小蜜蜂 (已結業)

全沙田最平及最好食的茶餐廳早餐非小蜜蜂莫屬，我今朝WhatsApp一個橫跨網上外賣平台送餐的靚仔哥哥送餐員，佢喺大概一個月之前騎電單車送餐的時候炒車，休息了超過三星期，我諗佢可能都唔會再做返送餐了！我向佢查詢網上外賣平台今日喺送餐員罷工的時候送不送到餐，因為叫小蜜蜂嘅早餐用網上外賣平台叫寫唔晒自己嘅要求，佢話沙田區一般唔受影響，所以我哋叫了兩個早餐👇車仔麵早餐加一杯熱檸茶只要檸檬片不要熱茶因為在家沖檸檬蜜$43，喺網上外賣平台嘅order form可以寫明要啲乜嘢麵，我漏咗無寫，來了車仔麵用的麵條，我填表的時候要填咖喱汁還是沙嗲汁，唯有揀咗沙嗲汁，用文字改清湯但係都係沙嗲汁（不過都好味！我只係怕肥啫！）啲餸好豐富，有迷你炸魚蛋、雪菜肉絲、兩粒鯪魚肉釀豆腐卜、豬皮和豬紅，非常好味道和豐富；因為我覺得呢間嘅檸檬茶比較苦澀，所以叫佢俾檸檬片走茶等我喺屋企沖檸檬水，查實係因為檸檬一個都要$3，我儲起啲一杯熱檸檬茶提供的4片檸檬片可以自己醃蜜餞檸檬片。皮蛋瘦肉粥+1隻糯米雞$41，碗皮蛋瘦肉粥留返第日食，阿爸只係食咗一隻糯米雞，Size好大隻，一個成年人食完都夠飽，餡料好豐富，有¼條臘腸及一隻雞

沙田朝早唔係好多地方可以泊到車食早餐，呢間小蜜蜂係沙田圍入面，多數都有位泊車。今次叫左個扒餐，熱飲賣單$40。牛扒唔算太大塊，多油，火腿都似無乜煎過。整體黎講普通，下次都係叫番麵餐好過。

今日同老公踩完單車就去咗呢間嘢食小菜，點咗黑椒牛仔骨同埋冬菇生菜。從未食過黑椒牛仔骨咁難食，肉又難咬，味又難食！怪怪咁！我哋每人食咗一件就成碟擺咗响度！唔會有下次！

今晚突然想食燒烤，外賣左小蜜蜂 燒烤，燒左幾串雞翼同雞軟骨。發現雞翼怪怪地、吃左半個鐘後肚痛。，唉！雖然買外買都有折，但疫情旗下大家都好難，希望食材係健康安全就得！

收工諗住食下串燒，聽講呢間好食就走去試，點知落完單等左45分鐘串燒先黎😢都算，第二係疫情之下呢間鋪雖然有做到分開位置坐，亦幫客人量體溫，但廚房兩名員工沒有配帶口罩，感覺不合衛生，味道雖然不錯，不過衛生情況有待改善。

早餐時段屋企附近都無乜茶記選擇，見小蜜蜂裝修咗，經過門口老細又响我地招手，咁就貢左入，新裝修後坐位少左，差不多全部四人枱咁，排排坐，入到去心知不妙，响呢個唔知邊個係人，邊個係鬼既時勢下仲要搭枱，真係有啲驚。再加上入到去，發現佢地其中一個肥C9員工無戴口罩，就更加心寒。做飲食業唔戴口罩真係一個極度自私既行為。佢仲要係咁講嘢，無論宜家係咪疫症時期，都不應該吧。講番食物，傳統茶記早餐，太陽蛋拼腸仔，雪菜肉絲米，湯底是清水開的，靠雪菜肉絲既汁調味，或加辣椒油。凍檸茶茶底不會差得去邊。劣評是給那位員工的。

又出黎食下午茶,又食茶餐廳啦,小蜜蜂ge餐選擇都幾多,最後揀左個潮州魚蛋粉同埋飲熱奶茶,本身預左魚蛋粉個粉會係河粉,黎到係幼麵黎ge不過自己無問清楚所以算,不過個個麵份量超少,同樣價錢可以係附近ge茶餐廳食到多兩到三倍,真係少得有啲誇張個幾條生菜無咩特別,但粒魚蛋就奇硬,好似食緊擦紙膠咁,個魚片就無咩特別,奶茶都係一般無咩特別不過真係唔敢再黎,食完份餐個肚完全無感,又唔係好食又唔係特別平附近ge其他餐廳係完勝

本身住呢頭附近，間中有幫襯佢。本黎亦無打算寫呢個食評，但始終忍唔住，因為估唔到，身為一間茶記，連即食麵呢啲基本野都可以煮到咁難食.......今早叫左早餐：包括有方包煎蛋、沙爹牛肉麵。重點難食係個麵，啲牛肉比好厚嘅生粉包住，食落似食炸牛肉未炸好既口感，到食麵重衰，應該係煮定放左好奈，有人叫再加熱果種，淋到麵糊咁.......雖然唔係多錢，但真係買左個難受.....只係想講，即食麵係基本野，點解可以煮到咁....

難得同朋友睇完戲食宵夜串燒沙田又唔多試一試又何妨呢？佢哋又喺新城市出現，咁危險。唯有揸車去第二度食嘢啦！牛舌勁大條嘅茄子🍆呀！好少食嘅雞泡魚睇完五點幾其實都未食飯嘅咁咪有挨個排骨荷葉飯試吓囉。又幾唔錯喎！好深色不過唔算太濃味認真講嘅 — 貴左少少啦隻蝦開頭仲以為係雞軟骨。原來係雞皮嚟㗎其實不經不覺都叫咗好多嘢：P最終都係食唔晒,要打包返屋企

是咁的，話説早兩日去完打保齡，就一支公行下睇下附近有乜好食！我就去左呢間啦!點估到呢個鴨腿湯飯個煲成個臉盤咁大，你都知啦平時食個d，想叫佢比多少少湯都冇！不過，個湯既味道就淡左少少加多少少鹽就啱啱好啦！最緊火都係呢杯咖啡☕️，唔係講笑，我會為左呢杯咖啡反去食呢間餐廳！大家平時去茶餐廳飲杯咖啡，唔酸都算係咁！點估到呢杯咖啡☕️竟然有starbucks既味道！

星期日比平日返工仲要忙，因為放假去遠足啊！所以一朝早就係屋企附近茶餐廳食個快速早餐。這間早餐款式都有好多選擇 A 至 G，梗有一款啱你食。A. 牛油方包、西煎雙蛋、火腿通粉 +熱奶茶這款可以係營養早餐表表姐，因為炒蛋方包夠健康配火腿通粉，清清地少油少糖少鹽。B. 牛油方包、火腿煎蛋、沙爹牛肉麵 + 熱檸茶這款早餐就啱大食朋友，因為火腿蛋夾方包再配一碗沙爹牛肉麵，食完可以到中午都未肚餓呀！E. 餐肉煎蛋 配 公仔麵 + 熱檸茶而這款餐蛋公仔麵就啱晒唔想食麵包只是快快吃碗麵既朋友仔。

如果想在沙田區找間普通茶餐廳食個簡單早餐的話，我個人覺得比較難除非在屋村樓下都會有的。今日放假去找朋友取件見到這間小蜜蜂就順便吃個早餐先啦！B. 牛油方包、火腿煎蛋、沙嗲牛肉麵、凍檸茶 $31 (凍飲加$2)沙嗲牛肉都有很多塊，醬汁香濃公仔麵唔會過諗，方包新鮮檸茶個茶底都夠味。C. 牛油方包、腸仔煎蛋、雪菜肉絲米、熱奶茶 $31雪菜肉絲米夠足料唔會水多過粉。奶茶香濃幼滑，茶底夠厚。估唔到這裡早餐款式都很多有...除了傳統西式早餐仲有糯米雞、腸粉炒麵食。連咖喱牛腩撈麵都有得食。

我諗全個河畔花園/翠華/勵城/花園城/全輝中心要數最口臭的伙記應該係呢間,伙記態度差到爆,口臭到不得了,星期日想靜靜地食野, 都不停聽到佢地鬧人, 好趕客,當D 客係狗一樣, 而且餐廳地下污糟邋遢, 食物質數好普通,價錢一般, 午餐$4x-$5x,我估好多人只係貪佢門口可以泊車, 附近好多食肆,有大把選擇,無須要再黎幫襯。

我地呢D揸車既，就當然係泊車第一，美食第二。河畔呢頭泊車係門口，隔離有馬會，啱晒我啦！上次黎小蜜蜂食雜燴車仔面都吾錯，今次同沙田友食早餐，就再幫襯。今次叫腸腿公仔面餐，一睇就知有D伏。咁細碗，個湯又咁清徹，個面果然係淡茂茂。😣仲俾個 friend 話我吾識叫，吾係間茶餐廳既問題。話我明知自己重口味，就吾好叫清湯面啦！🙄個 friend叫蕃茄肉碎通粉➕火腿炒蛋方包，個樣掂好多，份量又夠。友人話個蕃茄湯幾好味，通粉吾太霖，方包好軟熟。

外賣購買小蜜蜂，點了一份營養早餐雙拼三文治和一份雞扒包餐，餐牌明明寫着營養早餐是包麥皮配雙拼三文治和一份嘢飲，，三文治和嘢飲是沒有問題的，但是並沒有送來麥皮不知道是外賣時出錯漏送還是餐牌寫錯，還有下單時叫了一份雞扒包，但是送來的卻是豬扒包！