料🤤仲有埋魚肝😋平時多數都係溝埋油炸鬼就算，要去細味既話佢係有少少少少腥既😆但加番啲胡椒粉就可以😍仲有炸鼻涕魚、蒸大蟶子、金銀蛋莧菜、清蒸滑頭腩🤤🤤.佢個芝士牛油焗白飯魚，一如其名就唔係炸係焗嘅話🙈令到佢唔夠脆身，雖然個甜甜牛油味係唔錯，但就失去左脆既口感😂呢度啲嘢大碟得黎同價錢都有關，事關呢度啲價錢冇好平😂😂但我地食左十個菜黎講都真係足料👍🏻一定再嚟😋😋

今日第一日開始可以晚上堂食，頓時就想起夠曬鑊氣的小菜王，久違了的小炒，未禁晩飯堂食前經常去吃，食物好吃好味好招呼的一間有冷氣的大排檔，最愛吃這裡的小炒，不愧為小菜之王👍👍👍👍👍——————差不多每次去都吃的幾款餸，總是吃不厭🤣唯一改了小小就是平日吃的薑蔥斑腩煲，今天微微改變為枝竹火腩斑腩煲😂🐟魚是我的至愛———————-🟩枝竹火腩斑腩煲——-新鮮斑腩肉滑肉嫩鮮甜，配火腩枝竹惹味，枝竹炆得剛剛好😍———————🟧京都骨———洋蔥🧅汁料的惹味，京都骨酸酸甜甜的開胃，印象中每次都會叫來吃，味道令人停不了吃的滋味⋯⋯🥰——————-🟫椒絲🌶️腐乳通菜炒牛肉——-濃郁椒絲腐乳，夠味道的通菜，牛肉炒得軟熟😋——————-每樣餸菜都夠哂鑊氣，上枱就香噴噴的誘惑，難以抗拒的小菜王——————吃著美食的活在當下享受人生開心🥳⋯⋯簡單

今天朋友生日大夥兒一同來到我們的私竇慶祝。來到這裏當然找老板輝哥豪吃一頓。前菜點了花雕鴨舌，芥末墨魚頭和韭菜豬紅，三款小食都是我的最愛，特別是花雕鴨舌酒味濃郁，佐酒簡直一流。另外點了缽仔焗魚腸，這道菜在外面很難吃得到，實在值得懷緬的一道小菜。黃金蝦也是一絕，蟹黃味濃郁，蝦肉很大，絕對是必點小菜。薑蔥霸王雞，豉油皇鵝腸，清蒸大班，花辣田螺，椒鹽九肚魚，薑蔥田雞都非常好吃，鑊氣非常足夠。不過清蒸大班的魚肉有點硬，略嫌清甜味不足。滑蛋白飯魚做法非常特別，也是一道古老的菜式。蒜蓉蒸絲瓜和豉椒炒青瓜也不錯。整體來說非常滿意。而且老闆服務非常好，人均才250元。又可以在私人包房盡情歡樂，私隱度十足。絕對是一大班人吃飯的首選地方。

今天和一班愛國朋友一齊吃飯。選了這間由前退休警長開設的餐館。這間餐館為處深水埗福榮街有幾個店鋪。而且也有幾個閣樓包廂供貴賓使用。實在私隱度極高。最感謝的是因為我們都是愛國撐警的朋友。基本上送了很多小吃和全場飲品全免費。在這裏要感謝老闆輝哥。點了花雕鴨舌，田螺，椒鹽墨魚肉，椒鹽鮮魷，芝士西蘭花，韭菜豬紅，雙椒炒田雞，豉汁蒸鱔，豆角炒豬頸肉，鰻魚炒飯，白灼豬膶，芥辣墨魚頭，腐乳炒通菜，鹵水牛展，蒜蓉蒸勝瓜等菜式。當中老闆還多送了一份鹵水牛展，韭菜豬紅和芥辣墨魚頭給我們。實在非常感謝。我最喜歡吃花雕鴨舌和韭菜豬紅。鴨舌帶有酒味令你吃不停口，豬紅味道是我吃過最好的完全沒有腥味。另外芥辣墨魚頭亦很開胃。豆角炒豬頸肉的豬頸肉亦很香脆。椒鹽鮮魷和椒鹽墨魚肉簡直是佐酒的首選。田螺配上香辣醬令鮮味提高一個層次。另外鰻魚炒飯亦很特別，是用蛋白去炒。唯獨炒飯比較濕，如果乾身一點會較好。豉汁蒸鱔亦非常好。鱔肉很多非常有咬勁。雙椒炒田雞也非常好吃。滷水牛展水準也非常高。蒜蓉蒸勝瓜和腐乳通菜也做得不錯。唯一芝士西蘭花和白灼豬膶做得比較一般。但整體水準已經是非常高，難怪客似雲來。最後每人只收215元，相信老闆送了很

放工同朋友去食小菜，見到呢間都幾多正評，就決定嚟。嚟到嘅時候朋友已經到咗。佢哋已經叫咗椒鹽九肚魚自己食緊😣同飲緊啤酒🤪我嚟到即刻唔執輸買咗個炸大腸，夠晒爽脆，好味。同埋帶咗個粉絲肥牛煲,幾個男人吹水飲酒一流。Ps同埋雖然係大排檔，冷氣都夠凍。

今日突然之間好想食小炒，所以就約左班朋友夜晚去食大排擋。其中一個朋友提議去試吓小菜王，話佢喺深水埗係好出名，又好食嘅餐廳，最重要既係有冷氣，咁一於就試吓😁先叫左個韭菜豬紅，呢碗野真係勁足料，好大兜，好似食極都食唔完咁，豬紅又整得入味，辣度適中，唔錯唔錯👍🏻👍🏻另外就係蜆蚧鯪魚球，一碟有十幾個，粒粒都大大粒，又熱又彈牙，炸到個皮脆卜卜😬冇腥味，如果再配埋個醬汁，就更加好味😋😋仲有沙拉骨，都好好食，肉質幾林，配埋沙律醬好開胃👍🏻仲有炒蜆，勁夠鑊氣，又冇沙，好香口好惹味🥰

由於較早前疫情問題。去大牌檔食飯都小咗，所以都好耐無嚟過，近排較好轉，所以想食小炒的我，又唸起好有鑊氣的小菜王，呢間大牌檔隨咗食物好食，座位也寬闊，而且仲係有幾間鋪，好大，足夠空調的舒適，有些人不喜歡坐冷氣位置，又有戶外的座位，可能有些人喜歡坐外面有著大牌檔的風味.........我就更係坐冷氣@—-呢度既食物真係好好味，尤其係薑蔥魚腩煲，每次去到必吃，佢既味道惹味，魚腩厚身又大件，薑葱爆香的味道，望見未食已經流晒口水@—-沙薑雞🐔，沙薑味道濃郁，雞🐔滑溜，食落啖啖滑滑的雞肉，啖啖沙薑的惹味，令人越食越越開胃@——京都骨——用梅頭豬扒做的京都骨，酸甜味適中，配羊蔥香氣濃厚，隨咗好食之外，用梅頭豬扒做的京都骨，肉質不會硬，咬落軟熟之下有口感，開胃醒胃，吃不厭之餘，仲越食越好味😋😋😋😋😋😋@——日式燒靖魚，又香又脆口，皮脆肉嫩，比起日式餐廳的燒靖魚，一點也不會遜色⋯⋯😋😋😋😋@——-可能天氣熱咗啲，多咗款式飲品，椰青水，大熱天時，清熱解喝，一直都可以保持到水準的小炒王，隋了食物做得好，衞生也不錯，服務更是👍👍

小菜王太出名，開到有5間鋪，晚晚都旺場，有店內冷氣位及門口吸煙位選擇；我唔吸煙，梗係坐冷氣房啦大排檔一定無裝修架啦，去得大排檔，就係幾個麻甩朋友加大量啤酒第一個小菜係「香露豬手」：完全唔掂！豬手唔入味之餘仲有少少苦味，普普通通整個南乳豬手算啦，整個咩鬼凍冰冰，一舊膠咁既香露豬手做咩呀⋯⋯跟住上「小炒王」：一上枱熱辣辣，好夠鑊氣，食落都好惹味又好大碟，但食食下好快涼咗，就越食越唔好食，又將小炒王必備，比較貴價既韮菜轉咗做西芹... 整體一般啦...豉椒蒸鱔：呢個好正常又好食，鱔肉好彈牙，唔算太油膩，不過呢個餸，都好難出事的，因為就係用加豉椒去蒸鱔囉總結：中規中矩，食物質素還可以，去大排檔都志在一班人去啤啤佢，所以還可以啦... 不過回家後現在幾頸渴，應該落咗唔少味精

最近疫情比較嚴重, 出街食飯人又多, 真係有啲心驚驚, 今日走去買外賣返屋企食, 點知原來有85折, 老細話口罩就冇能力供應俾街坊, 俾番小小折頭俾各位街坊, 同心抗疫！真係人間有愛！

近排少咗人外出食飯，竟然到店內 唔使等位好難得。蜆蚧鯪魚球, 黃金蝦, 蒜蓉蒸勝瓜, 椒鹽九肚魚, 豉椒炒蟶子，全部都是我哋啲至愛。隔離枱嘅餸菜已到，聞到陣陣嘅香味， 已經流曬口水。三五知己專誠到來共聚晚餐， 喺大排檔裏有一種香港獨有的人情味。終於可以喺近日咁緊張嘅氣氛下， 放鬆下心情 ，回復平靜。店舖嘅員工好親切 ，好似大家識咗好耐嘅老朋友一樣， 啲街坊同員工有講有笑 ，伙記們寓工作於娛樂。今日quota已滿， 仲有好多餸菜好想食， 已約定友人， 下次繼續開懷暢食。

跟同事放工後到這裡吃飯提早做節，同事推介必食黄金蝦，我地先叫六個餸，啤酒。食完一round 又再叫，食完一round又再叫，最後叫左十一個餸，當中一個係炒飯。豬紅，味道好，不辣，細細粒，易入口，下面仲有韮菜。豉椒炒蜆，不太大隻，我覺得辣，有些有沙。蝦醬炒通菜，好味，不過蝦醬味可加強。炸墨魚餅，不油膩，但不脆，有墨魚粒，好薄，唔夠食。黄金蝦，招牌菜，味道好，有些鹹，不夠乾身，好有鹹蛋黃味，碟底仲有鹹蛋黃。金銀蛋莧菜，好大碟，好味，但皮蛋太少。牛仔骨，好淋好好味，洋蔥OK。椒鹽九肚魚，點埋喼汁就真係非常正。炸鯪魚球，蜆蚧太少，多了些葱，鯪魚球不夠彈，味道可以。沙拉肉排，好多沙律醬，肉排味道好好。鰻魚炒飯，味道好，鰻魚沒有骨，但不夠乾身，似濕炒飯。總結，食完飽到頂住。