小魚鴨子

营业中

休息中

早兩日同家人去意店食晏做冬，已於早約一星期訂位，6大1小，我地亦準時11半陸續到達.... 由於我父母拎位時，樓面指要1點半還枱，我表示都無太大意見，都認為2小時都夠時間進餐，我地有點北京田鴨同兩食，整體上菜同點心時間一般，一碟嚟食完先嚟第二碟... 都算點知到差唔多1點時，有個樓面侍應嚟要求我地1點還枱，我地表示入座時係講1點半，結果該名侍應並無理會我地，隔離枱入座的客人亦加把口話佢地要張枱，當時完全無侍應調解，更莫講話北京田鴨只係剛上，連個二食都未到.... 最終我地只能將未食及該餐廳1點先上嘅田鴨二食全數打包.... 成家係此餐廳做節做到一肚氣...隔離枱有訂枱時我亦有訂枱，樓面侍應食言及冷對待客人令人反目...

18：41出單，侍應說填鴨二食的醬爆涼瓜炆鴨，要點時間，明白的，平時食開都係最後先上菜，但不會45分鐘都未上到菜。19：25，我們已吃得很慢，我追單，同一位阿姐，我說如果漏單便取消，我要走。19：35再問，她說兩分鐘就有，好神奇的一追就會有。片皮鴨下單後10分鐘已上菜，她解釋要等片皮後才可以煮，我說我知道食過n次，北京樓都無你咁耐，18：50片好皮，19：35都未有得食，原來要等齊幾張單一次過做。餐廳又熱，侍應路過見你無水扮睇唔到。

食過好多次,早茶有孖寶點心,質素都比較中上,飲茶擺位都給每人有一對公筷,以平民價錢來說都很有服務態度,晚餐都有很多優惠,片皮鴨,烤魚都可以給你一個驚喜如有機會可以去一試

之前平日晚上黎過食飯覺得食物同環境ok結果中秋book枱同屋企人食飯點知就乃野上一枱客走左地下有垃圾都無人清走明白中秋爆場好忙最大問題係上菜速度極慢點完菜等左成20分鐘先上菜一碟上完，又要等一陣先有另一碟唧牙膏式咁上前菜、主菜、甜品完全唔會跟次序上總之有就食啦咁嘅感覺最離譜係北京填鴨特登過黎就係食呢道菜足足等左成一個半鐘先有有無搞錯！？明知咁耐又唔一早通知老人家小朋友都等到眼訓同埋個份量絕對唔足一隻有好幾舊都係皮埋單又計錯數總知一句講晒，無下次！

又一間光猛又旺場嘅中菜酒樓，有點心又有上海小菜/粉麵，選擇唔少雞飽仔表現一般，包細餡少。。。。金錢肚蒸陳村粉汁料剛好，金錢肚過熟、太淋，陳村粉剛好熟，混埋金錢肚嘅汁醬就非常好雲耳高湯鮮竹卷高湯油而不膩，鮮竹卷嘅餡料比一般酒樓唔同，感覺用上免治牛/豬肉，算好食馬拉糕正常發揮潮州蒸粉菓皮厚，餡料正常炸蝦角少少油膩，蝦肉餡料充足，配埋沙律醬一流鵪春蛋燒賣正常發揮，冇投訴山竹牛肉球質地唔夠彈，味道還好假日飲茶真心唔平，4個人10款點心，已經$352

搬過黎一段時間，成日經過，今日小朋友想食點心 。午市黎左食點心，第一樣係鵪鶉蛋燒賣，賣相已經差，一食落口完全咬唔開，唐記都好食過佢 。其他質素都非常一般，最普通嘅茶樓都好過佢 。樣樣都大同小異，收費唔低，但質素味道欠奉！茶位位位$10 ，埋單再加一，場內服務員仲多，但係每個都非常悠閑，入去坐低5分鐘都冇人開茶同埋開位，不斷有服務員經過，就係要開口先做 。而且場內冷氣唔夠 ，食到底褲都濕埋，可能為左就啲老人家，所以咁熱！！一句，無下次！

就近屋企，同屋企人去飲飲茶，輕鬆食個晏！鮮蝦紫菜卷 蝦膠泥入魚肉嘅質地，超實肉。。。。加咗紫菜包住，本身應該創身又好味，依家始終差少少薑蔥牛栢葉唔爽，偏淋，好有梳打粉味道，師傅太重手豉汁蒸鳳爪大大隻腳，好多皮食茨汁唔濃稠，但係味道適中紅油抄手呢個非常好味又實在，香辣又鹹鮮，雲吞飽滿紮實豉汁釀茄子酒樓例牌菜色，算係唔錯，不過不失，茄子夠淋，但係味道一般銀芽鱔糊 $ 65上海菜式，味道唔太濃，但係鱔柳非常多，加埋芽菜，爽口再加嫩滑，連埋汁醬，好好餸飯鎮江肴肉 ＋$ 29偏實肉，啫喱位唔多，肉感強烈，味道還好，都係沾點鎮江醋比較好食

午饭时候去吃的，两个人点了一个麻辣香锅、一份酸菜水煮鱼片。麻辣香锅中规中矩，但是酸菜鱼片真的很差劲啊，端上来的时候都还能闻到鱼片的腥味，吃进嘴里除了腥味其他的味道都没有，真的很难吃……最后一整份鱼片剩在那里没怎么吃，真的难以入口😢

約了好友聚聚，選了新都城「小魚鴨子」，因2月14日情人節當晚，該店衆多食客等候，吸引了我想一嘗滋味！今晚點了「水煮魚」「油泡田雞」「蒜泥白肉」，「水煮魚」合格，扣分在有魚骨和魚鱗，一後外出的是一片片魚肉，而這家店是原條魚上。「油泡田雞」失望，因不像油泡，是油浸，多湯汁，過咸；「蒜泥白肉」正常，沒有再可具體說明。

小魚鴨子的北京填鴨賣298一隻，沒有選擇兩食，最後餐廳還會打包剩下的鴨肉及鴨骨。北京填鴨一上台已經好吸引，色香味俱全，片皮鴨充滿油脂，皮脆肉嫩，加上熱辣辣的饃饃皮(又叫荷葉餅) ，可惜配料有點小，只有青瓜及蔥。馬拉盞通菜炒腩肉，通菜新鮮，炒出來很惹味招牌小籠包，沒有很驚艷蒜泥白肉，擺盤很適合打卡，有少量粉皮，可惜味道一般，有點過甜，可以加少少辣。涼拌土豆絲，太似一種味道，而味道怪怪的，欠缺層次感，亦可以加少少辣改善松鼠鱸魚，酸酸甜甜脆卜卜，開胃之選香醋豬軟骨煲，比其他失色，正常發揮

小魚鴨子小魚鴨子位於將軍澳新都城第三期1樓商場中庭,餐廳裝修簡單新穎,設有卡座,座位寬敞舒適,近餐廳入口位置坐位冷氣略嫌不夠。上湯鮮竹卷(早茶點心孖寶)$30.8點心碗內有三件鮮竹卷,熱辣辣入口非常鮮甜。薑米雞包仔點心籠內有三個雞包仔,肉餡好有薑味,包質鬆軟。金錢肚陳村粉(早茶點心孖寶)$30.8金錢肚份量多過陳村粉,金錢肚有黑胡椒味,微辣,好腍滑夠入味,陳村粉吸收咗金錢肚的味,份外好味。順德鯪魚球鯪魚球有三大粒,冇腥味,加啲胡椒粉特別好味。

小魚鴨子是一間食物質素中規中矩的食店。食物價錢合理的，飲茶食飯都不錯的，比很多酒樓還好，更有很多上海式的套餐，上菜速度快，菜品味道唔錯。店內空間充足沒有擠迫感，好闊落，卡位都多，職員態度親切；惟它的店內部分位置較熱，冷氣有點不足，希望能作改善。

食物普普通通，有啲餸勁咸，最唔好嘅就係得一個鐘頭俾你食，差唔多夠鐘會有職員行埋黎大大聲“差唔多夠鐘啦！快啲啦！”，下次一定唔會去，如果大部分餐廳咁樣趕客法，好難怪香港人北上搵食。

📍小魚鴨子🇭🇰 將軍澳貿業路8號新都城中心三期1樓132B-C & OSA132B-C號舖個日同長輩食飯佢推薦呢間食上海嘢話夜晚有優惠好抵又真係唔錯😋 砂鍋雲吞雞(半隻) $132勁好食 雞好嫩啲湯好好飲 濃得嚟勁清甜雲吞都大大隻😋 上海粗炒 $89好夠獲氣 好好食👍🏼👍🏼😋 四川擔擔麵 $50好味 唔算好辣 但如果再重啲花生味就好😋 招牌小籠包 $48大大隻 皮薄但仲keep到啲湯係入面 好正👍🏼😋 豆漿 $15食上海嘢一定要飲豆漿！正常豆漿味

去完銀行辦事經過惠康隔離 想食這間午餐 點了回窩肉客飯 嫰雞煨麵 小籠包 雞包仔，那個小籠包上枱熱辣辣 慢慢夾上來竟然穿底不特止 內裡豬肉是攪碎肉口感不好 雞包仔尚可 有薑絲👍至於回窩肉就太薄了 嚐不到味道，另外嫰雞煨麵不過不失 湯汁很快沒了 麵淋哂了. 價錢比較起來算是可以的😛