小黑糖 (宏生大廈)

营业中

休息中

位於尖沙咀宏生大廈的小黑糖是一家令人著迷的臺式手搖飲品店。這家店以其獨特的飲品組合和高品質的飲品聞名。來到這裡，我品嚐了三款令人驚艷的飲品：白桃烏龍茶加仙草、葡萄柚四季春和百香綠茶加愛玉。首先，讓我們來談談店舖的裝修。小黑糖以高級舒適的設計和溫馨的氛圍迎接著客人。木質的桌椅和溫暖的燈光營造出放鬆的氛圍，讓人們能夠在這裡享受一段寧靜的時光。店內還擺放著一些有趣的裝飾，為整體空間增添了一份獨特的魅力。白桃烏龍茶加仙草是我最喜愛的飲品，香甜美味的白泡配上清新的烏龍茶，令人心曠神怡葡萄柚四季春則結合了新鮮的葡萄柚汁和清爽的四季春茶，帶來了一種清新的口感。葡萄柚的酸甜與茶的苦澀相互融合，營造出一種平衡而令人愉悅的味道，讓人在炎炎夏日中得到舒緩和解渴。最後，百香綠茶加愛玉是另一款不容錯過的飲品。這款飲品結合了清爽的綠茶和Q彈的愛玉，帶來了一種口感豐富的享受。綠茶的清香和愛玉的嚼勁相互交融，給人一種清涼又有趣的感覺。每一口都充滿了自然的風味，令人回味無窮。總的來說，小黑糖是一家讓人陶醉的臺式手搖飲品店。從店舖高級舒服的裝修到精心調製的飲品，每一個細節都展現了店家對品質的追求和用心。無論你是喜歡水果茶

喺尖沙咀行街去小黑糖買咗兩杯嘢飲呢間舖頭都有幾多分店而且都開咗好多年我都幾鍾意飲佢啲嘢，因為覺得佢啲份量都足料同埋質素非常平穩第一杯係宇治抹茶歐蕾 我自己係抹茶愛好者，所以就叫咗一杯抹茶口味嘅嘢飲💚兩杯嘢飲綠色賣相都幾吸引，我仲叫咗紫米，口感好特別啊！🍀啲奶香味，都幾好另一杯係葡萄柚四季春，口味微酸帶甜，啖啖柚子粒，特色調茶系列入面都應該係幾受歡迎嘅選擇，我加咗愛玉，好有口感啊💝💝叫咗大size都飲咗好耐

去完尖沙咀做spa，同朋友行去附近厚福街諗住買杯嘢飲再去K11行街，我同朋友都喺奶茶控，所以經過小黑糖，諗都無諗就一致決定飲依間。我叫咗小黑糖珍珠鮮奶，本身想少冰，不過店員話冰量固定，好欣賞有得揀甜度，平時飲開好多黑糖珍珠鮮奶都冇得揀甜。整體嚟講奶味好濃郁，係用咗4.3牛乳，揀咗微甜之後啱啱好，甜度適中，珍珠口感豐富，幾有咬口，經過黑糖烹煮之後，每粒珍珠都散發黑糖嘅味道，好煙韌，所以真係揀微甜就已經足夠。朋友就叫咗一杯古早味珍珠奶茶，微甜走冰。飲落茶底都算突出，似喺紅茶，奶味茶味都幾平均，唔錯。朋友都覺得啲珍珠好Q彈，充滿黑糖味，完全令到呢杯飲品昇華，我諗我同朋友下次都會再encore呢一間。

每次路過厚福街都好想飲😆今次終於有得試啦！好期待！！小黑糖珍珠鮮奶 $32正呀有得揀常溫，咁凍嘅天氣飲落好舒服！仲要鮮奶味好出，黑糖珍珠亦都唔算好甜，珍珠軟硬程度拿捏得好👍🏼唔會好硬泰好喝歐蕾珍珠 $37見佢係排行榜no.1，當然想試一試啦😆怕甜所以叫咗少糖，甜味都好夠！味道都幾特別，有少少似布甸味，好香呀😗原本唔加珍珠就$32，加5蚊就有啦😚鮮檸伯爵 $25好fresh又唔會太酸！好解渴😆女士應該會好鐘意！！由於係做外賣仔，有個袋仔裝起哂佢，好方便！返到屋企都無倒瀉哂😆

同朋友食完飯行街口渴想買嘢飲，見到呢間嘢門前面幾多人排隊，就跟風試咗一試。舖頭嘅飲品款式幾多，基本上所有台式飲品嘅種類喺呢度都會搵到。好易有選擇困難症。。我嗌左一杯宇治抹茶歐蕾，歐蕾即係鮮奶，所以就係一杯authentic matcha latte🍵朋友帶咗佢哋排名第三嘅鮮檸伯爵，就係一杯用咗伯爵茶沖泡嘅檸檬茶☺️最後係蜂蜜奶綠，蜂蜜味好重，喜愛蜜甜人士必點！呢度啲嘢飲都好大杯，嗌一杯夠我哋行一個下晝🤩

啱啱喺「餓媽家姐」度食完手工漢堡，見正正隔離有間台式茶飲店「小黑糖」，啱晒我啦，睇落啲出品仲非常吸引，就順到買兩杯外帶慢慢嘆。呢類台式茶飲店嘅環境都喺大同小異，鋪仔細細一眼睇晒，除咗週圍貼滿產品推介之外，有一小角落擺咗啲精品文具作販賣。睇佢啲單張特別標示「源自台北的手炒黑糖風味」，咁就當然試佢啲黑糖產品啦。整體選擇包括小黑糖系列、濃白奶茶系列、鮮果調茶系列、歐蕾系列、冬瓜系列、經典醇茶系列，都幾多樣化。如果心大心細難唔知揀咩好，咁就不妨參考本週排行榜啦！小黑糖珍珠厚鮮奶 $35黑糖、珍珠、鮮奶喺其中一種最合我心水嘅組合，二話不說就揀定佢，而店家仲有一款「厚鮮奶」，加埋手打杏霜，咁就當然要試吓啦。搖勻之後，入口4.3牛乳唔喺流，奶味濃郁，隨之而嚟滲出陣陣黑糖清甜味，而杏霜味就有啲隱隱若若咁，底下嘅珍珠標明由台灣直送，自然喺加分位，咬落煙煙韌韌好有咬口。小黑糖冬瓜鮮檸 $29本來想試百香果綠茶，因為啱晒老婆飲，但喺見到呢款冬瓜鮮檸好似幾特別咁，所以，改咗試下新嘢。本身都鍾意飲冬瓜茶，覺得清清甜甜，依家加咗黑糖同埋鮮檸，出嚟嘅效果真喺幾特別，潤潤哋，又有啲清爽感，夾雜黑糖香，唔錯！唔錯！。依

行過尖沙咀見到呢間主打黑糖珍珠鮮奶嘅舖頭就忍唔住經過買咗一杯嚟試吓！個鋪面都幾有心思，有好多裝飾仲有一啲應援物🤣今次就嗌咗一杯黑糖珍珠厚鮮奶同埋一杯葡萄柚四季春，一杯邪惡一杯清新。一拎到手杯黑糖珍珠口鮮奶，店員就教要搖勻佢先開始飲。一飲第一啖鮮奶極度濃厚好滑同埋好香，有少少奶蓋嘅感覺再加埋黑糖好好飲！而黑糖亦都唔會太甜搶咗鮮奶個味😋成個平衡拎得好好，雖然好邪惡，但係都真係好滿足😌至於珍珠方面，珍珠口感好煙靭，大細適中好好咬～而每咬一啖都有黑糖味滲出絕對係中上水平。同埋份量都唔少，飲晒一杯其實都幾飽🤣而同行友人就嗌咗一杯清新啲嘅葡萄柚四季春，飲落去真係好清新而最估唔到係真係有一啲柚子果肉，口感極好。而四季春嘅茶味亦都保留到唔會比水果嘅甜味搶晒成個配搭真係清新好啱一啲唔鍾意太重負擔嘅人去選擇。下次有機會會想試吓個歐蕾系列，睇落都好似好吸引。～

今日HAPPY FRIDAY, 同同事係厚福街附近食完LUNCH, 想買番杯野飲下就繼續HAPPY見到有間小黑糖就去試下佢D黑糖珍珠1. 我就叫左杯小黑糖形珠厚鮮奶 有多種甜度可以選, 我就選左微糖30%厚鮮奶好滑, 同黑糖珍珠好MATCH, 珍珠大大粒好煙"刃", 有咬口, 微糖我就覺得岩岩好雖然係HAPPY FRIDAY 都唔可以太重甜2. 同事鐘意飲綠茶, 就叫左宇治抹茶歐蕾 半糖50%鮮奶同抹茶好夾, 他個抹茶濃都好濃,但唔會苦, 好好飲食飽飲番杯真係一流, 下次我都要叫3. 今晚開始凍, 另外個同事就叫左杯熱既伯爵珍珠奶茶, 作為健康新人類既佢都抵受唔到佢既引誘, 所以叫左走糖. 一路行番去一路拎住杯熱野好舒服, 因為我次次都係飲凍既, 就倒左少少黎試下, 估唔到熱既珍珠奶茶原來都咁好味, 黎緊冬天真係可以叫熱飲有選擇困難症既朋友都唔洗驚, 佢仲有個本週排行榜比你參考, 唔知飲咩就可以參考下下次要試下佢個白胡子芝士奶蓋, 今日落完單先見到, 好似好吸引

有咩嘆得過同朋友行完街食完飯飲返杯高質嘅手調飲品？仲要係水準穩定嘅小黑糖小黑糖珍珠鮮奶($32) - 鮮奶好香濃，順滑唔嚡口，珍珠嘅黑糖味勁出，口感又煙韌又好咬，同鮮奶好夾，又唔會互搶，好正泰好喝歐蕾珍珠($37) - Thai Tea陣雲尼拿香突出，用上鮮奶冇咁甜，加埋珍珠嘅黑糖味，味道好豐富好有層次葡萄柚四季春愛玉($38) - 大大杯解渴之選，葡萄柚配四季春好清新，柚肉同愛玉令成杯飲品提升，好滿足，果味愛好者必選有本週排行旁俾大家參考，又好多好唔同嘅foam board介紹唔同種類嘅飲品，有埋圖睇勁吸引，好多外賣平台都有做外送，好方便，無論幾時想飲都可以飲到有心機嘅仲可以睇埋文字版嘅介紹尖沙咀呢間小黑糖位置勁方便，鄰近地鐵站出口，喺加拿芬道同厚福街交界，附近勁多嘢食，幾乎次次食完嘢都忍唔住飲返杯，期待下次再飲

💖 小黑糖 (宏生大廈) (尖沙咀)✨尖沙咀加拿芬道45-47號宏生大廈地下D1號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️去尖沙咀最多嘅已經唔係酒吧而係茶飲店，可以話行過幾間就會見到一間，今日突然之間好想飲黑糖珍奶🧋，所以就周圍尋覓下。比我發現原來小黑糖就喺附近。-小黑糖珍珠厚鮮奶🥛 $35由台灣直送嘅大粒珍珠，每粒都煙煙韌韌😍好好有咬口。加入佢哋自家製嘅黑糖糖漿，令到成杯真奶生色不少👍🏻。當中嘅鮮奶仲用咗4.3鮮牛奶😌，口感更加滑溜😁另外甜度都仲可以再作調教，大家就唔使怕飲到超級甜嘅黑糖珍珠鮮奶啦😆-宇治抹茶歐蕾🍵 ＄35我媽咪好鍾意飲抹茶㗎所以我都打包咗一杯返嚟俾佢，不過我就唔係好知到底歐蕾係乜嘢🤔一問之下原來係法文黎🤭真係長知識啦，原來係代表鮮奶咁解。由於係用咗日本嘅宇治抹茶去製作，所以呢杯飲品會帶有少少回甘嘅味道，但因為加咗鮮奶所以就中和返😏想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

雖然差唔多入秋，但香港天氣經常好濕熱，手搖就係我哋嘅好朋友，加拿分道小黑糖款款都好吸引，我哋叫咗幾杯一齊飲🌟小黑糖珍珠厚鮮奶 $35肥肥的搭杯身有黑糖掛杯，珍珠彈牙充滿黑糖味，鮮奶香滑同黑糖融為一體🌟小黑糖冬瓜鮮檸 (L) $33飲品名稱包含店名就知係必點之選，冬瓜檸檬茶好常見，但加埋黑糖原來好特別，黑糖嘅甜同冬瓜嘅甜出奇地好配 呢個天氣飲真系一流！🌟白桃烏龍 (L) $34烏龍茶底香濃，白桃清甜，解渴消暑一流

小黑糖珍珠鮮奶$32雖然冰涼係固定，但係甜度可以調校。叫咗少甜飲落去真係唔會太甜，接受到。好香飲得出唔係用奶粉溝出嚟，係真係用鮮奶。而且鮮奶味同埋珍珠啲黑糖好夾，店舖係用黑糖漿煮黑糖，所以飲珍珠嘅時候黏黏結結嘅黑糖將會黐住每一粒珍珠。宇治抹茶歐蕾$35 宇治抹茶冰涼都係固定，但係我哋可以揀甜度。飲落去完全唔苦有濃郁嘅抹茶味，唔好咁柔順同埋順滑。歐蕾即係飲品有一半都係牛奶。所以飲落去好thick 同rich。百香果多多綠茶$33 飲品裏面真係會有百香果果粒，而餐廳亦都會將百香果嘅核絞碎先擺落杯嘢度。本身百香果酸酸甜甜咁樣同益力多好夾。仲有埋綠茶做茶底每一啖層次都好豐富。

厚福街一帶不嬲都有好多嘢食🤣亦開左好多茶飲店。但我最中意飲都係呢間#小黑糖 琴晚同朋友食完晚飯行街，經過都忍唔住買返杯野飲。鮮檸伯爵 $25如果唔想成日飲珍奶咁悶，可以試吓呢杯👍。清爽得黎又唔太甜，伯爵茶茶底幾香濃配啖啖鮮檸味。草莓歐蕾 $32 呢款其實係草莓鮮奶嚟，味道唔會話好甜，鮮甜既草莓加上濃純鮮奶，綿密順滑，仲食到粒粒草莓果肉，好好飲 ，私心推介。 走果陣，仲買多杯拎番屋企比男朋友飲tim😂😂😂

幾年前係尖沙咀返工既時候已經飲開【小黑糖】，記得黑糖同奶蓋都好正。但自從轉工之後好少去厚福街就基本上無飲過啦。最近經過厚福街又有D口渴所以就買左啦。我當然首選佢個小黑糖珍珠厚鮮奶、之後試左新野蜂蜜檸檬綠茶、同荔枝烏龍。 小黑糖珍珠厚鮮奶：選擇左微糖，都有少少甜，不過黑糖珍珠最少得微糖。珍珠好軟，但唔會太霖，黑糖味超重，厚鮮奶非常creamy。推薦 蜂蜜檸檬綠茶：個人建議唔需要少甜或者最多70%糖，檸檬會偏酸。非常清爽，第一下有D似普通蜂蜜綠茶，之後就會飲到檸檬酸味。 荔枝烏龍：半糖都會比較甜，個人建議微糖。非常清爽，烏龍茶味都算濃。

國慶日條街勁多人,睇煙花前去左買野飲。因為好中意熱情果,叫左杯奶蓋熱情果沙冰,奶蓋都幾厚,味道唔錯,熱情果味都濃。另一杯係熱情果多多,即係益力多加熱情果,味道都幾特別。佢有唔同既系列,有小黑糖珍珠鮮奶、有多多系列、有沙冰系列。間店叫做小黑糖,其實好應該試佢既招牌小黑糖珍珠鮮奶。但佢其他飲品都幾特別,就被其他吸引左了。下次一定要返來點返杯黑糖系列先得。呢道雖然係買完就走得,但店既設計都用心,買完可以係度影相打張卡先走。