小黑糖 (宏生大廈)

营业中

休息中

去完尖沙咀做spa，同朋友行去附近厚福街谂住买杯嘢饮再去K11行街，我同朋友都喺奶茶控，所以经过小黑糖，谂都无谂就一致决定饮依间。我叫咗小黑糖珍珠鲜奶，本身想少冰，不过店员话冰量固定，好欣赏有得拣甜度，平时饮开好多黑糖珍珠鲜奶都冇得拣甜。整体嚟讲奶味好浓郁，系用咗4.3牛乳，拣咗微甜之后啱啱好，甜度适中，珍珠口感丰富，几有咬口，经过黑糖烹煮之后，每粒珍珠都散发黑糖嘅味道，好烟韧，所以真系拣微甜就已经足够。朋友就叫咗一杯古早味珍珠奶茶，微甜走冰。饮落茶底都算突出，似喺红茶，奶味茶味都几平均，唔错。朋友都觉得啲珍珠好Q弹，充满黑糖味，完全令到呢杯饮品升华，我谂我同朋友下次都会再encore呢一间。