小食皇

营业中

休息中

請我都唔再去呢度買野食個男老闆個格衰都算買個陣都講明唔要辣，問完一次又一次要唔要辣，自己同人吹水又唔記住，人地講多次又黑口黑面D野食， 淥熟啲串串放入碗，唔知點解出到來可以成碗都係水，都己經放埋成pat味精極重既醬汁，面個d都可以完全冇味，食落去同白烚冇分別再食個底個d，比死鹹味蓋過晒，當你以為冇野啦，最後係返到去你就知咩叫一瀉千里！賣d野食己經唔係平，而且明明冇生意都重可以係度串串供禁，長發禁多檔買野食，呢檔真係極品，完全解釋咩叫《貼錢買難受》！街坊生意都可以做到禁，我個人黑名單係必定，為左大家既肚仔著想，忍唔住來呢度警世一下，順便祝佢*生意好*

同🤴🏻食完晚餐但🤴🏻感覺唔係好夠飽，我就提議不如食粥，好耐冇食！😅😅🤴🏻就帶我去小食皇，原來之前嘅煎釀三寶轉咗做粥店😱😱點解呀？三個月之前先食過，間煎釀三寶好好食㗎！☹️☹️～～～皮蛋肉片粥～～～$30記得童年時最鍾意食嘅就係‘皮蛋瘦肉粥’，呢間粥店瘦肉就冇啦但會比肉片你囉😂😂因為係生滾粥所以要等一陣不過都好快，粥嘅質地好綿好香，肉片有幾塊，唔會煲到好‘柴’！仲會食到肉嘅質感😚😚，皮蛋好‘林’有彈性！成個粥品合格之上😊😊成碗粥🤴🏻食咗2/3，食完之後🤴🏻成頭大汗💦💦，似開咗嘅水龍頭🚰！🤣🤣

🤴🏻話青衣最好味嘅煎釀三寶就係‘小食皇’一定要食💪🏻💪🏻～～～煎釀三寶～～～$20/7件，$50/17件連外賣盒🥡咁我哋就買左$50，眼見佢有賣嘅最少要1件，紅腸、 豆腐、茄子🍆、各要左兩件，其餘嘅全部要晒魚蛋🧆😚😚佢外賣盒上會預先開咗個窿窿用嚟疏氣💨💨，17件款款都咁大件，大件得來仲要好厚，厚得黎又軟‘淋’，‘淋’得黎又有彈性，彈性得黎暖左唔會形狀塌晒咁，真係好出色😍😍特別魚蛋、茄子🍆、紅腸必要啊🥰🥰最後有個小插曲，本來🤴🏻冇叫炸雲吞，我同店員講用一粒魚蛋換返粒炸雲吞，但佢已經手快落咗豉油，我諗住算啦，但店員一聲不響加多一件炸雲吞落去，我變相有1️⃣8️⃣件啦！多謝店員姐姐😘😘炸雲吞非常非常酥脆，咬落去有‘確‘’確’聲嘅效果！兩個人食煎釀三寶都食得好飽，🤴🏻果然冇介紹錯啊！PS:🤴🏻話佢嘅雞髀🍗都好好食嫁😝😝