小食快綫

营业中

休息中

行街行到勁肚餓，又未到食飯時間，唯有搵d小食醫下肚先🙈Snack Express應該對好多人黎講都唔陌生，區區都有分店咁滯，開到成行成市，不過佢d野食幾多選擇，價錢又相宜，抵佢受歡迎既今日黎到粉嶺分店，就食左煎釀三寶同燒賣，夾埋都幾大兜！煎釀三寶叫左紅腸、青椒、豆腐、魚蛋，質素都唔差wor，最好食既係豆腐，應該係啱啱炸起，外皮熱辣辣又勁酥脆，點埋豉油汁一流其他款式同埋燒賣都算不過不失，如果燒賣再彈呀d既話應該會更加好食!間舖仲有車仔麵食，真係非常多選擇，下次可以係度食埋lunch添！

呢間小食開左好耐，近年變左連鎖店。幸好水準都保持到嘅。因為喺正常車站隔離，每次有班火車到都會排到出門口。可能喺區內唯一小食店，都幾受歡迎。今次經過口痕又見唔太多人排，買左一底雞仔食。雞蛋仔雖然唔係即整，但都熱辣辣都幾新鮮，唔似放左好耐林晒咁。個皮都幾脆，入面軟林林，蛋味就差少少，唔夠香。 甜度我就約中意，唔會太甜.

其實如果唔係趕時間我其實都想食好啲，最近就搵左間Snack Express，發現原來佢不只有燒賣魚旦，仲有車仔面我貪方便，叫左碗麵，撘幾個餸就行。見到舖面好迫其實都唔想留喺度食，都係買走就算。見到牆上都幾多餸可以揀，我又想食得健康d，就揀左蘿蔔、韭菜同雞翼，全部都係我最鍾意食既野！店員問我要唔要辣，我話唔要，佢手快快已經加左辣汁但最後竟然幫我挑起晒佢，變返做腩汁😂😂，好細心。$24好抵👍🏽👍🏽👍🏽

今日向粉嶺，仲未到晚飯時間，但突然好肚餓，記得向火車站有間「小食快線」，去睇下有無我喜愛的夾餅先Wa.....去到門口見到入面有很多人睇下餐牌先，樣樣嘢都好想食，可惜得我一人，未能夠品嚐更多其他小食夾餅 $11，店員姐姐又好細心，問我係唔係要齊晒d醬，佢哋對 d 醬一 d 都唔吝嗇，搽左好多，有牛油、花生醬再加埋沙糖，一啖咬落去，嘩~~~粉漿夠厚、又夠熱，可能係因為有多人流關係，d 食物可以 keep 住新鮮制作，下次一定要試埋炸三寶先得😋

今日中午我們去咗粉嶺站嘅「小食快綫」買咗小食外賣自取食！我們買咗魚蛋、魚肉燒賣同腸粉！魚蛋嘅肉質唔算好彈牙，而且味道有啲腥！魚肉燒賣嘅肉質都幾煙韌彈牙！腸粉嘅質感唔係好軟滑，比較硬實，好似將一嚿好厚身嘅粉團放入口咁！真係令我們覺得好失望！

無啦啦變成第7餐，真係好奇怪，為何第五六餐不見了 ?其實失踪兩餐已經成了其他食評，亦無須特意再講，總之返到屋企附近，又開始肚餓，而火車站旁的小食店近月亦改了新名稱，不過食物種類是絲毫不變。車仔麵包三類菜連麵底只不過$24，夠化算。雞翼尖豬腸豬皮配粗麵底，雞翼尖滷得入味，豬腸炆得夠腍好惹味，豬皮部份好爽口，但有少許太腍，麵底沾上了汁後更可口。一口之內食七餐不算誇張，仍記得大概六七年前，跟幾位食友在五小時內食十餐，仲要係粥粉麵飯、車仔麵、雲吞麵、豆腐花及甜品，年輕時的輕狂大家說有多好！

那夜 OT 後，在粉嶺火車站的小食快綫買左碗碗仔翅同煎釀三寶。碗仔翅材料足，切片的小冬菇川、碎雲耳及雞絲都非常多，但湯汁稀了一點，不然就完美一點了。煎釀三寶則要了茄子x2、紅腸、豆腐x1、魚蛋x4，除魚蛋肉質香及彈牙之外，其餘三款都比較普通。不過以用來填肚已經不錯了。

返工每朝早都經過呢間小食店，之前個名娘啲，有段時間佢關門了，重新裝修，之後光鮮咗，不過啲阿姐就無變，餐牌都無變！每朝經過必定買份燒賣，一份8粒（$9）𢳂落一個膠盒，指定要多豉油辣油！佢嘅甜豉油唔會死甜，辣油其實落2匙都只係微辣！燒賣煙煙韌韌，索晒豉油好正！店員爽手！人客多成日排晒長龍！唔快手唔得！不過唔係個個店員都「多」豉油，有一兩個好手緊！要提醒先會多啲！

名都小食店最近轉手為 Snack Express，人龍依舊如潮，但印象中的Snack Express沒有好吃的，但見開張，姑且一試~一碗3餸車仔麵($24)，要了蘿蔔、豬紅、魚肉，配米粉，要辣~ 份量比想像中的大  整個發泡膠大碗裝得滿滿的，蘿蔔有4件，豬紅有5件左右，鯪魚肉則是多得數不了，米粉大概是正常一個份量吧~ 但餸料比一般車仔麵檔多，價錢卻比外邊的便宜~ 雖然質量一般，蘿蔔不夠甜，豬紅其實是雞紅，而且是較差的雞紅，湯底亦滿是味精，但以這個份量、這個價錢，將貨就價是理所當然吧~另外要了一份煎釀四寶($10)，點了釀豆腐、釀茄子、釀青椒和炸魚肉~ 可惜味道確又差強人意，用的不是真正鯪魚肉，與車仔麵用的有分別~ 這些釀品的魚肉混了大量粟粉等，沒有了魚味，只有很重的粉糰味，而且韌韌的不爽不軟 如果只為飽肚，又不想吃貴價貨，這兒確實是一個好選擇，但絕對不要問好味與否~