尚苑京滬川菜

营业中

休息中

週末休息就想食粵菜，行到屋企附近尼間比較多人的酒樓。中午時間可以點孖寶套餐，三個菜兩個點心，好抵。我哋點左半隻燻香樟茶鴨，枸杞浸菜心，海鮮炒米，紅油抄手同鮮蝦燒賣。燻香樟茶鴨帶輕微燻香味，瘦肉多，皮薄且脆，半隻鴨份量都好多。菜心浸系上湯中，面上撒有枸杞，菜心又甜又脆。海鮮炒米有好多海鮮，蝦🦐，魷魚🦑，北極貝等，米粉炒得好乾爽，仲食到鍋氣，最特別的是炒米粉一啲都唔油，尼個真是好難得，食個炒米粉唔會擔心熱量爆棚。紅油抄手的辣椒油好香，輕微辣度。燒賣蝦肉多，咬落彈牙，肉香味都濃郁。除左套餐，我哋仲點左個牛肉粒，牛肉粒真是好juicy，一口一粒，牛肉汁系個嘴入面爆開的感覺，好味，下次來仲會再點嘅😋

最近我去咗呢間餐廳嘗試咗幾款特別的中菜，每款都充滿了獨特的風味和精心的烹調，實在讓人回味無窮，同大家詳細介紹一下呢幾款佳餚。🫶🏻首先講下呢個新鮮菠蘿拔絲咕嚕肉。呢道菜嘅特色喺於新鮮菠蘿同脆口嘅豬肉相結合。豬肉先用粉漿炸到金黃香脆，再加入菠蘿塊一齊炒。最後，加入糖漿將所有材料包裹住，形成拔絲效果。每一口都可以感受到甜酸滋味同豬肉嘅酥脆口感。🍍接住就係燻香樟茶鴨，呢道菜用樟木同茶葉燻製而成，鴨肉煙燻香氣撲鼻。鴨皮經過長時間慢火燒制，變得脆口但唔油膩，而鴨肉則保持住嫩滑多汁。呢種特別嘅燻香味令鴨肉提升到另一個層次，每一口都充滿了層次感。🦆然後係椒鹽白飯魚。呢道菜簡單但又非常考功夫，白飯魚先炸到外脆內嫩，然後撒上椒鹽。每條魚都細細條，有口感，但配上微微辣嘅椒鹽味，好適合作為小食或者開胃菜。🐟最後講下金緀肉絲銀芽兩面黃。呢道菜有兩個主要部分，先係兩面黃，呢個係指煎到兩面金黃香脆嘅麵，再係炒肉絲同銀芽。金緀肉絲炒得剛剛好，唔會過熟而保持住嫩滑，配上爽口嘅銀芽，口感非常豐富，每一口都係不同嘅味道同口感交織。🍜

突然好想食北京填鴨， 朋友就諗起呢間中菜館， 話之前做節嚟過呢度食，食物質素幾好。北京填鴨半隻($268)無諗過份量咁多咁足料，食過其他餐廳既半隻連呢度三分一都無，仲要真係全部係皮同肉，唔係用骨舖底扮多，係堅多，兩個人食會食唔哂。片皮鴨既外皮非常香口香脆，皮下脂肪香滑，鴨肉細緻細嫩，一啲都唔會鞋同韌，配以京蔥、青瓜、甜醬包住一齊食，真係好滿足同飽足。魚香茄子煲（$98）超級熱辣辣香噴噴，一上碟個煲滋滋左好耐， 茄子軟硬度適中，唔會太硬或太散，茄子吸滿咸魚的咸香，加上肥豬肉碎嘅滑溜感，好入味，送飯一流。椒鹽蒜香白飯魚（$108）呢道菜好耐無食過，所以就算飽都係叫左，好彩無失望到。白飯魚好香脆可口，原本以為白飯魚好細條，但都幾大條。調味剛剛好，酥脆既外皮加上椒鹽蒜香既調味，而且一啲油益味都無。PS：服務幾好PS2：午市套餐會比晚市扺食好多

作為香港最為繁華熙來攘往的購物區，尖東當然少不了各式各樣的中菜館。其中,這間位於尖沙咀金馬倫道的中菜酒樓,便以其道地的粵式風味吸引了不少食客。首先上桌的是「椒絲腐乳通菜」,入口即化的腐乳加上爽脆的通菜,口感層次豐富,完美展現了粵式家常菜的精髓。而「薰香樟茶鴨半隻」更是這裡的招牌菜式之一,鴨肉肥而不膩,帶有淡淡的茶香,配搭上酥脆的鴨皮,不用任何醬汁調味都已令人回味無窮。另一重點推介必試的,非「清蒸沙巴龍躉斑仔一斤」莫屬。鮮嫩多汁的龍躉斑仔肉質細膩,加上清淡鮮甜的蒸汁,完全凸顯了海鮮本身的美味。尤其是配合旁邊的姜蔥醬,更能突出這道菜的精髓。無論是商務應酬還是與好友家人小聚,這裡都是一個不錯的選擇。

有朋友黎香港旅行，晚市想食中菜，帶左佢去尖沙咀「尚苑京滬川菜」俾佢感受傳統香港家庭去酒樓既感覺餐廳以明亮嘅色調同簡約嘅風格為主，座位之間嘅距離寬敞舒適，為食客營造咗一個放鬆愉悅嘅用餐體驗講到菜式方面，我最鍾意嘅係「蜜桃柚子骨」同「補氣清燉排骨湯」「蜜桃柚子骨」選用優質五花肉作為材料，經過主廚嘅巧手調理，肉質入口即溶，肥而不膩不過最打動我嘅，就係蜜桃同柚子同豬肉嘅完美融合肉質帶有淡淡嘅甜香，配合柚子嘅清爽酸甜，形成好juicy嘅味蕾體驗可以話係酸甜適中,回味無窮再講「補氣清燉排骨湯」湯頭透澈鮮甜，顯然係用上等排骨熬製而成湯料入口柔滑，回甘不膩，飽含咗濃郁嘅肉香食到老師傅既手勢，實在太開心！值得再encore的一餐

今晚同朋友黎食中菜，佢係南洋中心地下一層，位都好多。menu比起一般中菜廳唔算好多野食，佢有d 優惠係2道菜，包一個海鮮。一間中菜廳最容易試到佢手勢嘅就係咕嚕肉。我地即刻叫黎試下。菠蘿拔絲咕嚕肉好出色。肉質鮮嫩，而且炸得非常脆口，d汁收得好所以唔會一pat醬。拔絲嘅技巧掌握得好好，糖漿包裹住肉塊，入口即化。仲有新鮮菠蘿非常甜。另一道菜係蒜蓉炒白菜仔，味道清爽又健康。白菜仔炒得剛剛好。清蒸沙巴龍躉斑仔係今日嘅驚喜之選。鮮嫩嘅龍躉斑仔，魚肉彈牙。最後，我試咗一份燻香檯茶鴨（半隻）。鴨肉煙燻得剛好，質感鮮嫩多汁，鴨肉烤得脆口，d皮唔講我以為食緊乳豬皮，香口。整體而言，呢間餐廳嘅菜式質素相當高，味道鮮美，做工細緻。服務態度亦好，用餐環境舒適。

又到「開心星期五」，等老婆輕鬆吓，唔煮，出街食，就番佢返工所以揀咗嚟尖東食晚飯。加上想舒舒服服、安安靜靜食餐晚飯，結果就揀咗嚟「尚苑」，貪佢位處尖東一角嘅南洋中心，可以講喺一個比較僻靜嘅場。餐廳開晌地庫層，落到嚟別有洞天，由於是晚有團體搞聯誼會，所以，絕大部份客人都被安排晌一個廂房內。環境光猛，都喺一般中式酒樓嘅格局，但勝在幾邊都有大電視，啱晒香港人電視撈飯。唔知喺咪呢晚隔離大廳搞聚會，好似同我晌網上睇到嘅菜式選擇少咗好多，我亦再三問過侍應，確喺得手上呢兩個菜牌。雖然，本身都想試試店家嘅京滬點心，不過，簡簡單單食吓小菜我哋都OK。先講講啲雜費，嚟得中式酒樓大家都知呢啲嘢，餐前小食「醬油花生」收$20，茗茶就收$18位，我哋仲嗌咗一個白飯，收$20，另需加一服務費。燻香醬茶鴨 $98依家做緊優惠，半價就食到，無理由唔叫架。雖然只賣$98，但就無將貨就價，原裝半隻鴨靚靚仔仔砌番出嚟，賣相幾好。入口皮脆肉嫩不特止，確喺好有煙燻香味，加少少皮下油脂，的確好食，老婆都大讚。椒鹽蒜香白飯魚 $108平時屋企煮飯都以健康簡單為主，基本喺唔會整啲油炸菜式，所以，老婆口痕痕又想試試呢道菜。份量唔太多，不

今日去咗尖沙咀飲茶，見到好多人都推介呢一間新開嘅酒樓坐得又舒服，經濟實惠，性價比高，所以同屋企人你試吓出去尖沙咀飲茶，估唔到真係好有驚喜，裏面真係非常漂亮，而且坐得好書房，環境非常大，而且是服務好好，非常有服務質素，有賓至如歸的感覺，呢度嘅食物都非常好食，我真係好推介佢哋嘅櫻花蝦香煎蘿蔔糕，出面試佢真係食唔到啊，知道卜卜趣，而且仲有櫻花蝦嘅香味，加埋都唔錯，而且佢哋嘅蝦餃王都係非常推介，裏面有萵筍，真係好特別啊，而且裏面有大大嚿鮮蝦，提升左蝦餃嘅口感，而且我哋仲幾多個鮮菠蘿咕嚕肉，賣相好吸引，而且啖啖肉，即叫即整，非常新鮮，唔似出面食嘅咕嚕肉又多骨，而且好多肥豬肉，呢一間酒樓唔會呀，睇得出廚師好有心思，啖啖肉，撈飯真係一流

今日好開心同屋企人去咗尖沙咀南洋中心食飯，行街，見到好多人都推介呢一間餐廳食物質素好高，服務一流，於是同屋企人去試試，好開心可以識到呢一間餐廳，因為真係好有驚喜，裏面嘅裝修環境都好優雅，坐得好舒服，真係好啱一家大細去食飯啦，而且我都好推介佢哋嘅北京烤鴨，真係非常入味，而且佢哋嘅北京烤鴨份量十足，仲有提供酸菜魚，個價錢經濟實惠，所以一定要利是呀，而且佢哋嘅烤鴨非常脆皮，超級香味，肉質鮮嫩，而且啖啖肉，真係好豐富呀，而且我哋仲叫咗個鮮菠蘿櫻花蝦炒飯，鮮菠蘿非常開胃，賣相吸引，而且炒飯粒粒分明，而且分量十足，仲有個一定要叫嘅就係灌湯小籠包，小籠包非常多汁，真係好好食呀，而且個皮唔會太口，皮薄餡靚，而且肉質鮮嫩，所以一定要叫呀！

星期六諗住去科學館行，去尖東噴水池果邊睇下有冇咩好食，去咗呢間裝修都大方高端的酒樓食午餐。睇個名京滬川菜，睇黎佢的菜式除左一般酒樓店心外，仲有d特色菜，發覺佢有幾個午市set都幾高性價比，1個價錢包你幾個餸🤔半隻樟茶鴨，必食酸菜魚及蜜桃柚子骨，$298連加一，好似幾吸引咁!樟茶鴨雖然係半隻，但係圍埋數都至少有十幾件，仲要件件都係無肥肉，貨真價實👍 煙燻過的鴨肉帶有微微的樹葉及茶葉味，比平時的燒鴨少一份油膩多一份脫俗😁酸菜魚大大煲，魚肉肉身軟腍，湯底微辣，適合不吃辣的人士，雲耳大白菜芝麻碎及魚肉混埋一起，鋪頭加過必食之名落去，確實有理😛蜜桃柚子骨和平時的咕嚕肉不同，柚子的清香及桃肉的鮮甜(初頭以為係罐頭果隻，但食落唔似，莫非係即叫即切的蜜桃肉？無從考究，但味道足夠🫡）令我一路食一路好想加碗白飯，太吸引了～環境舒適，冷氣充足，枱與枱之間距離足夠，埋單時仲見到原來有舞廳及供麻雀耍樂的包廂🎶🎙

好耐無食中菜既晚飯，朋友揾到呢間係尖沙咀，又見到有片皮鴨食喎，一於試一試佢😍兩個人叫左三個餸再加一碗湯，非常夠食😍🌟酸菜炒牛肉牛肉滑嫩可口，份量十分多。而酸菜酸甜爽口。兩者搭配可以添多碗白飯🍚🍚🍚🌟黑糖金磚豆腐$88既價錢黎講絕對係超值。金磚豆腐炸得好真係好難，亦好考師傅既功力。今次呢個每粒都差不多係一樣size，無爛到，亦好脆口。炸衣好簿脆，唔會食落成口粉😍🌟北京填鴨 一 半隻鴨皮酥脆而不油膩，肉質滑嫩。半隻既份量都好多，細食既朋友仔真係要留意唔好再叫太多其他主食喇😆搭配大蔥絲，青瓜同甜麵醬，真係一啖接一啖甘食😍🌟豐料老火湯是日靚湯係青紅蘿蔔豬骨湯🥕我既最愛😍飲得岀無落味精，因為飲完個晚都無口乾😍😍

唔搵都唔知南洋中心地庫有間中菜，Ｄ小菜又幾好食喎， 而且去酒樓食飯多數都好嘈，哩度相對空間感大且闊落， 靜靜地幾好坐。晚市做緊優惠既菠蘿拔絲咕嚕肉只係$88, 幾乎枱枱都有一碟。咕嚕肉外層做到脆身效果, 肉質爽口, 成個口感好好, 酸酸甜甜配上新鮮菠蘿, 好味。另外叫左黑松露香煎肉餅 $168同埋乾扁肉鬆四季豆 $118, 哩兩個都超好送飯。四季豆d炒埋肉碎好夠咸香惹味。肉餅又厚煎得又香口, 入面有d菇既碎碎令口感同味道都更有層次, 面頭好多黑松露醬, 好正。連埋茶芥 $16/位,  小食 $20, 尖東食中菜黎講食物質素好, 價格亦合理, 值得一試。

今日喺紅磡附近行完街，就去咗飲茶。呢間嘅飲茶，晏晝會有午市優惠孖寶套餐，亦都有啲推介廚師推介嘅抵食炒飯炒麵搞到我忍唔住即刻要返一份嚟食，喺午市優惠孖寶，我叫咗 紅棗鮮蝦燒賣 同 麻辣醬皇鳳爪。燒賣大大粒都有鮮蝦份量十足，然後個鳳爪少少辣非常之惹味。我另外仲叫咗一個$68嘅欖菜鴨松炒飯，佢嘅飯炒得好香，而且勁大碟$68食到一碟咁大份真係好抵食然後我同朋友忍唔住叫咗每人都叫咗一份灌湯餃，佢嘅湯汁非常之好飲，隔離仲會有少少醋，可以添加作為配搭。

位於尖東嘅尚苑中菜廳，酒樓地方特大，適合團體聚餐及婚宴！並自設魚缸，養住鮮活海鮮！適逢節日，尚苑會有節日套餐同埋餐牌！拔絲咕嚕肉 $178以鮮菠蘿配襯嘅咕嚕肉，擺盤用心！尚苑嘅咕嚕肉配方有別於一般餐廳，除咗菠蘿分開之外，酸味嘅來源改用蕎頭，更見酸爽解膩，真係撈飯必點嘅小菜！蜜桃一字骨 $178另一道以生果下饌嘅小菜，蜜桃香甜多汁，一字骨軟腍入味，上面仲有適量嘅碌柚肉提鮮，水準之作！白飯 $20/碗粒粒分明，配搭上面兩款小菜！茶介 $18/位

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯夏天天氣開始熱咗好多，所以都冇乜胃口，飲食方面都清淡咗好多，所以放工時段就去咗食中菜。中菜廳大堂都有一棵金色大樹，配搭天花頂嘅水晶吊燈，金碧輝煌嘅感覺。薰香樟茶鴨遠遠地已經聞到煙燻和茶香嘅香味，鴨身紅棕色，連鴨皮部分烤到香脆，內層鴨肉濕潤又多汁。清蒸沙巴龍躉斑食得中茶一定少得叫返條魚，店員就推介咗沙巴龍躉，話今日最新鮮嘅。廚師蒸魚功力十足，魚肉熟度剛好，清蒸更加海鮮嘅鮮味。新鮮菠蘿拔絲咕嚕肉夏天就最啱食酸酸甜甜嘅咕嚕肉，香脆嘅外皮包裹住酸甜嘅醬汁，配搭本身多汁嘅菠蘿，食落真係好開胃啊。紅燒花膠豆腐豆腐外脆內軟又夠滑，入面仲有矜貴嘅花膠添，補下身都啱哂啦。椒鹽豆腐粒我就話椒鹽配乜嘢都好食，香脆嘅豆腐椒鹽味好邪惡啊。最後就叫返兩個主菜：上海粗炒和燉雞煨麵，一定夠晒飽肚。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 尚苑京滬川菜 (尖沙咀)尖沙咀麼地道75號南洋中心LG樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯