尚品鮮菓果汁

营业中

休息中

自從上次問完老闆，可以自攜杯之後，就作日帶埋摺摺杯嚟買嘢飲，今次試咗 #涼瓜梨汁 $25 ！佢啲果汁雖然冇加冰，但蔬果都有放雪櫃，所以果汁飲落都有解暑之用，啱呢排天氣。我同大家一樣，對苦瓜有種抗拒，一入口就會「揦埋口面」，但飲過呢間嘅「涼瓜+梨汁」，簡直顛覆我本來對苦瓜嘅印象！佢完全唔苦，仲幾清甜，但飲得出佢唔係苦瓜浸過糖水嘅甜味！老闆好好，如果你飲多幾次飲得到，佢會問你要唔要多啲苦瓜，我試過就算加多啲苦瓜，都依然唔覺得佢苦！如果嗰排熱氣，飲完佢粒飛滋都冇咁痛！大推俾大家！

其實係次次做完運動，個同學仔介紹嚟買，話比太子平，又比附近嘅果汁店乾淨！點知一試上癮！佢係無加糖、無加水，配搭得好出色，令有啲本來「太健康而有草青味嘅難飲果汁」都變得瞬間好易入口！今次試同學仔大熱推介傳說中超級健康嘅「ABC Juice」，即係Apple, Beetroot, Carrot ，紅蘋果紅菜頭甘荀汁，榨完出嚟紅菜頭令成杯嘢紅卜卜，但顧住飲，遲左打卡🤭！一入口，絕冇甘荀嘅草青味，紅菜頭嘅微甜同蘋果嘅微酸，令果汁味道剛剛好，睇住佢冇落水同糖，都飲得出冇浸過糖水嘅味。最緊要，女仔唔好飲太凍嘅嘢，佢完全冇落冰，只係用雪過嘅食材榨汁！會繼續幫襯，問咗老闆，可以自己帶杯去𠻹♻️♻️！